1 Коринфӧ 2:14 - Коми Библия 2023

¹⁴ Морт пытшкас кӧ абу Енлӧн Лолыс, сійӧ оз вермы сибӧдны Ловсянь висьталӧмсӧ да лыддьӧ тайӧс йӧйталӧмӧн. Мортыс оз вермы гӧгӧрвоны висьталӧмсӧ, ӧд тайӧс позьӧ донъявны сӧмын Енлӧн Лолыс отсӧгӧн.

1 Коринфӧ 2:14 ပူးပေါင်းရင်းမြစ်များ

Шусьӧгъяс 14:6

Омӧльтысь морт корсьӧ мывкыдлунсӧ да оз аддзы, вежӧра мортлы тӧдӧмлуныс кокньыда шедӧ.

Матвей 16:23

Бергӧдчӧмӧн Исус шуис Петырлы: «Вешйы Ме дінысь, сӧтана! Тэ Менӧ крукӧдан, ӧд тэнад мӧвпъясыд мортсянь, абу Енсянь».

Иоан 10:20

Унаӧн на пӧвстысь шуалісны: «Сійӧс пеж лов кутӧма, Сійӧ йӧйталӧ. Мыйла Сійӧс кывзанныд?»

Иоан 12:37

Сы мында шензьӧданатор Исус вӧчис йӧзыс водзын, но найӧ эз эскыны Сылы.

Иоан 14:17

Тайӧ Дорйысьыс – Збыльыслӧн Лолыс. Муюгыдыс оз аддзы да оз тӧд Сійӧс, та вӧсна оз вермы сибӧдны. Ті тӧданныд Сійӧс, ӧд Сійӧ тіянкӧд да тіян пытшкын.

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Иоан 15:26

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.

Иоан 5:44

Ті сибӧданныд ошкӧмсӧ ӧта-мӧдсяньныд, но ӧти Енсянь петысь ошкӧмсӧ онӧ корсьӧй. Сідзкӧ, кыдзи ті верманныд эскыны!

Иоан 8:43

Мыйла ті онӧ гӧгӧрвоӧй Менсьым висьталӧмӧс? Ті онӧ гӧгӧрвоӧй, ӧд онӧ сибӧдӧй Менсьым кывъясӧс.

Ап. уджъяс 16:14

Сэні вӧлі Фиатираысь пурпур дӧраӧн вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ,

Ап. уджъяс 17:18

Кодсюрӧ философъяс, эпикура да стоика велӧдӧмӧ кутчысьысьяс, вензисны Павелкӧд. Ӧтияс шуалісны, сійӧ пӧ нинӧм абусӧ сӧрӧ! Мӧдъяс шуалісны, кутшӧмкӧ пӧ тӧдтӧм енъяс йылысь висьталӧ. Павел жӧ висьталіс налы Исус йылысь да кулӧмысь ловзьӧм йылысь.

Ап. уджъяс 17:32

Кулӧмысь ловзьӧм йылысь кылӧм бӧрын ӧтияс пондісны серавны, мӧдъяс шуисны, та йылысь пӧ коркӧ мӧдысь тэнӧ кывзам.

Ап. уджъяс 18:15

А кор ті вензянныд кывъяс, нимъяс да асланыд Индӧд йылысь, ме тані абу ёрдысь. Асьныд сёрнитчӧй».

Ап. уджъяс 25:19

Найӧ вензисны асланыс эскӧм кузя да кутшӧмкӧ кувлӧм Исус понда. Но Павеллӧн висьталӧм серти, Сійӧ ловъя.

1 Коринфӧ 1:18

Вошӧмаяслы крест йылысь висьталӧмыс – йӧйталӧм, а миянлы, мездмӧмаяслы – Енлӧн выныс.

1 Коринфӧ 1:21

Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.

1 Коринфӧ 1:23

а ми висьталам тувъялӧм Кристос йылысь. Иудейяс крукасьӧны тайӧ висьталӧмас, а грекъяс лыддьӧны тайӧс йӧйталӧмӧн.

1 Коринфӧ 1:25

Ӧд Енлӧн ”мывкыдтӧмлуныс” ёна ыджыдджык морт мывкыдысь, да Енлӧн ”жеблуныс” ёна вынаджык морт вынысь.

1 Коринфӧ 15:44

Гуавсьӧ мувывса вир-яй, ловзьӧ енэжвывса. Эм кӧ мувывса вир-яй, эм и енэжвывса.

1 Коринфӧ 15:46

Медводдза олысьыс вӧлі мувывса, эз енэжвывса, сэсся енэжвывсаыс локтіс.

1 Коринфӧ 2:12

Ми сибӧдім эгӧ тайӧ муюгыдсалысь ловсӧ, а Енлысь Ловсӧ, медым вермим тӧдны Енлысь сетӧмторъяссӧ.

1 Коринфӧ 3:1

Вокъяс, ме эг вермы сёрнитны тіянкӧд Лов серти олысьяскӧд моз. Ме сёрниті тіянкӧд вир-яй серти олысьяскӧд моз, ӧд Кристослы эскӧмын ті кага кодьӧсь на.

Яков 3:15

Ӧд татшӧм мывкыдыс – абу вылісянь сетӧм мывкыд, сійӧ – мувывса, мортсянь да пеж ловъяссянь.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Иуда 1:19

Татшӧм йӧзыс ваясны тіян костӧ юксьӧм. Найӧ олӧны вир-яй сертиныс, Енлӧн Лолыс на пытшкын абу.