1 Коринфӧ 2:11 - Коми Библия 2023

¹¹ Вермас-ӧ кодкӧ тӧдны мортлысь мӧвпъяссӧ сылӧн лолыс кындзи? Тадзи Енлысь мӧвпъяссӧ некод оз тӧд Енлӧн Лолыс кындзи.

1 Коринфӧ 2:11 ပူးပေါင်းရင်းမြစ်များ

Иов 15:8

Гашкӧ, тэ вӧлін Ен дінын, кор Сійӧ чукӧртчис енэжвывса олысьяскӧд, гашкӧ, тэныд вичмис сэні мывкыдлуныс?

Шусьӧгъяс 14:10

Сьӧлӧмыд тӧдӧ ассьыс шогсӧ, и долыдлунсӧ мӧдкӧд оз юк.

Шусьӧгъяс 20:27

Мортлӧн лолыс – Господьлӧн югдӧданторйыс, пыдӧдз тӧдмалӧ мортлысь сьӧлӧмсӧ.

Шусьӧгъяс 20:5

Сьӧлӧмпытшса мӧвпъясыд – джуджыд ва, но вежӧра морт вермӧ гумлавны и сэтысь.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

1 Коринфӧ 2:10

Енмыс восьтіс тайӧс миянлы Аслас Ловнас, ӧд Лолыс ставсӧ тӧдӧ. Сійӧ тӧдӧ Енлысь став пыдта-судтасӧ.