1 Коринфӧ 2:10 - Коми Библия 2023

¹⁰ Енмыс восьтіс тайӧс миянлы Аслас Ловнас, ӧд Лолыс ставсӧ тӧдӧ. Сійӧ тӧдӧ Енлысь став пыдта-судтасӧ.

1 Коринфӧ 2:10 ပူးပေါင်းရင်းမြစ်များ

Иов 12:22

Сійӧ восьтӧ джуджыд пемыд гуяс, сап пемыдсӧ югыдӧ петкӧдӧ.

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Даниил 2:22

Сійӧ восьтӧ пыдӧ дзебӧмасӧ да гусяторсӧ, тӧдӧ, мый дзебӧма пемыдас, и югыдыс олӧ Сыкӧд.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Лука 10:21

Сэки Исус тырис Вежа Ловсянь нимкодьлунӧн да шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы. Татшӧм вӧлі Тэнад бур кӧсйӧмыд, Батьӧй».

Лука 2:26

Вежа Лов водзвыв висьтавліс сылы, Господьлысь Мавтыштӧмасӧ аддзывтӧдз пӧ он кув.

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Иоан 16:13

Збыльыслӧн Лолыс локтас да велӧдас тіянӧс збыляс. Сійӧ оз Ассяньыс кут висьтавны, а висьталас кывлӧмсӧ да юӧртас тіянлы водзӧ лоанасӧ.

1 Коринфӧ 14:30

Пукалысьяс пӧвстысь кӧ кодлыкӧ лоӧ Енсянь восьтӧм, сэки воддза висьталысьыс мед дугдас сёрнитнысӧ.

1 Коринфӧ 2:11

Вермас-ӧ кодкӧ тӧдны мортлысь мӧвпъяссӧ сылӧн лолыс кындзи? Тадзи Енлысь мӧвпъяссӧ некод оз тӧд Енлӧн Лолыс кындзи.

Галатӧ 1:12

Эг мортсянь ме босьт сійӧс, эз морт менӧ велӧд, но ачыс Исус Кристос восьтіс меным сійӧс.

Ефесӧ 3:3

Восьтӧмыс пыр Енмыс сетіс меным тӧдны Ассьыс гусяторсӧ. Та йылысь ме вылынджык дженьыдика гижи нин.

Ефесӧ 3:5

Водзын олысьяс эз тӧдлыны тайӧ гусяторйыс йылысь. Ӧні Вежа Лов восьтіс сійӧс Кристослӧн апостолъяслы да пророкъяслы.

1 Тимофейлы 4:1

Лов веськыда висьталӧ, мый бӧръя кадас кодсюрӧ кежасны эскӧмысь. Найӧ пондасны кывзыны ылӧдчысь ловъясӧс да кутчысясны пеж ловъяслӧн велӧдӧмӧ.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Восьтӧм 2:24

Тіянлы да фиатираса мукӧд олысьяслы, кодъяс эз сетчыны Езавельлӧн велӧдӧмӧ да эз пырӧдчыны сідз шусяна ”сӧтаналӧн гуся велӧдӧмӧ”, Ме висьтала со мый: ог сьӧктӧд тіянӧс мукӧд тшӧктӧмъясӧн.