1 Коринфӧ 16:6 - Коми Библия 2023

⁶ Гашкӧ, мыйтакӧ олышта тіян дінын, гашкӧ, тӧвъя весиг. Сэсся водзӧ менӧ мӧдӧданныд.

1 Коринфӧ 16:6 ပူးပေါင်းရင်းမြစ်များ

Ап. уджъяс 15:3

Вичкосянь мӧдӧдӧмаяс, Финикияті да Самарияті мунігӧн, висьтавлісны Ен дінӧ ентӧдтӧмъяслӧн бергӧдчӧм йылысь. Тайӧ юӧрсӧ кылӧмысь сэтчӧс вокъяс ставныс ёна нимкодясисны.

Ап. уджъяс 17:15

Вокъяс колльӧдісны Павелӧс Афинӧдз да бӧр бергӧдчисны. Павел корис найӧс висьтавны, мед Сила да Тимофей кыдз позьӧ ӧдйӧджык локтасны сы дінӧ.

Ап. уджъяс 20:38

Торъя нин шогсисны Павеллӧн шуӧм кывъясысь, мый найӧ оз нин аддзывны сылысь чужӧмсӧ. Сэсся колльӧдісны Павелӧс корабль вылӧ.

Ап. уджъяс 21:5

Вежон мысти ми бара петім туйӧ. Ставныс гӧтыръясныскӧд да челядьныскӧд колльӧдісны миянӧс кар сайӧдзыс. Сэні вадорас ми сувтім пидзӧс выланым да кевмысим.

Ап. уджъяс 27:12

Тӧвйыны тайӧ сувтанінас эз позь, та вӧсна унаӧн шуисны кывтны татысь, кыдзкӧ воӧдчыны Финик карӧдз да тӧвйыны сэні. Тайӧ критса ӧзыныс видзӧдіс рытыв-лунвывлань да рытыв-войвывлань.

Ап. уджъяс 28:11

Куим тӧлысь мысти Диоскур нима александрияса корабль вылын ми мӧдӧдчим водзӧ. Тайӧ корабльыс тӧвйис ді вылын.

Римӧ 15:24

Испанияӧ мунігӧн пырала тіян дінӧ. Кӧсъя аддзысьлыны тіянкӧд, медым вермим ӧтлаын нимкодясьыштны. Лача кута, мый сэсся отсаланныд меным водзӧ туйӧ петны.

1 Коринфӧ 16:11

Энӧ увтыртӧй сійӧс! Отсалӧй сылы лӧнь сьӧлӧмӧн бӧр локны ме дінӧ. Тані мукӧд вокъяскӧд ме виччыся сійӧс.

2 Коринфӧ 1:16

Ме ӧд кӧсйи кежавны тіян дінӧ Македонияӧ мунігӧн да нӧшта бӧрсӧ локтігӧн. Сэсся ті эськӧ водзӧ мӧдӧдінныд менӧ Иудеяӧ.

Титлы 3:12

Ӧртемӧс либӧ Тихикӧс кор мӧдӧда тэ дінӧ, тэрмась волыны ме дінӧ Никопольӧ. Сэні тай шуи тӧвйынысӧ.