1 Коринфӧ 15:58 - Коми Библия 2023

⁵⁸ Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

1 Коринфӧ 15:58 ပူးပေါင်းရင်းမြစ်များ

2 Каднебӧг 15:7

Но ті лоӧй зумыдӧсь, энӧ лэдзӧй кинытӧ, ӧд уджъяссьыныд лоӧ тіянлы тырдон».

Неемий 6:4

Найӧ нёльысь ыстылісны меным татшӧм корӧмсӧ, и ме пыр ӧткодя вочавидзлі налы.

Псалтыр 112:6

аддзӧ ставсӧ, мый эм енэжас да му вылас.

Псалтыр 73:13

Аслад вынӧн Тэ поткӧдін саридзсӧ, жугӧдін саридзса гундыръяслысь юръяссӧ.

Псалтыр 78:8

Эн пукты миян вылӧ батьяснымлысь мыжъяссӧ, тэрмась петкӧдлыны миянлы Ассьыд бурлунтӧ, ӧд ми дзикӧдз жебмим.

Шусьӧгъяс 21:21

Коді кӧсйӧ овны веськыда да бур сьӧлӧмӧн, аддзас олӧмсӧ, веськыдлунсӧ да пыдди пуктӧмсӧ.

Марк 3:3

Исус тшӧктіс косьмӧм киа мортлы: «Сувт шӧрас».

Лука 19:19

Сылы ӧксы шуас: ”Вит карӧн веськӧдлыны кутан”.

1 Коринфӧ 16:10

Локтас кӧ тіян дінӧ Тимофей, тӧждысьӧй сы вӧсна, медым сылы нинӧмысь эз ковмы майшасьны, ӧд сійӧ ме моз кесъялӧ Господьлы.

1 Коринфӧ 3:8

Кӧдзысьыс да киськалысьыс ӧти удж вӧчӧны, но быдӧн на пиысь удждонсӧ уджыс серти босьтас.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

Галатӧ 4:11

Пола тіян вӧсна – буракӧ, менам весьшӧрӧ мырсьӧма-уджалӧма.

Галатӧ 6:9

Бурсӧ вӧчигӧн огӧ сетчӧй мудзӧмас, ӧд ас кадӧ вундам, огӧ кӧ лэдзӧй кинымӧс.

Филипӧ 1:11

кутанныд вайны веськыда олӧмыслысь вотӧссӧ Енсӧ ошкӧм да аттьӧалӧм могысь. Тайӧ уджсӧ кутас вӧчны тіян пытшкын Исус Кристос.

Филипӧ 1:9

Ме кевмыся, мед тіян муслунныд ёнджыка на содас да сетас тіянлы быдпӧлӧс тӧдӧмлунсӧ да мывкыдлунсӧ,

Филипӧ 2:16

Кутчысьӧй олӧмыслӧн кывйӧ, сэки Кристослӧн лунӧ ме верма ошйысьны, мый эг весьшӧрӧ уджав да мырсьы тіян пӧвстын.

Филипӧ 2:30

Кристослы кесъялігӧн сійӧ ӧдва эз кув, ӧдва эз вошты ассьыс олӧмсӧ, но отсасис меным, кор ті энӧ вермӧй отсасьнысӧ.

Филипӧ 4:17

Дерт, ме ог виччысь тіянсянь сетӧмторъяс, сӧмын кӧсъя, медым тіян сетӧмторныд уна пӧвстӧн бӧр бергӧдчис тіянлы.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Колосӧ 2:5

Кӧть ме вир-яйӧн абу тіянкӧд, но лолӧн тіянкӧд. Меным зэв нимкодь аддзыны, мый ті оланныд ӧти сьӧлӧмӧн да зумыда эсканныд Кристослы.

Колосӧ 2:7

Быдмӧй-сӧвмӧй Сы пытшкӧ вужъясьӧмӧн, ёнмӧй эскӧмас, кыдзи тіянӧс велӧдӧма. Сьӧлӧмныд мед век вӧлі тыр аттьӧалӧмнас.

1 Фессалоникаӧ 1:3

Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

1 Фессалоникаӧ 3:12

Господь мед уна пӧв содтас ӧта-мӧдныд дінӧ да став йӧзыс дінӧ муслуннытӧ. Тіян муслунныд мед лоӧ сэтшӧм жӧ вына, кутшӧм вына тіян дінӧ миян муслунным.

1 Фессалоникаӧ 3:3

медым сьӧкыдсӧ нуигӧн тіян пӧвстысь некод эз усь. Ті ӧд асьныд тӧданныд, мый миянлы ковмас нуны сьӧкыдсӧ.

1 Фессалоникаӧ 3:5

Та вӧсна ме эг нин вермы виччысьнысӧ, а мӧдӧді тіян дінӧ Тимофейӧс, медым тӧдмавны тіян эскӧмныд йылысь, эз-ӧ ылӧдлы тіянӧс омӧльыс, эз-ӧ ло весьшӧрӧ миян уджным.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

2 Фессалоникаӧ 1:3

Вокъяс, миянлы быд кадӧ колӧ аттьӧавны Енсӧ тіянысь, ӧд тіян эскӧмныд лунысь-лун ёнмӧ да тіян костын ӧта-мӧд дінад муслунныд ёнджыка на содӧ.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

Еврейяслы 3:14

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

2 Петыр 3:14

Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун.

Руфа 1:18

Ноеминь гӧгӧрвоис, мый Руфа оз веж шуӧм кывсӧ, а мунас сыкӧд. Ноеминь сэсся эз кут сёрнитны сылӧн бӧр бергӧдчӧм йылысь.