1 Коринфӧ 15:57 - Коми Библия 2023

⁵⁷ Ошкӧм Енлы! Миян Господь Исус Кристос пыр Сійӧ сетӧ миянлы вермӧм!

1 Коринфӧ 15:57 ပူးပေါင်းရင်းမြစ်များ

Ӧксыяслӧн 4 небӧг 5:1

Арамса ӧксылӧн вӧлі тышкайӧзӧн веськӧдлысь, кодлӧн нимыс вӧлі Нееман. Ӧксы сійӧс пыдди пуктіс, ӧд сы пыр Господь сетіс арамейяслы унаысь вермыны. Но тайӧ вына тышкасьысьыс висис проказаӧн.

1 Каднебӧг 22:11

Господь мед лоас тэкӧд, пиӧй! Сэки тэнад ставыс артмас, и тэ лэптан крам Господьлы, аслад Енлы, Сылӧн водзвыв висьталӧмыс серти.

Псалтыр 98:1

Господь ӧксыалӧ! Полӧй-тіралӧй Сыысь, войтыръяс! Сійӧ пукалӧ херувимъяс вылын. Мед сыркакылас муыс!

Шусьӧгъяс 21:31

Вӧлӧс дасьтӧны тышкасян лун кежлӧ, но вермӧмсӧ Господь сетӧ.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Ап. уджъяс 27:35

Тайӧс шуӧм бӧрын босьтіс нянь, ставныслӧн син водзын Енмӧс аттьӧалӧмӧн чегъяліс да пондіс сёйны.

Римӧ 7:25

Аттьӧала Енмӧс миян Господь Исус Кристосысь! Тадзи менам пытшкӧсса мортыс кывзысьӧ Ен Индӧдлысь, а тшыкӧм вир-яйыс – мыжыслӧн индӧдлысь.

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

1 Коринфӧ 15:51

Висьтала тіянлы гусятор: ми огӧ ставным кулӧй, но ставным вежсям.

2 Коринфӧ 2:14

Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.

2 Коринфӧ 9:15

Ошкӧм Енлы шуны вермытӧм сетӧмторсьыс!

Ефесӧ 5:20

Быд кадӧ ставсьыс аттьӧалӧй Ен Батьӧс миян Господь Исус Кристос нимӧн.

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Восьтӧм 12:11

Миян вокъяс вермисны сійӧс Балялӧн вирӧн да збыльсӧ висьталӧмӧн. Найӧ эз повны кулӧмысь, вӧліны дасьӧсь сетны ассьыныс олӧмнысӧ.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.