1 Коринфӧ 15:54 - Коми Библия 2023

⁵⁴ Кор тайӧ сісьмана вир-яйыс вежсяс сісьмытӧмӧ да кулана вир-яйыс – кувлытӧмӧ, сэки инасны Гижӧдысь кывъясыс: – Кулӧмсӧ бырӧдӧма, вермӧма пыр кежлӧ!

1 Коринфӧ 15:54 ပူးပေါင်းရင်းမြစ်များ

Исай 25:8

Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.

Лука 20:36

Найӧ оз нин кувны, а лоӧны анделъяс кодьӧсь. Найӧ Енлӧн ныв-пи, ӧд найӧс ловзьӧдӧма.

Римӧ 1:23

Пыр олысь Енмӧс нимӧдӧм пыдди пондісны юрбитны быранаыслы: морт, лэбач, пемӧс да веглясьысь сяма вӧчӧмторъяслы.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

Римӧ 6:12

Энӧ лэдзӧй мыжсӧ ыджыдавны тіян кулана вир-яйын да ыштӧдны тіянӧс аслас лёк кӧсйӧмъясӧн.

Римӧ 8:11

Тіян пытшкын кӧ олӧ Енлӧн Лолыс, коді ловзьӧдіс Исусӧс кулӧмысь, сідзкӧ, Кристосӧс Ловзьӧдысь ловзьӧдас тшӧтш тіянлысь кулана вир-яйнытӧ сійӧ Ловнас, коді олӧ тіян пытшкын.

2 Коринфӧ 4:11

Ми ловъяӧсь, но быд кадӧ куланвыйынӧсь Исус вӧсна, медым миян кулана вир-яйын тыдовтчис Сылӧн олӧмыс.

2 Коринфӧ 5:4

Тайӧ вир-яй чомъяс олігӧн ми сьӧкыда ышлолалам, ӧд огӧ кӧсйӧй пӧрччысьны, но кӧсъям пасьтавны выльсӧ, медым олӧмыс вевттис куланасӧ.

2 Фессалоникаӧ 1:10

Тайӧ лоӧ сійӧ лунӧ, кор Господь локтас. Сэки Сылӧн став вежа войтырыс кутас ошкыны Господьӧс да став эскысьыс кутас шензьыны Сы вылӧ. Ті тшӧтш лоанныд на лыдын, ӧд ті эскинныд миян висьталӧмӧ.

Восьтӧм 20:14

Кулӧмсӧ пыдӧстӧминыскӧд вӧлі шыбитӧма биа тыӧ. Тайӧ мӧд кулӧм.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.