1 Коринфӧ 14:34 - Коми Библия 2023

³⁴ вичкоӧ чукӧртчигӧн аньясныд мед чӧла пукалӧны. Налы оз позь сёрнитны, ӧд Индӧдыс велӧдӧ найӧс кывзысьны.

1 Коринфӧ 14:34 ပူးပေါင်းရင်းမြစ်များ

Олӧм 3:16

Аньлы Ен шуис: «Тэнсьыд нӧбасьӧмтӧ Ме вӧча сьӧкыдӧн, ныв-питӧ кутан чужтыны дойяс пыр. Тэнӧ кутас кыскыны верӧсыд дінӧ, а сійӧ тэ вылын кутас ыджыдавны».

1 Коринфӧ 11:13

Асьныд мӧвпыштлӧй, бур-ӧ тайӧ, ань кӧ кевмысьӧ Енмыслы юрсӧ вевттьытӧг?

1 Коринфӧ 11:3

Кӧсъя, мед ті тӧдінныд, мый быд верӧслы юрыс – Кристос, гӧтырлы юрыс – верӧс, а Кристослы юрыс – Ен.

1 Коринфӧ 11:5

Ань кӧ кевмысьӧ либӧ пророкалӧ юрсӧ вевттьытӧг, тшӧтш сійӧ ассьыс юрсӧ янӧдӧ, ӧд сійӧ нинӧмӧн оз торъяв куш юра аньысь.

1 Коринфӧ 14:21

Индӧдас гижӧма: – Кута сёрнитны тайӧ войтырыскӧд мукӧд кывъяс вылын, локтысь йӧз вомӧн, но весиг сэки найӧ оз кывзыны Менӧ, – висьталӧ Господь.

1 Коринфӧ 14:35

Найӧ кӧ кӧсйӧны тӧдмавны мыйкӧ, та йылысь мед юалӧны гортаныс асланыс верӧслысь. Аньяслы абу лӧсьыд вичкоын сёрнитны.

Ефесӧ 5:33

Сідзкӧ, быдӧн мед радейтӧ гӧтырсӧ асьсӧ моз, а гӧтыр мед пыдди пуктӧ верӧссӧ.

Колосӧ 3:18

Гӧтыръяс, кывзысьӧй верӧсныдлысь, ӧд тадзи лӧсялӧ вӧчны Господь войтырлы.

Титлы 2:5

А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.