1 Коринфӧ 14:31 - Коми Библия 2023

³¹ Ті быдӧн верманныд пророкавны сьӧрсьӧн-бӧрсьӧн, медым быдӧнӧс мыйӧкӧ велӧдны-ышӧдны.

1 Коринфӧ 14:31 ပူးပေါင်းရင်းမြစ်များ

Шусьӧгъяс 1:5

Мывкыда морт кывзас да сюсьджык лоӧ, вежӧра морт аддзас аслыс туйдӧдӧм,

Шусьӧгъяс 9:9

Мывкыд мортӧс туйдӧд, и сылӧн содас мывкыдлуныс. Веськыда олысьӧс велӧд, и сылӧн содас тӧдӧмлуныс.

Римӧ 1:12

Тадзи эскӧмнаным ми ышӧдам ӧта-мӧднымӧс: ме – тіянӧс, а ті – менӧ.

1 Коринфӧ 14:19

Но мукӧдсӧ туйдӧдӧм могысь бурджык лоӧ, шуа кӧ вичкоын вит гӧгӧрвоана кыв уна сюрс гӧгӧрвотӧм кыв дорысь.

1 Коринфӧ 14:3

А пророкалысь висьталӧ йӧзыслы. Сійӧ ёнмӧдӧ, ышӧдӧ да бурӧдӧ найӧс.

1 Коринфӧ 14:30

Пукалысьяс пӧвстысь кӧ кодлыкӧ лоӧ Енсянь восьтӧм, сэки воддза висьталысьыс мед дугдас сёрнитнысӧ.

1 Коринфӧ 14:32

Пророкъяс вермӧны веськӧдлыны асланыс пророкалӧмнас,

1 Коринфӧ 14:35

Найӧ кӧ кӧсйӧны тӧдмавны мыйкӧ, та йылысь мед юалӧны гортаныс асланыс верӧслысь. Аньяслы абу лӧсьыд вичкоын сёрнитны.

2 Коринфӧ 1:4

Сійӧ бурӧдӧ миянӧс быд шог дырйи, медым ми тшӧтш вермим бурӧдны шогӧ усьӧмаясӧс Енсянь бурӧдӧмӧн.

Ефесӧ 6:22

Ме мӧдӧда сійӧс тіян дінӧ, медым сійӧ висьталас миян йылысь да ышӧдас тіянӧс.

Колосӧ 2:2

Ме кӧсъя, медым муслуныс ӧтувтіс налысь сьӧлӧмнысӧ, и найӧ вӧліны повтӧмӧсь да тырвыйӧ тӧдісны Ен Батьлысь гусяторсӧ – Кристосӧс.

1 Фессалоникаӧ 4:18

Сідзкӧ, ышӧдӧй ӧта-мӧднытӧ тайӧ кывъяснас.

1 Фессалоникаӧ 5:11

Сідзкӧ, ӧнія моз водзӧ ышӧдӧй да ёнмӧдӧй ӧта-мӧднытӧ.

1 Фессалоникаӧ 5:14

Вокъяс, корам тіянӧс: дышъясӧс туйдӧдӧй, полысьясӧс ышӧдӧй, жебъясӧс кутыштӧй, быдӧнӧс терпитӧй.

1 Фессалоникаӧ 5:20

Пророкъяслысь висьталӧмсӧ энӧ ӧтдортӧй.