1 Коринфӧ 14:13 - Коми Библия 2023

¹³ Та вӧсна мукӧд кывъяс вылын сёрнитысьлы колӧ кевмысьны, медым сійӧ вермис гӧгӧрвоӧдны ассьыс висьталӧмсӧ.

1 Коринфӧ 14:13 ပူးပေါင်းရင်းမြစ်များ

Марк 11:24

Та вӧсна висьтала тіянлы: мый коранныд кевмысиганыд, эскӧй, мый сійӧ лоӧ тіянлы, и лоӧ тадзи.

Ап. уджъяс 1:14

Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

Ап. уджъяс 8:15

Самарияӧ воӧм бӧрын найӧ кевмысисны, медым эскысьяс сибӧдасны Вежа Лолӧс.

1 Коринфӧ 12:10

Мукӧдыслы Лолыс сетӧ вын вӧчны шензьӧданаторъяс, кодлыкӧ – пророкавны, кодлыкӧ – сямлун тӧдмавны быдпӧлӧс ловсӧ. Мукӧдыслы Лолыс сетӧ сямлун сёрнитны мукӧд кывъяс вылын, а кодлыкӧ – гӧгӧрвоӧдны тайӧ сёрнисӧ.

1 Коринфӧ 12:30

Гашкӧ, быдӧн вермам бурдӧдны? Гашкӧ, быдӧн сёрнитам мукӧд кывъяс вылын да вермам сійӧс гӧгӧрвоӧдны?

1 Коринфӧ 14:12

Ті ёна кӧсъянныд босьтны Ловсянь сетӧмторъяс, сідзкӧ, тӧждысьӧй унджык босьтны сетӧмторсӧ, медым найӧ ёнмӧдісны вичконытӧ.

1 Коринфӧ 14:14

Ӧд ме кӧ кевмыся мукӧд кывъяс вылын, сэки кевмысьӧ сӧмын лолӧй, а вежӧрӧй нинӧм оз гӧгӧрво.

1 Коринфӧ 14:26

Вокъяс, мый нӧшта шуны тіянлы? Ӧтлаӧ чукӧртчигӧн быдӧн тіян пиысь вермӧ мыйкӧ вӧчны: кодкӧ сьылӧ, кодкӧ велӧдӧ, кодлӧнкӧ эм Енсянь восьтӧм, кодкӧ сёрнитӧ мукӧд кывъяс вылын, кодкӧ гӧгӧрвоӧдӧ сійӧс. Но ставыс мед лоӧ вичко ёнмӧдӧм могысь.