1 Коринфӧ 14:12 - Коми Библия 2023

¹² Ті ёна кӧсъянныд босьтны Ловсянь сетӧмторъяс, сідзкӧ, тӧждысьӧй унджык босьтны сетӧмторсӧ, медым найӧ ёнмӧдісны вичконытӧ.

1 Коринфӧ 14:12 ပူးပေါင်းရင်းမြစ်များ

Римӧ 14:19

Зілямӧй овны лӧня ӧта-мӧдӧс ёнмӧдӧмӧн.

1 Коринфӧ 12:31

Сідзкӧ, зільӧй босьтны Ловсянь медбур сетӧмторсӧ. Ӧні ме петкӧдла тіянлы медбур туйсӧ.

1 Коринфӧ 12:7

Сійӧ сетӧ Ловлы быдӧн пыр петкӧдчыны ас ногыс, ӧта-мӧдлы бур вылӧ.

1 Коринфӧ 14:1

Зільӧй кутчысьны муслунас, тӧждысьӧй босьтны Ловсянь сетӧмторъяс, торйӧн нин, медым верминныд пророкавны.

1 Коринфӧ 14:13

Та вӧсна мукӧд кывъяс вылын сёрнитысьлы колӧ кевмысьны, медым сійӧ вермис гӧгӧрвоӧдны ассьыс висьталӧмсӧ.

1 Коринфӧ 14:26

Вокъяс, мый нӧшта шуны тіянлы? Ӧтлаӧ чукӧртчигӧн быдӧн тіян пиысь вермӧ мыйкӧ вӧчны: кодкӧ сьылӧ, кодкӧ велӧдӧ, кодлӧнкӧ эм Енсянь восьтӧм, кодкӧ сёрнитӧ мукӧд кывъяс вылын, кодкӧ гӧгӧрвоӧдӧ сійӧс. Но ставыс мед лоӧ вичко ёнмӧдӧм могысь.

1 Коринфӧ 14:5

Ме кӧсъя, медым ті быдӧн сёрнитінныд мукӧд кывъяс вылын. Но вӧлі эськӧ бурджык, ті кӧ пророкалінныд, ӧд пророкалысь ыджыдджык мукӧд кывъяс вылын сёрнитысь дорысь. Но мукӧд кывъяс вылын сёрнитысь кӧ вермӧ гӧгӧрвоӧдны ассьыс висьталӧмсӧ, и тайӧ ёнмӧдӧ вичкосӧ, сэки сійӧ оз ло ичӧтджык пророкалысь дорысь.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.