1 Коринфӧ 12:28 - Коми Библия 2023

²⁸ Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

1 Коринфӧ 12:28 ပူးပေါင်းရင်းမြစ်များ

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Марк 16:17

Эскысьяслӧн лоасны татшӧм индысьпасъяс: Менам нимӧн пондасны вӧтлавны пеж ловъясӧс да сёрнитны выль кывъяс вылын.

Лука 6:14

Симон, кодлы сетіс Петыр ним, сылӧн Ӧндрей вокыс, Яков, Иоан, Филип, Варфоломей,

Ап. уджъяс 11:27

Сійӧ лунъясӧ Антиокияӧ локтісны Ерусалимысь пророкъяс.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

1 Коринфӧ 10:32

Энӧ лоӧй крукӧдӧн некодлы: ни иудейяслы, ни грекъяслы, ни Енлӧн вичколы.

1 Коринфӧ 12:18

Но Енмыс Ас кӧсйӧм сертиыс быд юкӧн пуктіс вир-яяс коланаинӧ.

1 Коринфӧ 12:29

Гашкӧ, ми быдӧн апостол? Гашкӧ, быдӧн пророк либӧ велӧдысь? Гашкӧ, быдӧн вӧчам шензьӧданаторъяс?

1 Коринфӧ 12:30

Гашкӧ, быдӧн вермам бурдӧдны? Гашкӧ, быдӧн сёрнитам мукӧд кывъяс вылын да вермам сійӧс гӧгӧрвоӧдны?

1 Коринфӧ 14:2

Коді сёрнитӧ мукӧд кывъяс вылын, сійӧ сёрнитӧ Енмыскӧд, а оз йӧзкӧд. Сійӧс некод оз гӧгӧрво, ӧд сійӧ висьталӧ гусяторъяссӧ Лов вынӧн.

1 Коринфӧ 14:4

Мукӧд кывъяс вылын сёрнитысь ёнмӧдӧ сӧмын асьсӧ, а пророкалысь ёнмӧдӧ вичкосӧ.

1 Коринфӧ 14:5

Ме кӧсъя, медым ті быдӧн сёрнитінныд мукӧд кывъяс вылын. Но вӧлі эськӧ бурджык, ті кӧ пророкалінныд, ӧд пророкалысь ыджыдджык мукӧд кывъяс вылын сёрнитысь дорысь. Но мукӧд кывъяс вылын сёрнитысь кӧ вермӧ гӧгӧрвоӧдны ассьыс висьталӧмсӧ, и тайӧ ёнмӧдӧ вичкосӧ, сэки сійӧ оз ло ичӧтджык пророкалысь дорысь.

Ефесӧ 2:20

Тіянӧс сувтӧдӧма сійӧ подув вылас, мый пуктісны апостолъяс да пророкъяс. Тайӧ тэчасас пельӧс изйыс – Ачыс Исус Кристос.

Ефесӧ 3:5

Водзын олысьяс эз тӧдлыны тайӧ гусяторйыс йылысь. Ӧні Вежа Лов восьтіс сійӧс Кристослӧн апостолъяслы да пророкъяслы.

1 Тимофейлы 5:17

Вичкоса юрнуӧдысьясӧс, кодъяс бура уджалӧны, колӧ вылӧ донъявны, торйӧн нин Ен кыв висьталысьясӧс да велӧдысьясӧс. Колӧ бура мынтысьны налы.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Еврейяслы 13:24

Висьталӧй чолӧм вичкоса веськӧдлысьяслы да став вежа войтырлы. Тіянлы ыстӧны чолӧм италияса эскысьяс.