1 Коринфӧ 11:30 - Коми Библия 2023

³⁰ Та вӧсна унаӧн тіян пӧвстысь жебӧсь, унаӧн висьӧны да унаӧн нин кулісны.

1 Коринфӧ 11:30 ပူးပေါင်းရင်းမြစ်များ

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Лыд 20:12

Но Господь шуис Мӧисейлы да Ааронлы: «Ті энӧ эскӧй Меным, энӧ лыддьӧй Менӧ вежаӧн. Израиль пиян водзын ті торкинныд Менсьым шуӧмӧс. Та вӧсна тайӧ войтырсӧ ті онӧ пыртӧй сійӧ муас, мый Ме сета налы».

Лыд 20:24

«Мерива ва петанінын ті энӧ кывзысьӧй Менсьым. Та вӧсна Аарон оз пыр сійӧ муас, мый Ме сета Израиль пиянлы. Сылы кад воис вуджны батьясыс дінӧ.

Ап. уджъяс 13:36

Давид аслас кадӧ пӧртіс олӧмас Енлысь кӧсйӧмсӧ. Сэсся сійӧ куліс, да сійӧс гуалісны батьяскӧд орччӧн. Давидным аддзыліс сісьмӧмсӧ,

Ап. уджъяс 7:60

Сэсся пидзӧс вылас усьӧмӧн гораа горӧдіс: «Господьӧй, эн мыжды найӧс таысь». Тайӧс шуӧм бӧрын Степанлӧн лолыс петіс.

1 Коринфӧ 11:29

Ӧд мортыс кӧ сёйӧ да юӧ шогмытӧма, Господьлӧн вир-яй йылысь мӧвпавтӧг, тайӧс сійӧ вӧчӧ асьсӧ мыждӧм вылӧ.

1 Коринфӧ 11:31

Ми кӧ водзвыв тӧдмалам асьнымӧс, сэки Господь оз кут мыждыны миянӧс.

1 Коринфӧ 11:32

А мыждӧ кӧ, миянӧс бур вылӧ велӧдӧ, медым тайӧ муюгыдсаыскӧд ӧтвыв эгӧ веськалӧй мыждӧм улӧ.

1 Коринфӧ 15:51

Висьтала тіянлы гусятор: ми огӧ ставным кулӧй, но ставным вежсям.

1 Фессалоникаӧ 4:14

Ми кӧ эскам, мый Исус куліс и ловзис, сідзкӧ, Исускӧд Енмыс вайӧдас Ас дінас тшӧтш найӧс, коді эскис Исуслы, но куліс нин.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!