1 Коринфӧ 1:13 - Коми Библия 2023

¹³ Гашкӧ, Кристосӧс вӧлі юклӧма? Гашкӧ, Павелӧс вӧлі тувъялӧма тіян вӧсна? Гашкӧ, Павел нимӧн ті пыртчинныд?

1 Коринфӧ 1:13 ပူးပေါင်းရင်းမြစ်များ

Матвей 28:19

Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Матвей 3:6

Йӧзыс висьтасисны асланыс мыжъясысь, и Иоан пыртіс найӧс Йӧрдан юын.

Ап. уджъяс 10:48

Сэсся Петыр тшӧктіс налы пыртчыны Исус Кристос нимӧн. А найӧ корисны Петырӧс кольччыны сэтчӧ кымынкӧ лун кежлӧ.

Ап. уджъяс 19:5

Тайӧс кылӧм бӧрын найӧ пыртчисны Господь Исус нимӧн.

Ап. уджъяс 2:38

Петыр шуис налы: «Бергӧдчӧй мыжъяссьыныд да пыртчӧй Исус Кристос нимӧн, медым Ен прӧститас мыжъяснытӧ. Сэки Ен сетас тіянлы Вежа Лолӧс.

Ап. уджъяс 8:16

На вылӧ абу на вӧлі лэччӧма Вежа Лолыс, найӧс сӧмын пыртӧма вӧлі Господь Исус нимӧн.

Римӧ 14:9

Кристос ӧд куліс, ловзис да олӧ, медым ыджыдавны кулӧмаяс да ловъяяс вылын.

1 Коринфӧ 1:15

Сідзкӧ, некод оз вермы шуны, мый ме пырті кодӧскӧ аслам нимӧн.

1 Коринфӧ 10:2

Найӧ ставныс пыртчисны кымӧрын да саридзын да лоисны Мӧисей бӧрся мунысьясӧн.

2 Коринфӧ 11:4

Ӧд тіян дінӧ кӧ локтас кодкӧ да кутас висьтавлыны мӧд Исус йылысь, код йылысь ми эгӧ висьтавлӧй, либӧ мӧд лов йылысь, кодӧс ті энӧ сибӧдлӧй, либӧ мӧдпӧлӧс бур юӧр, кодӧс энӧ босьтлӧй, сэки ті кокньыда терпитанныд сійӧс.

Галатӧ 1:7

Збыльвылас кӧ, мӧд бур юӧрыс абу, эмӧсь сӧмын тіянӧс шӧйӧвоштысьяс. Найӧ кӧсйӧны дзугны Кристос йылысь Бур Юӧрсӧ.

Ефесӧ 4:5

Господьыс ӧти, эскӧмыс ӧти, и пыртчӧмыс ӧти.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.