1 Каднебӧг 29:21 - Коми Библия 2023

²¹ Мӧд луннас вайисны Господьлы сотан да мукӧд висьяс: сюрс ӧшкӧс, сюрс межӧс да сюрс ыжӧс. Нӧшта вайисны вина висьяс да став Израиль вӧсна уна мукӧд вись.

1 Каднебӧг 29:21 ပူးပေါင်းရင်းမြစ်များ

Ездра 6:17

Крам вежӧдӧм дырйи вись пыдди вайисны сё ӧшкӧс, кыксё межӧс да нёльсё баляӧс. Израильлӧн мыжъяс вӧсна вайисны вись пыдди дас кык кӧзаӧс – чужанкотыръяслӧн лыд серти.

Левит 23:13

Сыкӧд тшӧтш нянь вись пыдди вайӧй олив выйӧн гудралӧм шобді пызь – ефа мында пызьсӧ юкӧй дас пельӧ и сэтысь вайӧй кыксӧ. Тайӧ лоӧ Господьлы чӧскыда ӧвтан вись. Кисьтан вись пыдди вайӧй вина – гинлысь нёльӧд пайсӧ.

Лыд 15:10

Кисьтан вись пыдди вайӧй гин джын вина. Став тайӧ вайӧмторйыс – Господьлы чӧскыд ӧвтантор.

Лыд 15:5

Нӧшта вайӧй кисьтан вись пыдди вина – гинлысь нёльӧд пайсӧ быд балякӧд, мый ваянныд [Господьлы чӧскыда ӧвтысь] сотан вись либӧ начкан вись пыдди.

Лыд 15:7

Нӧшта кисьтан вись пыдди вайӧй вина – гинлысь коймӧд пайсӧ. Став тайӧ вайӧмторйыс – Господьлы чӧскыд ӧвтантор.