1 Каднебӧг 28:5 - Коми Библия 2023

⁵ Господь сетіс меным уна пи, но став пиян пӧвстысь Сійӧ бӧрйис Соломонӧс, медым сійӧ пукаліс Господьлӧн юралан пуклӧсын да веськӧдліс Израиль войтырӧн.

1 Каднебӧг 28:5 ပူးပေါင်းရင်းမြစ်များ

Ӧксыяслӧн 3 небӧг 1:13

Мун Давид ӧксы дінӧ да шу сылы: ”Ӧксыӧй-ыджыдӧй, тэ кыв сетлін меным, аслад кесйӧглы, мый менам Соломон пиӧй лоӧ ӧксыӧн тэ бӧрти да пуксяс тэнад юралан пуклӧсӧ. Мыйла нӧ Адоний лои ӧксынас?”

Ӧксыяслӧн 3 небӧг 1:20

Ӧксыӧй-ыджыдӧй, став Израиль войтыр видзӧдӧ тэ вылӧ да виччысьӧ, кодлы тэ шуан пуксьыны ас бӧртиыд юралан пуклӧсад.

Ӧксыяслӧн 3 небӧг 1:30

ме збыльмӧда талун сійӧ, мый йылысь коркӧ кыв сеті тэныд Израильлӧн Господь Ен водзын – Соломон пиыд лоӧ ӧксыӧн ме бӧрти да пуксяс менам юралан пуклӧсӧ».

Ӧксыяслӧн 3 небӧг 1:35

Та бӧрын бӧр вайӧдӧй Соломонӧс. Сійӧ мед пуксяс менам юралан пуклӧсӧ да ӧксыалас ме пыдди. Тайӧ менам кӧсйӧм, мед сійӧ лоӧ ӧксынас Израиль да Иуда войтырлы».

Ӧксыяслӧн 3 небӧг 2:15

Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь.

Ӧксыяслӧн 3 небӧг 8:20

Господь збыльмӧдіс Ассьыс шуӧм кывсӧ. Ӧні ме пукала Давид батьлӧн юралан пуклӧсын да веськӧдла Израильӧн, кыдзи Господь и шуліс. Ме лэпті Израильлӧн Господь Енлы крам.

1 Каднебӧг 17:14

Ме сувтӧда сійӧс юравны Менам керкаын да юраланінын пыр кежлӧ, и сылӧн ӧксыалӧмыс лоӧ зумыд нэмъяс чӧж».

1 Каднебӧг 23:1

Кор Давид пӧрысьмис да пӧтіс олан лунъяснас, сэки пуктіс ассьыс Соломон писӧ Израиль войтырлы ӧксыӧ.

1 Каднебӧг 29:1

Чукӧртчӧм йӧзлы Давид ӧксы шуис: «Енмыс бӧрйис сӧмын ӧтнассӧ менсьым Соломон пиӧс. Сійӧ том на, оз на куж ставсӧ вӧчны. Сійӧс виччысьӧ ыджыд удж, ӧд тайӧ керкасӧ лоӧ вӧчӧма Господь Енлы, а оз мортлы.

1 Каднебӧг 29:23

Соломон пуксис Господьлӧн юралан пуклӧсӧ, сійӧ лои ӧксыӧн аслас Давид батьыс пыдди. Сылӧн ставыс артмис, и Израиль войтыр кывзысис сылысь.

1 Каднебӧг 29:28

Сійӧ кувсис ыджыд арлыдаӧн, олӧмнас пӧтӧмаӧн. Сылӧн вӧлі уна озырлун, вӧлі нималӧм. Сы пыдди ӧксынас лои Соломон пиыс.

2 Каднебӧг 9:8

Ошкӧм Господьлы, тэнад Енлы! Аслас кӧсйӧм серти Господь, тэнад Енмыд, пуксьӧдіс тэнӧ юралан пуклӧсӧ, пуктіс тэнӧ ӧксыавны Аслас нимсянь. Тэнад Енмыд радейтӧ Израиль войтырӧс, та вӧсна кӧсйӧ вынсьӧдны сійӧс пыр кежлӧ. Сійӧ пуктіс тэнӧ Израиль войтырлы ӧксыӧ, медым тэ юралін да мыждін веськыда».

Индӧд 17:15

сэки ӧксыӧ пуктӧй мортӧс, кодӧс бӧръяс Господь, тіян Енныд. Сійӧ мед лоӧ тіян войтыр пӧвстысь, а оз мукӧд войтыр пӧвстысь.