1 Каднебӧг 26:28 - Коми Библия 2023

²⁸ Шеломот да сылӧн вокъясыс видзисны тшӧтш сійӧ, мый Енлы вежӧдісны-торйӧдісны Самуил пророк, Кислӧн Саул пиыс, Нирлӧн Авенир пиыс да Саруялӧн Йоав пиыс.

1 Каднебӧг 26:28 ပူးပေါင်းရင်းမြစ်များ

1 Каднебӧг 26:27

Тышын шедӧдӧм озырлунысь юкӧн найӧ вежӧдісны Господьлысь крамсӧ дзоньталӧм вылӧ.

1 Каднебӧг 26:29

Ицгар рӧдысь Кенанийӧс да сылысь пиянсӧ вӧлі индӧма Израиль войтырлӧн гижалысьясӧн да ёрдысьясӧн.

1 Каднебӧг 28:12

Сетіс став серпас-баласӧ, мый дасьтіс-лӧсьӧдіс Лов нуӧдӧм улын: Господьлӧн крам йӧрлысь да сыгӧгӧрса вежӧсъяслысь серпассӧ, Енлӧн крам видзанінлысь да вежа козин видзанінлысь серпассӧ.

Ӧксыяслӧн 1 небӧг 17:55

Кор Давид петіс филистимсалы паныд, Саул юаліс тышкайӧзӧн веськӧдлысьыслысь: «Авенир, тайӧ том зонкаыс кодлӧн пиыс?» Авенир вочавидзис: «Ӧксыӧй, ме збыльысь ог тӧд».

Ӧксыяслӧн 1 небӧг 9:9

«Бур, – шуис Саул, – ветлам». Сэсся найӧ мунісны сійӧ карас, кӧні оліс Енлӧн морт. Кар дінӧ матыстчигӧн найӧ паныдасисны вала мунысь нывъяскӧд. Нывъяслысь юалісны, тані-ӧ тӧдысь-аддзысьыс олӧ. Войдӧр Израильын морт кӧ кӧсйис мыйкӧ юавны Енлысь, сійӧ шуліс, ветлам пӧ тӧдысь-аддзысь дінӧ, ӧд пророкъясӧс шулісны тӧдысь-аддзысьясӧн.