1 Каднебӧг 15:28 - Коми Библия 2023

²⁸ Тадзи буксан да труба шы улӧ гораа нимкодясьӧмӧн, кимвалӧн, арфаӧн да гуслиӧн ворсӧмӧн став Израиль войтыр вуджӧдіс Господьлысь Йитӧд кудсӧ.

1 Каднебӧг 15:28 ပူးပေါင်းရင်းမြစ်များ

Ӧксыяслӧн 2 небӧг 6:15

Тадзи буксан шы улӧ гораа нимкодясьӧмӧн Давид да став Израиль войтыр вуджӧдісны Господьлысь кудсӧ.

Ӧксыяслӧн 2 небӧг 6:5

Та дырйи Давид да Израиль войтыр Господь водзын нимкодясьӧмӧн йӧктісны да ворсісны кипарисысь вӧчӧм ворсанторъясӧн – гуслиӧн, арфаӧн, тимпанӧн, сярганӧн да кимвалӧн.

1 Каднебӧг 13:8

Та дырйи Давид да Израиль войтыр Ен водзын нимкодясьӧмӧн йӧктісны, сьылісны, ворсісны гуслиӧн, арфаӧн, тимпанӧн, кимвалӧн да трубаӧн.

1 Каднебӧг 15:16

Левитъяслӧн веськӧдлысьяслы Давид тшӧктіс сувтӧдны левитъяс пӧвстысь сьылысьясӧс, нӧшта арфаӧн, гуслиӧн да кимвалӧн ворсысьясӧс, медым найӧ гораа да нимкодясьӧмӧн сьылісны-ворсісны.

1 Каднебӧг 15:24

Овед-Эдом да Ехий тшӧтш видзисны кудсӧ. Шеваний, Иосафат, Нафанаил, Амасай, Закар, Бенай да Элизер попъяс ворсісны трубаӧн Енлӧн куд водзын.

1 Каднебӧг 15:27

Давид вӧлі пасьтасьӧма вӧсни шабдіысь кыӧм ризаӧ, тадзи жӧ вӧлі пасьтасьӧмаӧсь Енлысь кудсӧ нуысь левитъяс, сьылысьяс да Кенаний – сьылысьясӧн да ворсысьясӧн веськӧдлысь. Давид вылын нӧшта вӧлі шабді ефод.

1 Каднебӧг 15:29

Кор Господьлысь Йитӧд кудсӧ пыртісны Давид карӧ, Сауллӧн Мелкола нылыс видзӧдіс ӧшиньӧдыс. Сійӧ аддзис, мый Давид ӧксы чеччалӧ-йӧктӧ, да омӧльтіс сійӧс ас пытшкас.

1 Каднебӧг 25:1

Давид да тышкайӧзӧн веськӧдлысьяс торйӧдісны кесъялӧм вылӧ Асафлысь, Еманлысь да Едутунлысь пиянсӧ, медым найӧ Енмӧс ошкӧмӧн ворсісны гуслиӧн, арфаӧн да кимвалӧн. Кесъявны индӧм йӧзлӧн нимъясныс татшӧмӧсь:

Неемий 12:27

Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Псалтыр 47:6

Но карсӧ аддзигӧн найӧ шӧйӧвошисны, повзьӧмнысла бӧр пышйисны.

Псалтыр 68:25

Кисьт на вылӧ Ассьыд скӧрлунтӧ, Тэнад скӧралан биыд мед ньылыштас найӧс.