1 Фессалоникаӧ 5:15 - Коми Библия 2023

¹⁵ Видзчысьӧй, мед некод лёксьыс эз мынтысь лёкӧн. Мӧдарӧ, зільӧй вӧчны бурсӧ ӧта-мӧдныдлы да став йӧзыслы.

1 Фессалоникаӧ 5:15 ပူးပေါင်းရင်းမြစ်များ

Олӧм 45:24

Ӧсип лэдзис вокъяссӧ шуалӧмӧн: «Туяныд энӧ пинясьӧй». И найӧ мунісны.

Псалтыр 7:4

Господьӧй Енмӧй, вӧчлі-ӧ ме мыйкӧ лёксӧ аслам киӧн,

Шусьӧгъяс 17:13

Коді бурсьыс лёкӧн мынтысьӧ, сылысь керкасӧ лёкыс оз эновт.

Шусьӧгъяс 20:22

Эн шу: «Лёк вӧчӧмысь лёкӧн мынтыся», Господь вылӧ лачатӧ кут, и Сійӧ доръяс тэнӧ.

Шусьӧгъяс 24:17

Эн нимкодясь, тэнӧ мустӧмтысь кӧ усьӧ, сылӧн крукасьӧмысь мед оз долыдмы сьӧлӧмыд,

Шусьӧгъяс 24:29

Эн шу: «Кыдзи сійӧ меным вӧчис, ме сылы сідзи жӧ вӧча, мынтыся сылы меным вӧчӧм серти».

Шусьӧгъяс 25:21

Тэнӧ мустӧмтысь кӧ тшыг, верд сійӧс, горшыс кӧ косьмӧ, юктав сійӧс.

Левит 19:18

Водзӧс эн перйы да эн скӧрав аслад войтырысь морт вылӧ, но радейт матыссатӧ асьтӧ моз. Ме – Господь [тіян Енныд].

Матвей 5:39

Ме шуа тіянлы: тэныд лёксӧ вӧчысьлы паныд эн сувт. Веськыд банад кӧ кучкасны, лӧсьӧд шуйгасӧ.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Ап. уджъяс 16:28

Павел горӧдіс: «Нинӧм эн вӧч аскӧдыд! Ми ставным танӧсь».

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Римӧ 14:19

Зілямӧй овны лӧня ӧта-мӧдӧс ёнмӧдӧмӧн.

1 Коринфӧ 14:1

Зільӧй кутчысьны муслунас, тӧждысьӧй босьтны Ловсянь сетӧмторъяс, торйӧн нин, медым верминныд пророкавны.

1 Коринфӧ 16:10

Локтас кӧ тіян дінӧ Тимофей, тӧждысьӧй сы вӧсна, медым сылы нинӧмысь эз ковмы майшасьны, ӧд сійӧ ме моз кесъялӧ Господьлы.

1 Коринфӧ 6:7

Ті кӧ мыжданныд ӧта-мӧднытӧ, тайӧн сӧмын янӧданныд асьнытӧ. Оз-ӧ бурджык ло, кутасны кӧ вӧчны тіянлы лёксӧ да мырддявны тіянлысь?

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

Ефесӧ 5:33

Сідзкӧ, быдӧн мед радейтӧ гӧтырсӧ асьсӧ моз, а гӧтыр мед пыдди пуктӧ верӧссӧ.

Индӧд 16:20

Корсьӧй веськыдлунсӧ, сӧмын веськыдлунсӧ, сэки ті кутанныд овны, и ті босьтанныд аслыныд сійӧ мусӧ, мый Господь, тіян Енныд, сетас тіянлы».

1 Фессалоникаӧ 2:12

Ми туйдӧдім-ышӧдім тіянӧс да корим овны Ен ногӧн, коді корис тіянӧс Аслас Юраланінӧ да дзирдлунӧ.

1 Фессалоникаӧ 5:21

Ставсӧ тӧдмалӧй, бурас кутчысьӧй.

1 Тимофейлы 6:11

Но тэ, Енлӧн мортӧй, ылыстчы таысь. Кутчысь веськыдлунас, вежавидзана оласногас, эскӧмас, муслунас, зумыдлунас да рамлунас.

2 Тимофейлы 2:24

Господьлӧн кесйӧг оз вензьы, мӧдарӧ, сійӧ быдӧнкӧд мелі, кужӧ велӧдны да оз дӧзмы.

Титлы 3:2

Мед оз омӧльтны некодӧс, зыкӧ оз пырны, лоасны шаньӧсь да быдӧнкӧд рамӧсь.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Петыр 2:17

Быдӧнӧс пыдди пуктӧй, вокъясӧс радейтӧй, Енсьыс полӧй, ӧксыӧс бурӧ пуктӧй.

1 Петыр 3:9

Лёк вӧчӧмысь энӧ мынтысьӧй лёкӧн, омӧльтӧмысь – омӧльтӧмӧн. Мӧдарӧ, бурсиӧй, ӧд ті тӧданныд, мый та вылӧ корӧма тіянӧс. Сэки тіянлы вичмас бурсиӧмыс.

3 Иоан 1:11

Муса вокӧй, видзӧд бурсӧ вӧчысь вылӧ, а эн лёксӧ вӧчысь вылӧ. Бурсӧ вӧчысь – Енсянь, а лёксӧ вӧчысь эз аддзыв Енсӧ.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Восьтӧм 22:9

Но андел шуис меным: «Эн вӧч тайӧс! Ме кесъяла Енмыслы тэ моз, пророкъяс-вокъясыд моз да на моз, кодъяс олӧны тайӧ небӧгас гижӧм серти. Енмыслы копыртчыв!»

Ӧксыяслӧн 1 небӧг 24:13

Мед Ачыс Господь лоас ёрдысьӧн тэа-меа костын. Мед Сійӧ водзӧс перъяс тэнсьыд ме вӧсна. Но менам киӧй оз кыпты тэ вылӧ.