1 Фессалоникаӧ 2:15 - Коми Библия 2023

¹⁵ Господь Исусӧс да Сылысь пророкъяссӧ иудейяс виисны, а миянӧс вӧтлісны. Найӧ дӧзмӧдӧны Енсӧ да став йӧзыслы паныд сувтӧны.

1 Фессалоникаӧ 2:15 ပူးပေါင်းရင်းမြစ်များ

Эсфир 3:8

Аман шуис Артаксеркс ӧксылы: «Эм ӧти войтыр, коді разалӧма тэнад му пасьтала. Тайӧ войтырыс олӧ мукӧд войтыръяс пӧвстын, но наысь торйӧдчӧмӧн. Налӧн индӧдыс торъялӧ мукӧд войтыръяслӧн индӧдысь, и найӧ оз овны ӧксылӧн тшӧктӧмъяс серти. Ӧксыӧй, тайӧс тадзи оз позь кольны.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Амос 7:12

Амасей шуис Амослы: «Тӧдысь-аддзысь, мун Иуда муӧ. Сэні кынӧмпӧттӧ перйы да сэні пророкав,

Матвей 23:37

«Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Лука 24:20

Аркирейясным юралысьяскӧд мыждісны сійӧс да сетісны тувъявны крестӧ.

Ап. уджъяс 12:3

Ирӧд аддзис, мый тайӧ сьӧлӧм вылас воис иудейяслы, да тшӧктіс босьтны тшӧтш Петырӧс. Сэки буретш пасйисны Шомтӧм нянь сёян лунъяс.

Ап. уджъяс 2:23

Енлӧн шуӧм серти Сійӧс вӧлі сетӧма тіян киӧ. Индӧдтӧг олысьяс киӧн ті Сійӧс тувъялінныд-виинныд.

Ап. уджъяс 3:15

Ті олӧм Сетысьӧс виинныд, но Енмыс ловзьӧдіс Сійӧс. Тайӧс ми аддзылім да висьталам та йылысь.

Ап. уджъяс 4:10

Сідзкӧ, ті да став Израиль войтыр, тӧдӧй, мый Назаретса Исус Кристос нимӧн, Сылӧн вын отсӧгӧн, тайӧ мортыс сулалӧ тіян водзын дзоньвидза. Ті тувъялінныд Исус Кристосӧс крестӧ, но Енмыс ловзьӧдіс Сійӧс.

Ап. уджъяс 5:30

Миян батьяслӧн Ен ловзьӧдіс Исусӧс, кодӧс ті ӧшӧдінныд пу вылӧ да виинныд.

Ап. уджъяс 7:52

Эз вӧв пророк, кодӧс эськӧ эз вӧтлыны тіян батьяс. Найӧ виисны пророкъясӧс, кодъяс висьталісны Веськыда Олысьлӧн локтӧм йылысь. Тайӧ Веськыда Олысьсӧ ті вузалінныд да виинныд.

1 Коринфӧ 10:5

Но унджыкыс на пиысь эз шогмыны Енмыслы да кулісны овтӧминын.

2 Коринфӧ 11:26

Ме пыр туйын. Менӧ унаысь сулісны виччысьтӧмторъяс каръясын, овтӧминын, юяс да саридз вылын. Меным унаысь ковмис видзчысьны лёк вӧчысьясысь, ас йӧзысь, мукӧд войтырысь да ылӧгвокъясысь.