Yaguub 5:13 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

¹³ Ömöꞌdï ungngo ada amüürü? Fa kini afara ka Masala koꞌdo. Ömöꞌdï ungngo ada oona kaꞌdiila iini? Fa kini afünügü Masala koꞌdo.

Yaguub 5:13 ပူးပေါင်းရင်းမြစ်များ

Yünan 2:2

“Nïkïrï aꞌa nafara küdü Uugaara namma ka dhügürü tiya eede. Nafara küdü ndama teene Uugaara na taföönyö tumma neede. Ndama la ma oofo ka tümꞌbü namünügü aꞌa koꞌdo, na taföönyö tumma neede.

Yünan 2:7

Ka tefe ka ꞌdï tanno eede kara tapadaga kede ara aꞌa tagïïgï oꞌo Uugaara ara fara yeede tala oꞌo ka ꞌdï tiya üüdü ya insili ya.

Matta 26:30

Kïkïrï ka tüwe tüüsü köꞌdö kürö ka co Anya ma ꞌDïkïdïyö.

Lüüka 22:44

Akardha kuꞌbu afara ka Masala dhindho idhi a ꞌbïïdï ma dhugudha tasuuru afa ma erïïdö aꞌdölö ka ꞌbüdhülü.

Lüüka 23:42

Ïkïrï ka tiki, “Agïïgï tumma aꞌa Yasu, küdü kara co ka tauugaara tanno üüdü.”

1 Kürünsüs 14:15

Ara aꞌa tönynyö ꞌbïtïngngö? Ara aꞌa tafara ka Masala a koronggore, nafara ka Masala ana üüdü afeꞌde. Nüwe tüüsü a koronggore, nüwe tüüsü ana üüdü afeꞌde.

1 Kürünsüs 14:26

Aꞌa niki nya nagöre eede? Kada kara temmi ma tafara ka Masala, ömöꞌdï ya tüwe tüüsü, aya talaana, aya tama tumma ka Masala, aya töꞌdö a tumma keefe, aya tasaana tumma kuꞌbu, eema nyeꞌdꞌde kungngo ya ama tindinaana kaniisa.

Afosus 5:19

Aaga eema a tumma ma tüüsü ma sorne nja natüüsü ma koronggore, aaga üwe tüüsü aaga tafünügü Uugaara koꞌdo ndama nanggeedi ka teene.

Ebraniin 5:7

Ka naguuru tanno Yasu ka takaleefe ka ꞌbüdhülü afara ka Masala a tumma koꞌdꞌdo nja ꞌbïïdï ma ïïye co ömöꞌdï tiya ara tambaanya toolona iꞌi ka inde, ada aföönyö kudumma tamma tanno iini nja tümmünü eyi iini.

Yaguub 5:10

Nagöre eede, aaga uruna fïïnï ya naganeꞌbi keere, eene ka tageema ana eere tiya Uugaara, kadakidhi oona kuꞌbu, a kadu tagapusu eege.

Tumma tanno Yasu 14:3

Küüwe tüüsü ma issi mo ka kööyö ma Masala kidha ma eema tiya efe ka ꞌdï ya egïïsö ya kidha ma kadïïfï, taalo ömöꞌdï ma tambaanya talaanadene ka tüüsü tammo illi no ka kadu na ööꞌdö miya arba arbayiin alif (144,000) na oolonadene ka ꞌbüdhülü no.

Tumma tanno Yasu 7:10

Kiidhe koꞌdꞌdo kiki, “Toolona kungngo a Masala tammo aja ma emmi ka kööyö mo nja dhünggü afeꞌde.”