Rööma 3:24 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

²⁴ Lakiini Masala manangnga eege ka ꞌdiila aꞌda taalo faana kide afaana ana eere ma Yasu Almasiihi ya oolona eege ya.

Rööma 3:24 ပူးပေါင်းရင်းမြစ်များ

Matta 20:28

Kudumma ꞌBiiꞌbala ma Tadüꞌdꞌdü taalo öꞌdö aꞌda a kadu talinggo ada iini, lakiini öꞌdö talinggo ada eene üpü eyi yiini co, amang kini toolona kadu dhabbu.”

Kadafïïnï 15:11

Kamma angnga aꞌda ara angnga toolonadene a türü tanno Yasu, eege afeꞌde katoolonadene nggeege.”

Rööma 4:16

Timiꞌdi tumma kama tamma aꞌda taalo faana kide amang kini tütü ka laala tiya Abrahiim nyeꞌdꞌde kungngo, taalo serïye unggodho iꞌi, lakiini ma kadu tanno amma afa ma Abrahiim no kungngo, kudumma iini kada pupa tiya aja angnga ïnꞌdïlï kungngo.

Rööma 4:4

Ömöꞌdï ya linggo ya ara taꞌduga faana yiini, taalo faana yiini ananja iini ünꞌdügüngngö, lakiini taalo a kömüsü linggo niini eege kamiini.

Rööma 5:9

Ka inde tanno iini, maꞌdiila Masala nja angnga, ara tafaanya aja kara tagoolonadene ka tapusu adene tanno Masala.

1 Kürünsüs 1:30

Kudumma türü noono asa aaga ta kadu tanno Yasu Almasiihi, iꞌi ya tussu eema na Masala a taꞌdiila a tinsili miini nja toolona.

1 Kürünsüs 6:11

Kadu könö ana kada kütü kafeene nggeege, lakiini aaga katanggala, aaga tinsili eema ya titaalo ada ka oona ana eere ma Uugaara Yasu Almasiihi, a Koronggore ma Masala tammo aja.

Kölösi 1:14

Iꞌi yungngo afa angnga, oolona tatoroko naaja.

1 Timosaws 2:6

Iꞌi üpü eyi yiini co ma tafa kadu ïnꞌdïlï, tumma na Masala manangnga a kadu ma ꞌbüdhülü ka uuru miini.

Tito 2:14

Ya üpü eyi yiini co ka üüdü ma angnga, amang kini toolona ka toroko no ïnꞌdïlï no, aagala angnga ka oona angnga ta kadu tanno iini na aguꞌdaana ka nanggeedi no ma linggo tanno aꞌdiila no.

Tumma tanno Yasu 5:9

Katagüüwe tüüsü ma issi mo kiki, “Oꞌo nama taꞌduga sorne nafaꞌda nahitimi miini kudumma üüdü ka takatendhe na oꞌo taana kadu a Masala ana erïïdö tiya üüdü ndama kadu kasiliga nja tumma ka tambananjaana kuꞌbu nja kadu nja naanya ꞌdo.

Tumma tanno Yasu 7:14

Nïkïrï aꞌa ka tiki iini, “Ömöꞌdï eede, nussu oꞌo.” Iki aꞌa aꞌda, “Kadu no eege kungngo koolonadene ka dhügürü tiya dhiiri ya, eege kamiini, kagunu enꞌdi yeene ana erïïdö ma dhünggü anangnga eege kada kaꞌbassa.