Rööma 1:7 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

⁷ Waraga ya, aꞌa nunggu aaga ka Rööma nyeꞌdꞌde kungngo, Masala masaasa aaga madagesse aaga ka kadu tanno oono na insili no fa ka Masala Pupa yaaja nja Uugaara Yasu Almasiihi tanangnga türü aaga nja taꞌdiila.

Rööma 1:7 ပူးပေါင်းရင်းမြစ်များ

Matta 5:16

Aaga fa ka töyeene tanno ada ka öyeene ada ka kadu kidha, nggeege amang kene tiji linggo naada na ꞌdiila no kafünügü Pupa yaada ya ka ꞌdotomboꞌdo ya koꞌdo.

Yühanna 20:17

Ïkïrï Yasu ka tiki oono, “Fa tümmü aꞌa ka oona a nïïsö, kudumma eede ka tüfürü tasïrïgö cooꞌdo ka Pupa, lakiini unggeene naco ka nagöre tanno eede no niki eene aꞌda, ‘Ara aꞌa co ka Pupa tiya eede aꞌda a Pupa tiya ada, Masala meede aꞌda ma tammo ada afeꞌde.’”

Kadafïïnï 15:23

Katarigiri waraga kanangnga eene iki, Kadafïïnï nja kadïïfï nja nagöre tanno ada kunggu ungngo waraga ya co a kadu na taalo ka Yahüüdü na amma ka fïïnï tiya Yasu no ka Antakiya nja Süüriya nja Kilikiya. Kafaanya aaga.

Kadafïïnï 9:13

A Hananiya tiki, “Uugaara Yasu, kadu dhabbu kiki aꞌa aꞌda ömöꞌdï agüünï tatoroko a kadu tanno üüdü ka Örsaliim.

Rööma 1:6

Nja aaga afeꞌde, Masala magümmünü aaga aꞌda aaga ka kadu tanno Yasu Almasiihi.

Rööma 5:1

Ka Masala ka tanangnga angnga ka tinsili ya ka tamma tanno aja no, a taneene taꞌdiila kaja oono ana eere tiya Uugaara Yasu Almasiihi.

Rööma 5:5

A tïndhïgï naaja no taalo kara taama, kudumma Masala ka tuuru tasaasa aja ka nanggeedi a Koronggore tiya Insili ya Masala ka anangnga angnga ya.

Rööma 8:28

Kussu angnga aꞌda eema nyeꞌdꞌde alinggo a taꞌdiila ma kadu tanno asaasa Masala no, eege kungngo a Masala ka tümmünü eege ndama eedi tiya oono.

Rööma 8:39

alla türü ma ꞌbüdhülü alla türü ma ꞌdotomboꞌdo alla eema öccö ya Masala ka tadina ya ara tambaanya tadhagaana angnga kuꞌbu nja tasaasa ma Masala tanno Uugaara Yasu Almasiihi.

Rööma 9:25

Afa moono ka tiki ka sorne ma Hawsha, “Ara aꞌa tümmünü kadu no taalo ka kadu tanno eede no kada kadu tanno eede no, eede ka titaalo nasaasa oogo mo ara aꞌa tümmü oogo kada tammo eede ka asaasa oogo mo.

1 Kürünsüs 1:24

Lakiini Yahüüdü nja kadu ma Yünan na Masala ka tagümmünü eege no, Almasiihi a türü nja taꞌdara tanno Masala.

1 Kürünsüs 16:23

A türü na Uugaara Yasu taneene nja aaga.

2 Kürünsüs 13:14

Fa ka türü tanno Uugaara Yasu Almasiihi nja tasaasa ma Masala nja tagureene ma Koronggore tiya Insili aneene nja aaga nyeꞌdꞌde kungngo.

Galatiya 6:18

Nagöre eede, fa ka türü tanno Uugaara Yasu Almasiihi ka aneene nja aaga ïnꞌdïlï. Amiin.

Afosus 1:2

A Masala ma Pupa tiya aja nja Uugaara Yasu Almasiihi, tanangnga türü aaga nja taꞌdiila.

Afosus 6:23

Taꞌdiila nja tasaasa nja tamma ma nagöre ma Masala Pupa ndama Uugaara Yasu Almasiihi.

Filippi 1:2

Fa ka Masala ma Pupa tiya aja nja Uugaara tiya aja Yasu Almasiihi ka anangnga türü aaga nja taꞌdiila.

Filippi 4:13

Ara aꞌa tambaanya linggo ma eema ïnꞌdïlï a türü tanno Yasu Almasiihi ka amana aꞌa no.

Filippi 4:20

A tïdhïndhï na Masala ma Pupa tiya aja taneene taꞌbilli turi. Amiin.

Filippi 4:23

Fa ka türü tanno Uugaara Yasu Almasiihi taneene nja aaga nyeꞌdꞌde kungngo.

Kölösi 1:2

Nunggu co kadu tanno Masala no ka anya ma Kölösi no, nagöre ma angnga no amma ka Almasiihi no, a Masala ma Pupa tiya aja tanangnga taꞌdiila nja türü tanno oono aaga.

Kölösi 3:12

Aaga na Masala ka asaasa aaga ka tagesse aaga, manangnga aaga ka tinsili no, aaga kïrnï ꞌbangnga kada ka oona, aaga tana muuyu ma kadu, nja tiicolo ka nanggeedi, aaga tana ꞌbangnga ma tasaasa ajeene nja tidhi oona kuꞌbu.

Kölösi 3:15

A taꞌdiila na Almasiihi tanna kada ka nanggeedi, iꞌi yungngo a Masala ka tagümmünü aaga aꞌda aaga ta unggodho, aaga tamana taꞌdiila a Masala.

1 Tasalanükï 1:1

Aꞌa na Bölis narigiri waraga ya nja Silwans nja Timosaws ungngo tunggu waraga co kadu ma kaniisa ma Tasalanükï, kadu na Masala ma Pupa nja Uugaara Yasu Almasiihi, a türü nja taꞌdiila tanna nja aaga.

1 Tasalanükï 1:3

Kütü ungngo kadagïïgï tumma naada ka talinggo a tamma kidha ma Masala tanno aja Pupa ma linggo naada ka tümmöönö a tasaasa nja tidhi oona kuꞌbu na ööꞌdö a tïndhïgï ka Uugaara tiya aja Yasu Almasiihi.

1 Tasalanükï 1:4

Nagöre eede, Masala masaasa aaga, ungngo tussu aꞌda oogo magesse aaga.

1 Tasalanükï 4:7

Taalo Masala magümmünü angnga ma eema tiya nyoro ya, lakiini ma eema tiya insili ya.

1 Tasalanükï 5:28

Fa ka türü tanno Uugaara Yasu Almasiihi taneene nja aaga.

2 Tasalanükï 1:2

Fa ka Masala Pupa yaaja nja Uugaara Yasu Almasiihi anangnga türü aaga nja taꞌdiila.

2 Tasalanükï 3:16

Fa ka Uugaara ma taꞌdiila Yasu Almasiihi ka eyi tiya iini amana taꞌdiila aaga a naganuuru ka eema nyeꞌdꞌde, fa ka Uugaara aneene nja aaga ïnꞌdïlï.

2 Tasalanükï 3:18

Fa ka türü tanno Uugaara Yasu Almasiihi kaneene nja aaga ïnꞌdïlï kungngo.

1 Timosaws 1:2

Nunggu co Tïmosaws ꞌbiiꞌbala yeede ya dhorro ya, a tamma ka Masala, fa ka Masala Pupa yaaja nja Uugaara tiya aja Yasu Almasiihi anangnga türü oꞌo nja ꞌbangnga nja taꞌdiila.

1 Timosaws 6:2

Üürü kadu neene kada kasaga tanno eene no kamma ka Masala ya, kafa tamidhi eege kudumma eene kada nagöre. Eege adha ya kama talinggo ada eene dhorro kudumma kadu tanno aduna eema ka linggo tanno eene, eege ka kadu tanno amma no kasaasa eege. Eema ya yungngo üüdü kara talaana iini nadho üüdü kide.

2 Timosaws 1:2

Nunggu co Timosaws, ꞌbiiꞌbala yeede ya dhorro ya, türü nja ꞌbangnga nja taꞌdiila ndama Masala tammo Pupa mo nja Yasu Almasiihi Uugaara yaaja.

2 Timosaws 4:22

Fa ka Uugaara aneene nja koronggore tiya üüdü. Aaga aneene a türü.

Tito 1:4

Nïkïrï aꞌa ka tunggu co Tito ꞌbiiꞌbala yeede ya dhorro ya, ka tamma tanno aja na unggodho no. Fa ka türü tanno Masala ka aneene nja oꞌo nja taꞌdiila tanno Masala Pupa nja Yasu Almasiihi tatoolona yaaja.

Filimon 1:25

Fa ka türü tanno Uugaara Yasu Almasiihi ka neene nja aaga ïnꞌdïlï kungngo.

Filimon 1:3

Aaga aneene a türü tanno Masala Pupa yaaja a taꞌdiila miini nja Uugaara Yasu Almasiihi.

Yaguub 1:1

Waraga öꞌdö ndama Yaguub ya ömöꞌdï ma linggo ya Masala nja Uugaara Yasu Almasiihi ööjülü siliga ma Israyil na öꞌdö kadaꞌbaaga kafünü eera no na asananjaana ka naꞌbuugu koona nyeꞌdꞌde.

1 Bütrüs 1:15

Lakiini aaga ka kadu tanno insili no ka linggo tanno ada ka talinggo no, kudumma Masala tammo agümmünü aaga mo ma insili.

1 Yühanna 3:1

Aaga sala ka Pupa ka asaasa angnga nya idhi angnga kana eere aꞌda laala ma Masala, aꞌda timinꞌda angnga ka laala tiya oono, a kadu ka ꞌbüdhülü taalo kussu angnga kudumma eene taalo kussu Masala.

2 Yühanna 1:3

A türü nja ꞌbangnga nja taꞌdiila ndama Masala Pupa nja Yasu Almasiihi ꞌBiiꞌbala ma Pupa aneene nja angnga ka timinꞌda nja tasaasa.

Tumma tanno Yasu 2:1

“Arigiri ada tumma co tadhangga ma kaniisa ma Afosus, Tumma no öꞌdö ndama ömöꞌdï tiya ümmü midigi mïïdümmü mafünü eera mo a nïïsö ma kuri, unggeene ka söödö ma nakoyo ma nagalamba ma dahaba ma ïïdümmü kafünü eera no.

Tumma tanno Yasu 2:12

“Arigiri ada tumma co tadhangga ma kaniisa ma Pregamus, Tumma na ömöꞌdï ya ana kuluꞌba mo dhonggoro mana kuri ka naꞌdugugini a teera meene mo.

Tumma tanno Yasu 2:18

“Arigiri ada tumma co tadhangga ma kaniisa ma Tiyatira, Tumma no köꞌdö ndama ꞌBiiꞌbala ma Masala ya afinne ka ïïye afa ïssï ya, uune niini ka afeene nja tanyaanya tanno alukulukadene no.

Tumma tanno Yasu 2:29

Ömöꞌdï ya ana iisine ya fa kini atoodo ka eema tiya Koronggore ka teemaga co a nakaniisa ya.”

Tumma tanno Yasu 2:8

“Arigiri ada tumma co tadhangga ma kaniisa ma Samirna, Tumma no köꞌdö ndama ömöꞌdï tiya dhidha ya nja tiya eere ya, ömöꞌdï ya aga eyi efe ka ꞌdï afeꞌde.

Tumma tanno Yasu 22:21

Fa ka türü tanno Uugaara Yasu ka aneene nja aaga nyeꞌdꞌde kungngo.

Tumma tanno Yasu 3:14

“Arigiri ada tumma no co tadhangga ma kaniisa ma Ladükïya, Tumma na ömöꞌdï tiya Amiin adho ka fïïnï adhorro nja timinꞌda, iꞌi ya üüdü ma eema tiya Masala ka tadina ya.

Tumma tanno Yasu 3:22

Ömöꞌdï ya ana iisine ya fa kini atoodo ka eema tiya Koronggore ka teemaga co nakaniisa no.”

Tumma tanno Yasu 3:7

“Arigiri ada tumma co tadhangga ma kaniisa ma Filadlifya, Tumma ndama ömöꞌdï tiya insili ada timinꞌda ya ana ngafata na Dawud kini kara tafaꞌda ïnye, taalo ömöꞌdï ma teere kide, a kini kara teere kide ya, taalo ömöꞌdï ma tafaꞌda.