Lüüka 6:21 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

²¹ Aꞌdiila nja aaga aaga no ïïre kagu aaga ꞌbïtïngngö no, kudumma ada kara saga tüüsü. Aꞌdiila nja aaga aaga na afara ꞌbïtïngngö no, kudumma ada kara saga takijeene.

Lüüka 6:21 ပူးပေါင်းရင်းမြစ်များ

Matta 5:4

Aꞌdiila nja kadu tanno afara no, kudumma Masala ma tayugu fara eene ka ïïye.

Matta 5:6

Aꞌdiila nja kadu tanno ïïre kagu eege nja tenege ma tumma tanno dhorro no, kudumma eene kara tüüsü.

Lüüka 1:53

Manangnga na ïïre kagu eege no ka tüüsü mara ka tuuru kadu na üüsü no ka tino ana iisine ꞌdöngngönyö.

Lüüka 6:20

Assa ka kadalaadene tanno iini koꞌdo iki, “Aꞌdiila oona kada aaga na eema ka titaalo ada no, kudumma ada kaluna tauugaara ma Masala.

Lüüka 6:22

Aꞌdiila nja aaga a kadu kara takïrïmï aaga, kasoro aaga keela aaga, kanu ka eere tiya eede afa nïïmö ya toroko ya kudumma ꞌBiiꞌbala ma Tadüꞌdꞌdü.

Lüüka 6:25

Amꞌba kada aaga na üüsü ꞌbïtïngngö no, ara ïïre sa kagu aaga. Amꞌba kada aaga na kijeene ꞌbïtïngngö no, ara aaga sa katamüürü, aaga tafara.

Yühanna 11:35

A Yasu tafara.

Yühanna 4:10

Ïkïrï Yasu ka tiki oono, “Küdü ka tussu eema ya Masala ka amana a kadu ya, na oꞌo tagussu ömöꞌdï ya arangnga ꞌbïïdï küdü aꞌda ooye ya, ara oꞌo takindini aꞌa ara aꞌa takinya ꞌbïïdï ma tefe ka ꞌdï oꞌo.”

Yühanna 6:35

Ïkïrï Yasu ka tiki eene, “Aꞌa nungngo na miteene ma tefe ka ꞌdï, ömöꞌdï ya töꞌdö kede ya taalo ïïre tagu iꞌi, aya tamma kede ya taalo tenege ka tagu iꞌi turi.

1 Kürünsüs 4:11

Taꞌbïtïngngö aleefe ïïre tagu ungngo nja tenege, enꞌdi titaalo kïdï ka oona, ungngo tabbü adene, a nööꞌdï titaalo kïdï ma tanna kide.

2 Kürünsüs 11:27

Nadhügürü aꞌa nüünï mananggööyö nja tadinigöögö turi, nja ïïre a tenege, nümmü tenege turi, natambaanya olle nja taneene ana oona kuꞌbu.

2 Kürünsüs 12:10

Nggeege ya yungngo eede ka tadhodho ka tagiꞌdi tanno eede nja teeladene nja midhi, a mananggööyö nja dhügürü ka üüdü ma Almasiihi, kudumma eede kara tagiꞌdi nana türü.

2 Kürünsüs 6:10

Kamüürü ungngo lakiini ungngo ka dhodho turi kungngo, taalo eema kide illi kadu ka tüüsü kadhabbu, afeene afa taalo eema kide illi ungngo kana eema ïnꞌdïlï.

Yaguub 1:12

Aꞌdiila nja ömöꞌdï tiya idhi oona kuꞌbu ya ka uuru ma dhügürü ya, kudumma iini kara töꞌdö kürö ka taꞌbꞌbadene ya, aduna talïngnge ma tefe ka ꞌdï afa ma Masala ka takadirina a kadu tanno asaasa oogo no kungngo.

Tumma tanno Yasu 21:3

Nïkïrï aꞌa ka aföönyö tumma koꞌdꞌdo ndama kööyö kiki, “A ꞌbïtïngngö ꞌbuugu ya Masala ka tanna kide nja kadu ya, iꞌi yungngo mara tanna kide nja eene kada kadu tanno oono. Masala ana oona moono mara taneene nja eene, mada Masala tammo eene.

Tumma tanno Yasu 7:16

Taalo ïïre ara tagu eege, a tenege ka tagu eege afeꞌde, taalo ndanaaya ara taguꞌdu eege, a taguꞌdaana taalo kara tala eege ka oona.