Lüüka 14:21 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

²¹ “Ïkïrï ömöꞌdï ya alinggo ya, ka ööꞌdö adirina eema ya kadu kadageema ya iini, ömöꞌdï ma ꞌdï a tagorooꞌbo tümmü iꞌi, ïkïrï ka tiki ömöꞌdï tiya alinggo ada iini ya, ‘Kolo akürö areere ka nafïïnï ma anya a narukuteene miini, nööꞌdö a kadu tanno eema katitaalo kene no nja tanno namügüre no nja tanno asogoꞌdo nja tanno kisinsoro no.’

Lüüka 14:21 ပူးပေါင်းရင်းမြစ်များ

Matta 11:28

“Aaga köꞌdö kede aaga ïnꞌdïlï aaga no agiꞌdi a dhügürü ma linggo ma eema tiya ïndhï ya nanangnga aaga ka lïngnge.

Matta 11:5

kisinsoro kiji ꞌbuugu a kadu na sogoꞌdo no tunggeene, a kadu ma kutukunya tinsili a nakïnggïrï taföönyö eema, a kadu na ake no tafïkïꞌdö ka inde, a kadu na eema ka titaalo kene no taföönyö tumma ma Ïnjïïlï.

Matta 15:12

Ïkïrï kadalaadene niini ka ööꞌdö kini kiki, “Nussu oꞌo aꞌda kagorooꞌbo naFariisi kene ka taföönyö tumma nüüdü no?”

Matta 18:31

A kadu na linggo no tiji eema ya agalinggo adene a tagorooꞌbo tümmü eege dhorro kunggeene kaco ka uugaara tiya eene kadirina eema ya agalinggo adene ya iini.

Matta 20:7

“Kiki iini, ‘Taalo ömöꞌdï ma tagümmünü ungngo alinggo.’ “Ïkïrï ka tiki eene, ‘Aaga unggeene aaga co a siga ma kiꞌbimꞌbi tanno eede aaga co talinggo afeꞌde.’

Lüüka 14:13

Lakiini küdü kara tümmünü kadu a kuri ya, ümmünü kadu na eema ka titaalo kene no nja kadu tanno namügüre no nja tanno sogoꞌdo no nja tanno kisinsoro no.

Lüüka 14:20

“Aya tiki, ‘Narna aꞌa aka taalo aꞌa nara tambaanya töꞌdö.’

Lüüka 14:22

“Ïkïrï ömöꞌdï ya linggo ya ka tiki iini, ‘Ka ömöꞌdï eede, nagalinggo aꞌa afa tiya üüdü ka tiki ya a naꞌbuugu öccö kinggide ka ꞌdöngngönyö.’

Lüüka 14:24

Ara aꞌa tiki aaga, taalo ömöꞌdï ana ka kadu tanno agümmünüdene no ara tagolo kuri yeede.’”

Lüüka 24:47

Ara kadu tadünnü tumma ana eere tiya iini ma kadu kataadha ka tatoroko, ma toolona tamꞌbaga, kata tümꞌbü miini ndama Örsaliim kadhala ka kadu nyeꞌdꞌde kungngo.

Lüüka 9:10

Aga kadafïïnï na Yasu ka ndafada ya kïkïrï ka tirina eema yeene ka tagüünï ya a Yasu, ïkïrï ka ꞌduga eege nja iini unggodho eege kaco anya tammo ana eere aꞌda Beet Sayida mo.

Yühanna 9:39

Ïkïrï Yasu ka tiki iini, “Nöꞌdö aꞌa ka ꞌbüdhülü ma tümmü kadu, amang ka kadu tanno kisinsoro no tiji ꞌbuugu, anno iji ꞌbuugu no ta kisinsoro.”

Ebraniin 13:17

Aaga aföönyö tumma na naguugaara tanno ada, aaga tamma ka tumma tanno eene. Kudumma eene ka tinigöögö ma aaga afa ma Masala ka anangnga eema eene. Aaga aföönyö tumma neene amang kene talinggo a dhodho, taalo a müürü üürü eege kalinggo a müürü, taalo kara töꞌdö keere a nïïmö.

Ebraniin 2:3

Ara angnga tarünö nya aja ka tagüünï töꞌbö a toolonadene tanno ïdhïndhï? Na Uugaara ka tatiraana ana oona miini ka dhidha, a kadu na föönyö no kiki angnga aꞌda katiminꞌda.

Yaguub 2:5

Aaga toodo kide nagöre eede, taalo Masala magesse kadhoogo ka ïïye ma kadu ma ꞌbüdhülü amang kene tüüsü a tamma ka Masala kakarna ka tauugaara tanno Masala ka tadirina a kadu tanno asaasa oogo no?

Tumma tanno Yasu 19:15

A kuluꞌba ma dhonggoro mo ticci akürö ndama iini ka nïïnö mana kuri, miini kara tabbü kadu ma kajeene iini, ara tauugaara meene a kuufi ma ndaliili. Asiri ka ꞌdoonya tiya kiꞌbimꞌbi ma ngeeli ma tagorooꞌbo nja Masala tammo ana türü mo.

Tumma tanno Yasu 22:17

Koronggore nja ꞌbala kiki, “Aayu!” Ömöꞌdï ya aföönyö ya fa kini iki aꞌda, “Aayu!” Ömöꞌdï ya tenege kagu iꞌi ya, fa kini ööꞌdö, ömöꞌdï ya asaasa ya, fa kini aꞌduga ꞌbïïdï ma tefe ka ꞌdï aꞌda taalo faana kide.