Filippi 2:6 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

⁶ Iꞌi afeene nja Masala ka eema ïnꞌdïlï kungngo, lakiini iꞌi taalo aꞌbunu eyi yiini kide ma taköje nja Masala.

Filippi 2:6 ပူးပေါင်းရင်းမြစ်များ

Matta 1:23

“ꞌBadaada ma tölömü mara tagüröönö meene ꞌbiiꞌbala kanangnga eere iini aꞌda Emanwiil” aꞌda, Masala nja angnga.

Yühanna 1:18

Taalo ömöꞌdï ma tadïnö ka Masala, lakiini Masala ma unggodho ma ꞌBiiꞌbala ya unggodho ya, ya ka Pupa ka tügüle ya iꞌi yungngo anangnga oogo ka tussu adene.

Yühanna 10:30

Aꞌa nja Pupa ka unggodho ungngo.”

Yühanna 10:33

A Yahüüdü tiki iini, “Taalo ungngo kasaasa tadïïdïrï oꞌo kudumma eema tiya üüdü ka talinggo ya aꞌdiila ya, lakiini kudumma teela Masala nüüdü! Oꞌo na ömöꞌdï ünꞌdügüngngö na oꞌo sa ka tümmü eyi yüüdü kada Masala.”

Yühanna 10:38

Lakiini na aꞌa sa ka talinggo ya, salla aaga saga taalo kamma kede, aaga amma ka eema keefe tiya ada kara tussu aꞌda Pupa ungngo eede, aꞌa na Pupa.”

Yühanna 14:28

Kaföönyö aaga eede ka tiki aaga aꞌda, ‘Ara aꞌa tunggeene na saga tafada nööꞌdö kada.’ A kada ka tasaasa aꞌa ara aaga tagadhodho kudumma eede ka tiki aꞌda ara aꞌa co ka Pupa kudumma Pupa adhabbu aꞌa.

Yühanna 14:9

Ïkïrï Yasu ka tiki iini, “Ka Fïlïbüs, naneene aꞌa nja aaga magaada ꞌdo na oꞌo saga taalo nussu aꞌa? Ömöꞌdï ya adïnö kede ya, iꞌi ya adïnö ka Pupa, na oꞌo saga tiki aꞌda la ungngo ka Pupa nya?

Yühanna 17:5

Nangnga tïdhïndhï aꞌa ꞌbïtïngngö küdü kidha Pupa yeede a tïdhïndhï na kanna kede nja oꞌo no aꞌda üfürü ꞌbüdhülü tagalinggo adene.”

Yühanna 20:28

Ïkïrï Tööma ka tiki, “Uugaara yeede nja Masala tammo eede.”

Yühanna 5:18

A Yahüüdü takogoona ma tasaasa tiidi Yasu, taalo kudumma iini kanu ka tumma ma Saꞌbidi sugi, lakiini iꞌi iki afeꞌde aꞌda Masala a Pupa tiya iini ümmü eyi yiini kada köje nja Masala.

Yühanna 5:23

Amang ka kadu nyeꞌdꞌde tafünügü ꞌBiiꞌbala koꞌdo afa meene katafünügü Pupa koꞌdo, a ömöꞌdï ya taalo afünügü ꞌBiiꞌbala koꞌdo ya, iꞌi taalo atafünügü Pupa ya agürünü iꞌi ya.

Rööma 9:5

Kafaafa kungngo eene, Almasiihi öꞌdö ka tuuꞌda, iꞌi yungngo a Masala ma eema nyeꞌdꞌde. Masala mafünügü nja koꞌdo taꞌbilli. Amiin.

2 Kürünsüs 4:4

Eege taalo kamma, kudumma masala ma ꞌbüdhülü tiya aꞌbinynyi eege ka ïïye amang kene tafa tiji töyeene na öyeene ada kene no, töyeene ma tumma ma Ïnjïïlï ma tïdhïndhï na Almasiihi, ya koronggore ma Masala ya.

2 Kürünsüs 8:9

Kussu aaga türü na Uugaara tiya aja Yasu Almasiihi üpü eyi yiini co kudumma angnga aꞌda eema ungngo iini nyeꞌdꞌde, amang kada tana eema a taꞌdöngngönyö tanno iini.

1 Timosaws 1:17

A ꞌbïtïngngö ta uugaara taꞌbilli no, Masala tammo unggodho mo, mefe ka ꞌdï turi mitaalo mijidene ümmü oogo ana eedi nja tïdhïndhï taꞌbilli. Amiin.

1 Timosaws 3:16

Taalo tamꞌbana koꞌdo kudumma tanno, lakiini taküdhü ma tamma tanno aja ka Masala ïdhïndhï, Iꞌi abbü ꞌdala ka tuuꞌda, ya insili a koronggore, a kadhangga tadïnö kini, kadageema tumma miini ka naanya, a kadu ma ꞌbüdhülü tamma kini, adaꞌdiniginja cooꞌdo ka tïdhïndhï.

Tito 2:13

Angnga takïndhïgï uuru ma baraka yaaja ka takïndhïgï iꞌi ya, ka uuru ma tïdhïndhï ma töꞌdö tanno Masala tammo aja ma ïdhïndhï mo nja tatoolona tiya aja Yasu Almasiihi.

Ebraniin 1:3

ꞌBiiꞌbala iꞌi ya töyeene ma tïdhïndhï ma Masala iꞌi ya koronggore ma taneene tanno oono afa ka eema nyeꞌdꞌde a türü ma tumma tanno iini, a kini ka ndagala tatoroko naaja emmi ka nïïsö ma kuri ma tïdhïndhï ma Masala ka ꞌdotomboꞌdo.

Ebraniin 1:6

Ka Masala ka agürünü ꞌBiiꞌbala yoono ya dhidha ya ka ꞌbüdhülü ya, miki aꞌda, “A kadhangga ma Masala tüürü kini kidha.”

Ebraniin 1:8

Lakiini kudumma ma ꞌBiiꞌbala miki, “Ka Masala, tauugaara nüüdü kara tütü turi taꞌbilli, a kuufi ma tauugaara ta tiya üüdü dhorro turi.

Ebraniin 13:8

Yasu Almasiihi iꞌi ya miini ka ooso ana uuru tanno nja taꞌbilli.

Tumma tanno Yasu 21:6

Iki aꞌa, “Afaradene eema nyeꞌdꞌde. Aꞌa na dhidha na tiya eere ya. Ömöꞌdï ya tenege kagu iꞌi ya ara aꞌa tinyi ꞌbïïdï iini ndama, nduguli ma tefe ka ꞌdï aꞌda taalo afaana.