2 Kürünsüs 3:3 - TIMIꞌDI TUMMA MA ꞌBÏTÏNGNGÖ NJA RAWUS NJA YÜNAN

³ Kussudene aaga ka waraga tiya Almasiihi, öꞌdö ndama linggo nïïdï taalo arigiridene ana ünggülü, lakiini a Koronggore tiya Masala ma adïnö mo, taalo ikirinja ka maraayo ma mïsï, lakiini ka maraayo ma nanggeedi ma tadüꞌdꞌdü.

2 Kürünsüs 3:3 ပူးပေါင်းရင်းမြစ်များ

Matta 16:16

Ïkïrï Samaan Bütrüs ka tiki, “Oꞌo na Almasiihi ꞌBiiꞌbala ma Masala ma efe ka ꞌdï mo.”

1 Kürünsüs 3:5

Mada iꞌi yungngo Apölös? A mada iꞌi yungngo a Bölis? Kadu ma linggo no nangnga aaga ka tümmü tumma ma Masala eege kamiini afa ma Uugaara ka tasümünaana linggo eene kuꞌbu.

2 Kürünsüs 3:6

Oogo mungngo manangnga ungngo ka tambaanya linggo ma timiꞌdi tumma ma ꞌbïtïngngö, ya taalo ma tarigiri ma serïye, lakiini ma Koronggore, serïye ya arigiridene öꞌdö ana inde, lakiini Koronggore öꞌdö a tefe ka ꞌdï.

2 Kürünsüs 3:7

Üürü linggo ma inde koꞌdodene a kireereꞌbe ka nïïgïsï köꞌdö a tïdhïndhï amang ka laala ya Israyil taalo kambaanya tadïnö dhugudha ya Müüsa kudumma tïdhïndhï ma dhugudha tiya iini ya ara saga titaalo ya.

2 Kürünsüs 6:16

Taalo la ma Masala ara tullu ana koona nja la ma namasala ma ꞌbüdhülü? Angnga ka nööꞌdï ma Masala tammo efe ka ꞌdï mo, afa ma Masala ka tiki, “Ara aꞌa taneene nja eene nunggeene nja eene kene ka söödö na aꞌa ta Masala tammo eene kada kadu tanno eede.”

1 Tasalanükï 1:9

Kadu ꞌdo keema tumma maada ka tamma kïdï, yïïdï kööꞌdö kada ya, aaga aadha ka eema ma namasala aaga tümmü tumma ma Masala tammo dhorro mefe ka ꞌdï mo.

Ebraniin 10:16

“Uugaara iki, Timiꞌdi tumma no eege kungngo eede kara tamiꞌdaana nja eene, nagürüünü no, ara töꞌdö no. Ara aꞌa aꞌa tanangnga serïye yeede kene ka nanggeedi, narigiri ada kene ka nanggüüdü.”

Ebraniin 8:10

Timiꞌdi tumma neede ka tüünï nja laala ma Israyil ka naguuru tanno ara töꞌdö no, Uugaara iki. Ara aꞌa tanangnga serïye yeede kene ka nanggüüdü narigiri ada kene ka nanggeedi neene. Na ta Masala tammo eene ka ta kadu tanno eede.

Ebraniin 9:14

Taalo erïïdö ya Almasiihi ya ümmünü eyi yiini a Masala a koronggore taꞌbilli ümmü eyi yiini a Masala a Koronggore taꞌbilli ümmünü eyi yiini aꞌda taalo hetti kide, agala nanggeedi naaja ka eema tiya amanaga angnga ka inde ya amang kaja tagalinggo ada a Masala tammo efe ka ꞌdï mo.

Tumma tanno Yasu 2:1

“Arigiri ada tumma co tadhangga ma kaniisa ma Afosus, Tumma no öꞌdö ndama ömöꞌdï tiya ümmü midigi mïïdümmü mafünü eera mo a nïïsö ma kuri, unggeene ka söödö ma nakoyo ma nagalamba ma dahaba ma ïïdümmü kafünü eera no.

Tumma tanno Yasu 2:12

“Arigiri ada tumma co tadhangga ma kaniisa ma Pregamus, Tumma na ömöꞌdï ya ana kuluꞌba mo dhonggoro mana kuri ka naꞌdugugini a teera meene mo.

Tumma tanno Yasu 2:18

“Arigiri ada tumma co tadhangga ma kaniisa ma Tiyatira, Tumma no köꞌdö ndama ꞌBiiꞌbala ma Masala ya afinne ka ïïye afa ïssï ya, uune niini ka afeene nja tanyaanya tanno alukulukadene no.

Tumma tanno Yasu 2:8

“Arigiri ada tumma co tadhangga ma kaniisa ma Samirna, Tumma no köꞌdö ndama ömöꞌdï tiya dhidha ya nja tiya eere ya, ömöꞌdï ya aga eyi efe ka ꞌdï afeꞌde.

Tumma tanno Yasu 3:1

“Arigiri ada tumma co tadhangga ma kaniisa ma Saardis, Tumma na ömöꞌdï tiya ana nagoronggore ma Masala ka ïïdümmü kafünü eera nja midigi ma ïïdümmü mafünü eera ya, nussu aꞌa linggo nüüdü, oꞌo nefe ka ꞌdï ana eere, lakiini neyi oꞌo.

Tumma tanno Yasu 3:14

“Arigiri ada tumma no co tadhangga ma kaniisa ma Ladükïya, Tumma na ömöꞌdï tiya Amiin adho ka fïïnï adhorro nja timinꞌda, iꞌi ya üüdü ma eema tiya Masala ka tadina ya.

Tumma tanno Yasu 3:22

Ömöꞌdï ya ana iisine ya fa kini atoodo ka eema tiya Koronggore ka teemaga co nakaniisa no.”

Tumma tanno Yasu 3:7

“Arigiri ada tumma co tadhangga ma kaniisa ma Filadlifya, Tumma ndama ömöꞌdï tiya insili ada timinꞌda ya ana ngafata na Dawud kini kara tafaꞌda ïnye, taalo ömöꞌdï ma teere kide, a kini kara teere kide ya, taalo ömöꞌdï ma tafaꞌda.