PHILIPI 4:9 - BAIBEL KANGTHIR (BSI)

⁹ Nanglitum neli long pen kecharlitang, kelongtang, karjulongtang lapen neli long nangkethek dunlongtang ason an klemnon. Anke ning kangsam ekepi a-Arnam nanglitum along dopo.

PHILIPI 4:9 ပူးပေါင်းရင်းမြစ်များ

ISAIAH 41:10

Phereri- Ne nanglong dolo! Ne nang Arnamlo-jat ta nangphan paphere longri! Ne nangphan pangtangpo lapen nangrap po; ne nangraipo lapen nangpajokpo.

ISAIAH 8:10

Nangtum mangnon! Bonta lahei kaita chunche. Nang ninghang-an chethan non! Bonta lahei kedo-an ale ave, pima Arnam netum along do.

MATHIU 1:23

“Chini-iktha, ha nimsopi inut aso chopatheji, lapen asopo pirthe hacheji, lapen alangliphan Emmanuel pusi amen irji” (Atheke, Arnam etum along do).

MATHIU 28:20

lapen Ne nangtum aphan nangkethan alam kedo-an kepakroijile halatum aphan than petnon; lapen chininon, Ne nangtum along labangso apirthe kejut anta nangdo dunverji.”

MATHIU 7:21

“Nephan Hemphu, Hemphu pu kepu abangphutinle sining a-Rat lutdun longji, lapu kali; bonta sining athak kedo ne-Po aning kehang ateng keklem abang alingsi lutdun longji.

LUK KETOK ABIRTA KEME 6:46

“Nangtum kopi athesi nephan ‘Hemphu, Hemphu’ pu hangjo setta ne kepu akam klemkledet-loma?

LUK KETOK ABIRTA KEME 8:21

Jisu thaksi halatum aphan pulo, “Arnam alam karju lapen kekroi atum helo ne pei lapen nemumar atumlo.”

JON KETOK ABIRTA KEME 13:17

Nonke nanglitum labangso ahok alam chinilo. Lasi nanglitumle labangso alam ateng klemlote nanglitum ko-an aning arongpo!

JON KETOK ABIRTA KEME 15:14

Ne nangtum aphan hukum nangkepi asonthot-le nangtum klem lote nangtum ke nejirpo atumlo.

JON KETOK ABIRTA KEME 2:5

Ansi Meri ban atum aphan pulo, “Alangli nanglitum aphan nangkepu alingle klemnon.”

AKAM 9:6

Bonta thurra rongsopi damnon. Nang keklem nangji akam an hadaksi nangphan than-etpo.”

ROM ASOR ATUM APHAN POL KETOK ALOH 15:33

Ningkangsam kepi a-Arnam nanglitum kadokave along padonang! Amen.

ROM ASOR ATUM APHAN POL KETOK ALOH 16:20

Lapen ning kangsam ekepi a-Arnam prapjin pen Soitan aphan pavirsi nanglitum akengpak arum biji. E-Hemphu Jisu Khristo akangjinso nanglitum along padonang.

1 KORINTH 10:31

Tangte, nanglitum cho aling tame, jun aling tame, lapen klem aling settame, Arnam anong aphanle klemnon.

1 KORINTH 14:33

Pima ilitum keklemjam ke Arnam aning hanghe, bonta ning isipet pen kechi-i-kling, lapen ning kangsam pen kedo, lasi Arnam aning kehang. Kangthir atum amondoli mate kroi-asong along an asonthotsi,

1 KORINTH 4:16

Lasi neli nanglitum aphan choningrilo, nanglitum neli long nangcharliduntha.

2 KORINTH 13:11

Lapen nonke, kortemarli atum, kejut akardom deng-iktha! Nangli-tum kechokpameji aphan bor-inon; neli nangkechoningri alam hei hei arjutha; nanglitum lahin lahin alam chekroinon; ning kangsam penle donon. Lasi kanghon lapen ning kangsam kepithek a-Arnam nanglitum along doji.

KETHAN 5:1

Israel arat an aphan Moses hangpet-lo, lapen latum aphan pulo, “Israel arat atum, pini nanglitum aphan ne nangkepi aron-heihei an arjutha. Lahei charlinon, lapen lahei kroilo pura chesikthipnon.

PHILIPI 3:17

Kortemarli atum, nanglitum neli long nangcharlidunnon. Nelitum nanglitum aphan nangkepaklang ateng kengkam kechejor atum aphan lang pangthekdunnon.

PHILIPI 4:7

Anke nanglitum Khristo Jisu pen kechelangpet pen ajok monit atum kechinipet un-e Arnam kepi aning kangsam nanglitum aning lapen akematha aphan honpo.

1 THESALONIKA 1:6

Nanglitumke nelitum lapen Hemphu a-arje cheparjanlo; lapen nanglitum kesung pho-olo setta Karjong Kangthir pen kelong aning arong pen nanglitum labangso a-Birta Keme deng-lo.

1 THESALONIKA 2:14

Korte marli atum, Judia adet kedo Arnam amondoli mate kroi-asong, atheke Jisu Khristo amonit atum kepho asonthotsi nanglitumta pholo. Halatum Jihudi atum arideng kechenek kepho asonthotsi nanglitumta nangmethang adet amonit atum arideng kechenek pholo.

1 THESALONIKA 5:23

Ning kangsam kepi Arnam nang-litum aphan nangpangthir pamenang. E-Hemphu Jisu Khristo kevangthuji ahut nanglitum akarjong, aning lapen abang arpum thang ado kavepinjile Arnam nangpabi pamenang.

2 THESALONIKA 3:4

Hemphu nelitum aphan ning nekepathe pen ajok nelitum nanglitum aphan ning nangchetheklong-lo; lapen nelitum nangkethan atengsi nanglitum do-thakbomlo, lapen lasonsi do-thakbomji pusi nelitum ning thelo.

2 TIMOTHI 4:22

Nangli karjong along Hemphu padonang. Nanglitum kadokave along Arnam akangjinso padonang.

JEMS 1:22

Alam karjuchot abang cheplangra nanglitum methang chepaluri. Bonta karjulong alam atengle akamta klemnon.

2 PITOR 1:10

La apotsi korte marli atum, nanglitum aphan nangkepha lapen nang kangvai ateng kedo kechepathirji aphan bor-i muchot muchotnon. Pima nanglitum lasonle klem lote nanglitum kaita chingkoikedetpo.

1 JON 3:22

Alangli long kechohang aling ili long, pima ili alangli hukum hei hei kroilo, lapen alangli aning kehang atengsi ili klemlo.