PHILIPI 3:3 - BAIBEL KANGTHIR (BSI)

³ Ahok areng-rot ke-en atum ke ilitum helo, halatum kali, pima ilitumke Arnam a-Karjong pensi Arnam aphan ingduk-ardomlo, lapen Khristo Jisu pen chelangpetsi chehok-lo. La athak keklemphrui aron-atang akam aphan ke ilitum chikikelo.

PHILIPI 3:3 ပူးပေါင်းရင်းမြစ်များ

LUN ALOHTHUI 105:3

Eli alangli rideng kedo apot chehoknon, alangliphan karcho atum an ning cheparongnon.

ISAIAH 45:25

Jakob asomar an aphan ne Hemphu-si pajokji, lapen latum nephan ropo.’ ”

JEREMIAH 4:4

Nang kechak, Ne, nang Hemphu pen chebinon, lapen nephan chehodainon, nang Judah lapen Jerusalem arat atum. Nangtum jongsi klemlote, Nening kethi me ason chopo, pima nangtum kehingno ason keklem an apot. La chopo, lapen baduta kepamepji abang avelo.”

JEREMIAH 9:26

Lahei amonit atum reng cherot-lo, bonta la angthek akechejok aloh latum kroikrelo. Lahei arat atum lapen Israel arat atum anta Ne Kechejok aloh kroikrelo.”

MALAKI 1:11

Athe Nihang pen Nichi an, khei-heihei angbong Nemen thelo, lapen alongtinta Ne men aphan mephik thorlo, lapen kangthir adan pilo; athe khei-heihei angbong Nemen thelo, pusi muluk a-Hemphu pulo.

ROM ASOR ATUM APHAN POL KETOK ALOH 1:9

Neli Arnam a-Sopo a-Birta Keme than pachethangsi neli ning aklong pen Arnam aphan klempibomlo, lake Arnam neli hakilo. Lapen neli kardom abataitinta nanglitum aphan chematha-ponverlo, lake Arnam chinilo.

ROM ASOR ATUM APHAN POL KETOK ALOH 15:17

Tangte, neli Jisu Khristo pen chelangpetsi Arnam akam keklem apot neli kechepindakji athe do.

ROM ASOR ATUM APHAN POL KETOK ALOH 7:6

Bonta nonke ilitum Aron pen jokphlottang-lo, pima aphrang ahut ilitum aphan kekokhet amar anat ke ilitum thilot-tang-lo. Nonke ilitum aphrang asonthot ke, atheke hala ketoktang aban-aron ekethan ateng ke klembombelo, bonta Karjong ekeja atengsi ning kemi pen ilitum klemlo.

ROM ASOR ATUM APHAN POL KETOK ALOH 8:15

Pima Arnam nanglitum aphan kepi a-Karjong ke nanglitum aphan ban nangpaplangple, lapen kephere aningta nangpipe; bonta Karjong ke nanglitum aphan Arnam asomar nangpaplang-lo, lapen Karjong ajakong pen ajok ilitum Arnam aphan, “O po! O Po!” pu hang-lo.

ROM ASOR ATUM APHAN POL KETOK ALOH 8:39

ilitum athak kedo apirthe tame, kalite ilitum arum kedo apirthe settame, kepinchongtang amar angbong pen thangnatta ilitum aphan la e-Hemphu Jisu Khristo pen ajok Arnam ekepi akanghon pen epaprek un-e.

ROM ASOR ATUM APHAN POL KETOK ALOH 9:6

Arnam kechak alam chekok un-edet-lo pule neli kepudam kali. Pima Israel amonit aso asu atum anke Arnam kangvaitang amonitpet-lo, lapu kali.

2 KORINTH 11:18

Bonta pirthe aron asonthot kechepindak atum do-o apotsi nelita lason chepindakpo.

GALASIA 5:25

Ilitum jongsi Karjong pen reng-lo tangte, ilitum Karjong ekeja atengle kengkam chejor lonang.

GALASIA 6:16

Amethang akai arjon labangso aron ateng kengkam kechejor atum an, atheke Arnam a-Israel kemi atum an aphuthak ning kangsam lapen kangjinso padonang.

EPHESAS 6:18

Arnam kardom penle la kadokave klemnon, lapen Arnam pen akerap kelongji aphan kechoningri penle Arnam ardomnon. Nanglitum klem aling setta karjong nangkeja ateng pen Arnam ardomra klemnon. Labangso apotsi nanglitum arjuton dingra chesikdingnon: lapen nanglitum Arnam kardom aling kangthir atum aphanta ardom pinon.

KETHAN 10:16

La apotsi, non pen Hemphu aphan kroinon, lapen chingkinodak cheplangrinon.

KETHAN 30:6

Nang Arnam Hemphu nangtum aphan lapen nangpoton atum aphan kekroithek aning nangpipo, anke nangtum Alangliphan nangning do-an pen chinghon thekpo lapen nangtum hala so alongle along dolongverpo.

PHILIPI 1:1

Jisu Khristo aban atum, atheke Timothi pen pen neli Polsi nanglitum aphan, atheke mondoli keja atum lapen kerapdun atum aphan pen pen Philipi arongsopi kedo Jisu Khristo pen kechelangpet akangthir atum an aphan labangso aloh tok-lo.

PHILIPI 3:12

Neli longtang-lo, mate neli chok-limtang-lo pule neli kepudam kali, bonta nong-e kelongji aphan neli bor-i ponbomlo, pima labangso aphansi Khristo Jisu neliphan nechepahemphu tang-lo.

PHILIPI 3:14

Lasi anong-e kelongji aphan neli ahot-he anat kat pakengding-lo. Labangso anong-e aphansi Khristo Jisu pen ajok Arnam neliphan angsong anat nehang-lo.

KOLOSA 2:11

Nanglitum Khristo pen keche-langpet pen ajok nanglitum aphan reng-rot nangpitang-lo. Lake monit ari pen keklem areng-rot kali, bonta Khristosi kepathik areng-rot-lo, atheke nanglitum aphan pap ajakong angbong pen nang pajokphlottang-lo.

JUD KETOK ALOH 1:20

Bonta kechinghon atum, nanglitum akangthirnei akekroi athak-le nanglitum methang methang kekim chepathir-bomnon. Nanglitum Karjong Kangthir ajakong penle Arnam ardomnon.