PHILIPI 2:7 - BAIBEL KANGTHIR (BSI)

⁷ Bonta alangli amethang aning kehang pen thangta kalidet abang cheplangsi ban asonthot cheplang-lo. Alangli monit a-arje ensi monit asonthak thaksi nangcheklang-lo.

PHILIPI 2:7 ပူးပေါင်းရင်းမြစ်များ

LUN ALOHTHUI 22:6

Bonta inut amonit chot kalidet-lo! Ne ejon ahilong-lo, abangphutin ta hijimsi ingchek-lo!

ISAIAH 42:1

Hemphu pulo, “Ne jakongkepi aban daksi do, Ne kangvaitang abang, laphan Ne ning chingsampik. Alangliphan ne karjong paplengset lo, lapen alangli akheitin aphan ahok akangsai van pipo.

ISAIAH 49:3

Alangli nephan pulo, “Israel nang neban; nang ajok, monit atum neroji.”

ISAIAH 53:11

Akai isi kesung chechak det aphi la aning-arong chelongthuji la kesung kechechaknang ale avedetji pupe pu la chinipo. Nekangduknei aban, la aphansi nening chedoknei lo, ongdung atum aduk alangli chechakji lapen alangli pen apot halatum aphan ne diya po.

DANIEL 9:26

Lapen kejut apor ahut Arnam kangvaitang songja aphan ahok-he pen pathilotpo. Rongsopi lapen kardomhemthepi ta jakong kethenei ketengkheng amuluk kepangri abang pavirdetpo. Kejut langthepi asonsi vangpo, Arnam kethiktang aron lapen akevir vangpo.

ZEKARIAH 3:8

Non arjutha, O Joshua kurusarpo, nang lapen nang ingno kangni nangjirpo atum an, pima halatum mesen angthek-lo, chininon, Ne neban aro pu abangphan vanpo.

ZEKARIAH 9:9

Jasemet ning arongnon, O Zaion arongsopi! Asepathera hangnon, O Jerusalem arongsopi, Langtha, nang recho nanglong vang-lo, kehai aning karong, lapen Alangli haitang-lo, Chepabihek lapen gadha athak ardonlo, gadha aloso athak ardonlo.

MATHIU 12:18

“Langnon, ne kangvaitang aban, ne kechinghon abang; laphan ne ning dok-lo. Alangli phuthak ne Karjong batji, lapen alangli adet kaprek kaprek atum aphan athikpet akangsai alamjir than pachethangji.

MATHIU 20:28

lake Monit a-Sopo ason thakthak-lo, atheke alangli bang arideng pen keru kethai kelongji aphanle kevang kali, bonta keru kethaiji lapen ongdung atum aphan kepajokji aphan amethang apran kechepijisi vang-lo.”

MARK 9:12

Alangli halatum aphan thakdunsi pulo, “Chenamsi Elijah kadokave alam kesikjisi aphrang vangji; bonta Monit a-Sopo kesung pho-o nangji, lapen monit atum alangliphan langremriji pu hastro kopi apotsi puloma?

LUK KETOK ABIRTA KEME 22:27

Komat abang themu? An kechoji aphan kangni abang helo. Bonta neke nangtum angbong inut keru kethai abang ason thakthak-lo.

JON KETOK ABIRTA KEME 1:14

Lam monit nangcheplang-lo, lapen alangli kanghon kangjinso lapen ahok pen plengsetsi ilitum angbong nangdolo. Ilitum alangli dak-atur thek-long-lo. Labangso adak-atur ke Sopo po epumpet abang amethang a-Po pen kelong adak-atur asonthot-lo.

ROM ASOR ATUM APHAN POL KETOK ALOH 1:3

Labangso a-Birta Keme ke Arnam a-Sopo, e-Hemphu Jisu Khristo alamjirlo. Ok anat ke alangli inut David asulo,

ROM ASOR ATUM APHAN POL KETOK ALOH 15:3

Pima Khristota amethang aning kedok akam klemchotchelo. Bonta hastro kepu asonthotsi plang-lo, atheke la pulo, “Nangliphan kepinrem atum akepinrem an nephuthak klotang-lo.”

ROM ASOR ATUM APHAN POL KETOK ALOH 15:8

Pima neli nanglitum aphan thanlo, Arnam ke kekroi thirklong abang-lo pu kepaklangji, Arnam Jihudi atum aphusar atum aphan kechak alam kepachekokji,

ROM ASOR ATUM APHAN POL KETOK ALOH 8:3

Pima okke ajakong avedet apotsi Aron keklem un-e akam Arnamsi klemlo. Alangli methang a-Sopo aphan nangtoisi monit a-ot along kedo apap aphan aduk ahukum pilo. Alangli Sopo ke pap kepakak-i athok keplangjisi papi amonit a-arje ensi vang-lo.

2 KORINTH 13:4

Pima ajakong kave pensi alangliphan thengparpan athak pathilo chenam, bonta Arnam ajakong pen ajok non alangli reng-lo. Khristo pen chelangpetsi nelitumta jakong avelo. Bonta nelitum mo nanglitum along vangsi nanglitum aphan keklemji ahut nelitum la kereng-et a-Khristo pen jalangpetji, lasi nelitum la keklemji aphan Arnam ajakong longji.

2 KORINTH 8:9

Pima nanglitum e-Hemphu Jisu Khristo akangjinso chinilo. Alangli ke keplang-o abang-lo setta nanglitum pen apot keboidet abang cheplang-lo. Alangli methang akeboi pen ajok nanglitum keplang-oji aphansi alangli lapuson klemlo.

GALASIA 4:4

Bonta ahut nangchoksi Arnam amethang a-Sopo aphan nangtoilo. Alangli inut arloso pen amahang theksi inut arloso asopo ason vang-lo, lapen Jihudi Aron abersi dolo.

PHILIPI 2:6

Alangli ke Arnam asonthot-lo, setta Arnam pen chingbarchit keplang, lake kehung nangji akam puke mathathedet-lo.

IBRI 12:2

Ilitum aphan kekroi ekejalin lapen ilitum akekroi kepachok-lim abang Jisu aphan ili langding lonang. Alangli ke mo aphi kelongji aning arong pen apot thengparpan athak kethiji aphanta therakredet-lo, lapen nonke alangli Arnam anghoi ar-esi ingnilo.

IBRI 13:3

Nanglitumta hala phatek kejang atum along phatek jangdun rap rap-lo pule chemathara phatek kejang atum aphan mathaponnon, lapen hala anut kaprek atum keduk kesung kepho ke nanglitum methangsi keduk kesung kepholo pule mathara hala keduk kesung kepho atum aphan mathaponnon.

IBRI 4:15

Ilitum a-Kurusar Kethenei ke ilitum ake-chokche akelele apot ilitum aphan ekangjinso thekthedet abang kali. Alangli ke ilitum asonthak thak asat hei hei pholo; bonta alangli ke pap klemkledet-lo.