PHILIPI 2:6 - BAIBEL KANGTHIR (BSI)

⁶ Alangli ke Arnam asonthot-lo, setta Arnam pen chingbarchit keplang, lake kehung nangji akam puke mathathedet-lo.

PHILIPI 2:6 ပူးပေါင်းရင်းမြစ်များ

ISAIAH 7:14

Mesen lo, Hemphu amethangsi nangphan isi angthek nangpipo: Inut kangthir-et animsopi oso chopathepo lapen amen ‘Immanuel’ pu hangpo.

ISAIAH 8:8

Latum langthepi kevang asonsi angsong aphang chirungpo lapen asontin ta dip-phlirpo.” Arnam elong dolo! Alangli kechepur arveng det raipo.

ISAIAH 9:6

Sopo inut ephan mahang thektang lo! Sopo inut ephan epitang-lo! Lapen la epangri abang-lo. Alangliphan “Manghumeme Thanpare Bang,” “Nokbe Arnam,” “Dover Apo,” “Ningkangsam Arecho,” pusi hangpo.

JEREMIAH 23:6

Alang recho kecho Judah arat atum jokvanpo, lapen Israel arat atum ingsamjin pen dolongpo. Alangphan ‘Netum kejok ahemphu’ pusi irpo.”

MIKAH 5:2

Bonta nang, O Bethlehem Ephrathah, Judah aro angbong akebinei abang, nang pensi Israel atum inut kepangri a-Bang nephan vangpo la atiri ke phusar arni ahut pen.

ZEKARIAH 13:7

Thurnon, O nokjir, Ne biresak kevi atum abe thurnon, Ne dung karjap abang abe thurnon, pu muluk a-Hemphu-si kepulo. “Biresak kevi abangphan areng pasonon, anke biresak atum pratjampo; Ne bihek-hak atum abethurpo.

MATHIU 1:23

“Chini-iktha, ha nimsopi inut aso chopatheji, lapen asopo pirthe hacheji, lapen alangliphan Emmanuel pusi amen irji” (Atheke, Arnam etum along do).

JON KETOK ABIRTA KEME 1:18

Baduta Arnam aphan thek-longlepin-lang. Sopo po epumpet abang, atheke Arnam pen isipet lapen Po adung kedo abangsi Arnam paklang-lo.

JON KETOK ABIRTA KEME 10:30

Po lapen neli ke inutpet-lo.”

JON KETOK ABIRTA KEME 10:33

Halatum thakdunsi pulo, “Nangli kam keme keklem apot kali, bonta nangli Arnam aphan kepinrem apotsi nelitum nangliphan arlong pen nang-arbupo. Pima nanglike monitchot setta Arnam pusi chepulo.”

JON KETOK ABIRTA KEME 10:38

Bonta neli jongsi lahei hei klembomlo tangte neliphanle kroikre setta Po ke neli pen chelangpet lapen nelita Po pen chelangpet pu nanglitum kethek-longji lapen kechini pameji aphan nanglitum la neli keklem akam hei hei anke kroi nangji.”

JON KETOK ABIRTA KEME 14:28

Ne nangtum aphan otekangji, bonta ne nangtum along vangthuji pu ne nangtum aphan kepu alam nangtum arjulong-lo. Nangtumle nephan ne inghon asonte ne Po along damji pu apot ke nangtum aning arongji apot-lo, pima ne par alangli themulo.

JON KETOK ABIRTA KEME 14:9

Jisu thakdunsi pulo, “Philip, ne lapu-an arni keding nangtum along nangkedodun anta nangtum nephan nechininelangma? Nephan nekethek-long abang ke Po aphanta thek-long-lo. Tangte nang kopisi, ‘Netum aphan Po nepaklangtha,’ pu kepulangma?

JON KETOK ABIRTA KEME 17:5

Pirthe pinchongche ako nang nenong kepathe asonthot-le nonta nang nangmethang angno nenong pathenon Po!

JON KETOK ABIRTA KEME 20:28

Thomas thakdunsi pulo, “O ne Hemphu, lapen ne Arnam!”

JON KETOK ABIRTA KEME 5:18

Labangso alam apotsi Jihudi atum Jisu aphan kepathiji ansose chesik-lo. Pima alangli Sabbath arni kekroikre anchot kali, Arnam ke alangli methang a-Polo pusi pulo, lapen lasonsi alangli methangsi Arnam pen chepachingbar-lo.

JON KETOK ABIRTA KEME 5:23

Sopo aphan aman kepipe abang ke Sopo aphan nangketoi abang aphan, atheke Po aphanta aman pipe.

ROM ASOR ATUM APHAN POL KETOK ALOH 9:5

Halatum ke Jihudi atum aphusar atum aso asulo lapen monit aron penke Khristo ke halatum akhei amonit-lo. Arnam, la kadokave aphan kepangri abang ke kejut un-e akai apar akai anta kero karcho kelongver nangji abang-lo! Amen.

2 KORINTH 4:4

Halatum kroikre, pima labangso apirthe kehingno arnamsi halatum aning pangtingkuk-lo. Lasi halatum athak ketur-ang atur halatum thek-longlelo. Khristo alamjir a-Birta Keme pensi labangso atur vang-lo. La Khristo ke Arnam a-arje asonthot-lo.

2 KORINTH 8:9

Pima nanglitum e-Hemphu Jisu Khristo akangjinso chinilo. Alangli ke keplang-o abang-lo setta nanglitum pen apot keboidet abang cheplang-lo. Alangli methang akeboi pen ajok nanglitum keplang-oji aphansi alangli lapuson klemlo.

1 TIMOTHI 1:17

Kejut un-e akai anta kedover a-Recho, atheke kethi-un-epin, kethek-long un-e-det, la inutpet Arnam aman lapen adak-atur kejut un-e apar akai anta padonang! Amen.

1 TIMOTHI 3:16

Ilitum adhorom akepatu alam ke arsik-o, lake baduta kroikre un-e. Alangli monit a-arje ensi nangcheklang-lo, alangli ke dhoromi pusi karjong paklang-lo, lapen sining apherangke atum alangliphan thekdunlong-lo. Akaprek kaprek akhei atum angbong alangli lamjir pachethangdet-lo. pirthe adang alangliphan kroilo, lapen alangliphan sining angsong pondet-lo.

TAITAS 2:13

Ilitum ning kethedam ahirjume Arni, atheke ilitum akethepik Arnam lapen ekepajok abang, Jisu Khristo adak atur kecheklangji ahut aphan ilitum kechonghongphrong ahut ilitum lason a-ot pen kedojisi labangso akangjinso ethanlo.

IBRI 1:3

Alangli long Arnam aketurri adak atur klang-lo, lapen alangli ke Arnam asonthot-lo. Alangli amethang ajakong kethe alam pensi pirthe sining, kadokave asonta padobomlo. Monit atum apap hei hei kepakakji aphan pap kepakak akam keklem patangdetsi alangli sining athak kedo jakong kethenei Arnam ar-esi ingnilo.

IBRI 1:6

Bonta Arnam amethang a-Sopo aklengsi aphan pirthe athak nang ketoi ahut alangli pulo, “Sining apherangke atum an alangliphan ingduk ardomvek nangji.”

IBRI 1:8

Bonta Sopo alamjir Arnam kepu lapu helo, “Oh Arnam, nangkangni arecho anghoi ke kejut un-e akai apar akai anta doverji. Nang kepangri kepangdon-i achin ke dhoromipet achinlo.

IBRI 13:8

Jisu ke patumi, pini lapen kaiketa prekpresi dover.

KEPAKLANG 21:6

Lapen alangli neliphan pulo, “La plangtang-lo! Ne helo Alpha lapen Omega, Kecheng lapen Kejut. Neke lang kang-it abang aphan akejoisi chethe kangbop alang pipo.