PHILIPI 2:3 - BAIBEL KANGTHIR (BSI)

³ Nanglitum nang methang methang ale kelongji aphanchot, kalite kecheparoka penke thangta klemri, bonta chepabihek-ra nangli par bang memu pule mathanon.

PHILIPI 2:3 ပူးပေါင်းရင်းမြစ်များ

SARLAMTHE 13:10

Kecheparoka ke thangta ale ave, bonta sungchot. Bang keparetoiji aphan kechoningri abang remuchot-lo.

LUK KETOK ABIRTA KEME 18:14

Jisu puthulo, “Ne nangtum aphan nangpulang, la midu kerung abang aphan helo, lapen Pharisi abang aphan kali, hem kechevoi ahut ke Arnam angno dhoromi pusi lakha det-lo. Pima amethangsi kechepathe abang aphan pabihekji, lapen kechepabihek abangphutin aphan pathedetji.”

ROM ASOR ATUM APHAN POL KETOK ALOH 12:10

Khristo pen kechelangpet pen ajok nanglitum akorte hijan angbong kechinghon asonthot-le lahin lahin chinghon seroinon. Nangmethang aphan apar lahin lahin aphan aman pimunon.

ROM ASOR ATUM APHAN POL KETOK ALOH 13:13

Akejoijepi akecho kejun, kalite, hor kangri pen kali; beisa lapen ketherakmeme akam pen kali, kechebohong lapen kechelang un-e pen kali, bonta anerlo akethe-ang angbong kedo atum asonthak thak-le ilitum e-ot keme pen dolonang.

ROM ASOR ATUM APHAN POL KETOK ALOH 2:8

Bonta akaprek atum ke amethang alesi rilo lapen kehingno akam keklemji aphansi akeme akam aning dokdedet-lo; Arnam halatum aphan aning kethi pen ingsaiji.

1 KORINTH 15:9

Pima ketoitang atum angbong akebinei abang neli helo. Neli ke ketoitang abang pu amen kelongji a-otta ave, pima neli Arnam amondoli mate kroi-asong aphan chenek-lo.

1 KORINTH 3:3

Nanglitum non anta ok aphansi mathabomlang. Nanglitum angbong kechelang un-e lapen kechebohong do. La apotsi nanglitum ke ok aning kehang atengsi dobomlang, lapen Arnam aphan kechinine amonit atum asonthak thaksi klembomlang, kalima?

2 KORINTH 12:20

Mo neli nanglitum along kevangji ahut nanglitum aphan neli ning kehang asonthot nangthek longledetjibon, lapen nanglitumta neliphan nanglitum aning kehang asonthot nethek-longledetjibon pusi neli pherelo. Nanglitum angbong kechebohong lapen kechelangselet, aning kesedeng lapen amethang ale keri, kechesorsar lapen kechepasimu, ane kechepathe lapen kehurisei hei hei dojibon pusi neli pherelo.

GALASIA 5:15

Bonta nanglitum jongsi chekor seroi, checho seroi lote, cherenon, kalite nanglitum hijan chepavirdetna.

GALASIA 5:26

Ili chepindak nangnelo, kaita lahin lahin aphan bek nangnelo; lahin lahin aphan lang un-e nangnelo.

EPHESAS 4:2

Nanglitum kaiketa kechepabihek a-ot pen, asotdut a-ot pen lapen kechepaningding penle do non. Nanglitum lahin lahin aphan dengra nanglitum akanghon chepaklangnon.

EPHESAS 5:21

Nanglitum Khristo amahang langra lahin lahin alam chekroinon.

PHILIPI 2:14

Nanglitum klem aling setta pasimuturtedet pen lapen alam chehili-seisepin penle klemnon.

KOLOSA 3:12

Nanglitumke Arnam amonit atumlo; alangli nanglitum aphan nangchinghonlo, lapen amethang akam aphansi nang-ingvailo. Tangte nang-litum kanghon, kangjinso, kechepabi, asotdut, lapen ning keding a-ot chepindengnon.

KOLOSA 3:8

Bonta nonke nanglitum la kadokave pen, atheke ningkethi, ning kesedeng lapen bang aphan ning keso hei hei pen chepahelo non. Bang aphan anong kejothap, mate lamjuno nanglitum angho pen nangpabar longri.

1 TIMOTHI 6:4

alangli kechepindak pen aning kang-lo, lapen alangli thangta chinine. Alangli lam kechedanji lapen kechebohongji aphan kehingno aning kehang do. Labangso pen ajok kechelang un-e, kechebohong, kechepinrem, kechedinthap,

1 PITOR 3:8

Kejutsi, nanglitum kadokaveta isipet aning kematha do nangji, nangli-tum lahin lahin aphan chinghon nangji, kekroi akorte hijan angbong kechinghon seroi, ning keme lapen kechepabi aning do nangji.

1 PITOR 5:5

Lasonthak thaksi nanglitum arta kekom muchot atumta akesar atum alam kroinon. Nanglitum kechepabihek a-ot penle lahin lahin aphan ru-thainon. Atheke hastro pulo, “Ane kechepathe atum aphan Arnam khamkhedun, bonta kechepabihek atum aphan ke ingjinso.”