PHILIPI 2:1 - BAIBEL KANGTHIR (BSI)

¹ Nanglitum Khristo pen kechelang-pet pen ajok jongsi kedo kechepathirklongji ajakong long-lo, alangli akanghon jongsi nanglitum aning paplilo, nanglitum jongsi Karjong pen chelangpet-lo, lapen nanglitum jongsi lahin lahin kechejinso lapen kechematha seroi dolo tangte,

PHILIPI 2:1 ပူးပေါင်းရင်းမြစ်များ

LUN ALOHTHUI 133:1

La ko-an kemanghumeme, ko-an ningkangsam, pima Arnam arat atum kechingripet pen kedorap-rap!

ISAIAH 16:11

Ne Moab aphan ningduk pen lapen Kir Heres aphan ning-oi pen chiru lo.

LUK KETOK ABIRTA KEME 2:25

Lapen chini iktha halabangso ahut Simeon pu inut amonit dolo. Labangso abang ke dhoromi lapen Arnam aphan kangduk abang-lo. Alangli Israel akejok kethek-longji aphan inghongding-lo lapen Karjong Kangthir alangli phuthak dolo.

JON KETOK ABIRTA KEME 14:18

“Neke dam setta nangtum aphan jangre ason nangpinchongche. Ne nangtum along vangthuji.

JON KETOK ABIRTA KEME 14:27

“Ne nangtum aphan ning kangsam nangpitekang-lo. Ne nemethang aning kangsamsi nangtum aphan nangpite-kang-lo. Pirthe nangkepi asonthot-le ne nangkepi kali. Nangtum aning aduk chepadori lapen phereri.

JON KETOK ABIRTA KEME 17:13

Nonke ne nang long chevangpo. Ne ning ke-arong asonthot halatumta aning arong keplengsetji aphan ne pirthe athak lahei hei alam thanlo.

AKAM 2:46

Halatum adon adon chingrumsi aning arong pen lapen aning keme pen Arnam aphan kero pisi him beng-lo, lapen an chorap rap-lo.

AKAM 4:32

Kekroitang atum aning angthin isipet-lo. Baduta amethang amar aphan nemar pu chepupedetsi halatum do-an amarta enrap rap-lo.

ROM ASOR ATUM APHAN POL KETOK ALOH 5:5

Labangso aning kethe ilitum aphan ning epabibe, pima Karjong Kangthir pen ajok Arnam amethang akanghon ilitum aning arlo dungtang-lo. La Karjong Kangthir ke Arnam ekepi adanlo.

ROM ASOR ATUM APHAN POL KETOK ALOH 8:26

Lasonthak thaksi Karjongta ili la jakong kave atum aphan erapdunlo. Pima ilitum kopusonsi ardom nangjima, lake ilitum chinine; bonta elamthe pen kepachinidak un-e akar-em pen Karjong amethangsi ilitum aphan Arnam angno echoningripi-bomlo.

1 KORINTH 12:13

Lasonthotsi Jihudi atum tame, kalite Jihudi kalidet atum tame, ban atum tame, kalite ban kalidet atum settame; ilitum kadokaveta isipet abang arpum keplangjisi ilitum aphan inutpet a-Karjong pensi baptisom epilo. Lapen ilitum kadokave kejunji aphan inutvet a-Karjong epitang-lo.

1 KORINTH 15:31

Kortemarli atum, neli arnivangta bang arideng kethi nangji, lason akepherememe do. E-Hemphu Jisu Khristo pen ilitum kechelangpet pen ajok neli nanglitum pen apot kechepindakji ason do apotsi neli labangso alam paklang-lo.

1 KORINTH 3:16

Arnam aphan kardom-kangduk adim, kardom ahem kangthir ke nang-litum helo, lapen Arnam a-Karjong nanglitum along do, pu nanglitum chini binong-lo, kalima?

2 KORINTH 13:14

Hemphu Jisu Khristo akangjinso, Arnam akanghon, lapen Karjong Kangthir pen akechingrum nanglitum kadokave along padonang.

2 KORINTH 2:14

Bonta ilitum Arnam aphan choro lonang! Pima nelitum Khristo pen kechelangpet pen ajok Arnam nelitum aphan Khristo kehai a-armu kechejeng along koidi atum aphan kepon ason thak-thaksi nelitum aphan kaiketa neponlo. Lapen nelitum pen ajok, kenemprujin angnim ason thak-thaksi Khristo alamjir bithe bitha adim pachethang-lo.

GALASIA 4:6

Nanglitumke Arnam asopo atumlo pu keklangdakji aphansi Arnam ke amethang a-Sopo a-Karjong aphan nanglitum aning arlo nangtoilo. Labangso a-Karjong ke. “O Po,” pusi hang-lo.

GALASIA 5:22

Bonta Karjong athe ke la helo: kanghon, ning arong, ning kangsam, ning keding, ning keme, keme a-ot, kekroi thirklong atheng,

EPHESAS 4:4

Ilitum aning kethedam ason isinat. La isinat aning kethe kedoji aphansi Arnam nangphalo. Ning kethedam ason isinat asonthotsi bang arpumta isinat lapen Karjongta isinat.

PHILIPI 1:8

Jisu Khristo akechinghon asonsi neli nanglitum kadokave aphan ko-an chinghon loma, lake Arnam neli hakilo.

PHILIPI 3:3

Ahok areng-rot ke-en atum ke ilitum helo, halatum kali, pima ilitumke Arnam a-Karjong pensi Arnam aphan ingduk-ardomlo, lapen Khristo Jisu pen chelangpetsi chehok-lo. La athak keklemphrui aron-atang akam aphan ke ilitum chikikelo.

KOLOSA 2:2

Halatum lahin lahin kechinghon pen kedorappet thekji, aning kerungsetji lapen ningtheklong akhi an kechini thekji aphansi neli lason klemlo. Lapusonsi halatum Arnam kedipjoi alam chiniji, atheke Khristo aphan chiniji.

KOLOSA 3:12

Nanglitumke Arnam amonit atumlo; alangli nanglitum aphan nangchinghonlo, lapen amethang akam aphansi nang-ingvailo. Tangte nang-litum kanghon, kangjinso, kechepabi, asotdut, lapen ning keding a-ot chepindengnon.

IBRI 6:18

Tangte la sonni kelar un-e alam do, lapen Arnam labangso alam ke chobei un-e. Lasi ili, Arnam along kechepachongdam atum ke, alangli ilitum aphan ning ekepathe ason kelongji aphan ning kechetheklongji ajakong long-lo.

1 PITOR 1:2

Nanglitum Jisu Khristo ahukum kekroiji lapen alangli vi pen ajok kangthir-etjisi Po Arnam aphrang pen aning kehang asonthotsi nanglitum aphan nang ingvailo lapen amethang a-Karjong pen nanglitum aphan kangthir amonit nang paplang-lo. Nanglitum along kanghon lapen ning kangsam pa-onglethotnang.

1 JON 3:24

Arnam ahukum kekroi abang aling ke Arnam pen chelangpetsi do lapen Arnam alangli pen chelangpetsi dolo. Arnam ilitum pen chelangpetsi dolo pu ilitum Arnam ekepi a-Karjong pen ajok chini.

1 JON 4:12

Baduta Arnam aphan thek-longle-pinlang, bonta ilitumle lahin lahin chinghon lote Arnam ilitum pen chelangpetsi dolo, lapen ilitum aning arlo alangli kanghon chok-limlo.

1 JON 4:16

Lasi Arnam ilitum aphan ekanghon do pu ilitum chini lapen kroi. Arnam ke kanghon, lapen kanghon angbong kedo abang aling ke Arnam pen chelangpetsi do lapen Arnam alangli pen chelangpetsi dolo.