PHILIPI 1:9 - BAIBEL KANGTHIR (BSI)

⁹ Kopi alam meneima, la kangvai pame thekji aphan nanglitum akechini lapen akangvai pamethek ajakong pen pen nanglitum akanghon patheponbomnang pusi neli Arnam ardomverlo.

PHILIPI 1:9 ပူးပေါင်းရင်းမြစ်များ

JOB ALOH 17:9

Man kedo pu kechepu atum ke halatum kengset pu chechini lo.

LUN ALOHTHUI 119:66

Nephan bidi lapen gian nepitha, pima nang hukum-heihei ne chikilo.

SARLAMTHE 4:18

Dhoromi kedam atovar ke arni kevang ason, the-ang dangdetik nangklarbom, nangklarbompo.

1 KORINTH 14:20

Korte marli atum, nanglitum aning kematha osomar atum ason cheplangri. Kehingno akam anat ke nanglitum osomar atum asonle cheplangnon, bonta ning kematha anat ke nanglitum arta kedo pame atum asonle cheplangnon.

2 KORINTH 8:7

Kadokave asonta, atheke kekroi, lam keningje, gian, nanglitum kerapji aning kehang-e lapen nelitum aphan nanglitum akanghon nanglitum anut kaprek atum apar litmulo. Lasonthotsi la kangjinso akam keklem anatta nanglitum anut kaprek atum apar kelitjisi nelitum ning hang-lo.

EPHESAS 5:17

Nanglitum chepaluri, bonta Hemphu aning kehang kopima, la kechinijile bor-inon.

KOLOSA 1:9

La apotsi nanglitum alam karjulong pen amat nelitum nanglitum aphan Arnam nang ardompiverlo. Karjong nanglitum aphan nangkepi agian lapen kechinithek ajakong an pen nanglitum Arnam aning kehang alam kechinithekji aphansi nelitum Arnam nang ardom pilo.

KOLOSA 3:10

Nanglitum Arnam aphan kechini pamethekji aphan kepinchong abang, atheke Arnam labangso a-ot kemi pamithuponbomsi amethang a-arje ason paplangponbomlo.

1 THESALONIKA 3:12

Nelitum nanglitum aphan keching-hon asonthot nanglitum lahin lahin aphan lapen kadokave amonit aphan kechinghon muchot thekjile Hemphu nanglitum akanghon pa-ong muchot muchotbomnang.

1 THESALONIKA 4:1

Kejutsi korte marli atum, Arnam aning nangkepadokji aphan nanglitum kopusonsi do-thak nangjima, lake nanglitum nelitum pen charlitang-lo. Lapen ahok-lo, nanglitum lasonsi do-thakbomlo.

2 THESALONIKA 1:3

Nelitum akorte marli atum, nang-litum pen apot nelitum kaiketa Arnam aphan kero pivek nangji. Nelitum lapuson keklem ke kechokpame akamlo, pima nanglitum akekroi themuchot muchot bomlo, lapen nanglitum anut kaprek atum aphan akanghon themuchot muchotbomlo.

PHILEMON 1:6

Nangli methang akekroi alam nangli kechethan pen ajok, ilitum Khristo pen kechelangpet pen kelong ahirjume an alam kepachinipame thekji aphansi neli Arnam ardomlo.

IBRI 5:14

An kangtang ke arta kedo, atheke abe kechinghoi pen ajok keme kehingno kepharthek atum aphanlo.

1 PITOR 1:22

Nonke nanglitum ahok aphan kekroi pen ajok nanglitum akarjong aphan pangthirtang-lo, lapen nanglitum kekroi hijan aphan ahok akanghon dotang-lo. Nanglitum ning aklong pen lahin lahin chinghon seroinon.

2 PITOR 3:18

Bonta e-Hemphu lapen ekepajok abang, Jisu Khristo akangjinso pen lapen alangliphan akechini penle nanglitum theponbomnon. Non lapen kejut un-e akai apar akai anta alangli dak atur pathenang! Amen.