MATHIU 8:3 - BAIBEL KANGTHIR (BSI)

³ Lapen ari che-ensi alangli bang otsi pulo. “Ne ning hang-lo, ingthirnon.” Lapen hala mamat alangli ingthir-et-lo.

MATHIU 8:3 ပူးပေါင်းရင်းမြစ်များ

KECHENG 1:3

Lapen Arnam pulo, “kethe-ang padonang;” lapen the-angdang-lo.

2 RECHO 5:11

Bonta aningthihaksi damjuilo lapen pulo, “Ne mathalo la nangbarsi nelong vangpo, lapen a-Arnam Hemphu aphan ardompo, lapen keso amek along aribatsi nepamepo!

2 RECHO 5:14

Lasi Naaman Jordan sundamsi Elisha kepu ateng batai throksi lang arlo parbip-lo lapen la akeso medet-lo. La areng oso areng asonsi mesen lapen lengbong-lo.

LUN ALOHTHUI 33:9

La ningjelo lapen, pirthe plangtang-lo; la ahukum pen asontin nangklangtang-lo.

KEBAR 4:7

Anke Hemphu pulo, “Nangri puthot nangchoi arlo chebithunon.” Alangli la klemlo, lapen alangli la ingtan kechepon aphong ahut ke, la mesenlo, alangli bang akaprek areng asonthot-lo.

MATHIU 12:13

Ansi alangli halabangso abang aphan pulo, “Nangri chephajeng non.” Alangli ari chephajeng-lo, lapen la ahong kaprek ason thakthak methulo.

MARK 1:41

Jisu alangliphan ingjinsolo, lasi alangli ari chirungsi abang ot-lo, lapen pulo, “Nening hang-lo, ingthirnon.”

MARK 4:39

Jisu amek prangsi thurlo, lapen tomon aphan ingchek-lo, lapen talo aphan pulo, “Dojoinon, huriri!” Anke tomon hamsi ingsamklip-lo.

MARK 5:41

Alangli halabangso a-osopi ari otsi pulo. “Talitha Kum!” Labangso alam atheke “Ne nangphan pulo, kaso, thurnon!” puhelo.

MARK 7:34

Jisu sining anat langdingsi ar-emlo, lapen halabangso amonit aphan pulo, “Ephphatha.” Labangso alam atheke, “Chingpunon,” puhelo.

MARK 9:25

Bonta armu atum kekat pen alanglinat kevangbom thek-longsi Jisu hala kangthirthe ahi-i aphan ingcheksi pulo, “O alam kave lapen ano kangthong ahi-i, ne nangphan hukum pilo, nang labangso a-oso pen nangbarnon lapen labangso a-oso along non pen apara lutdamthuri non.”

LUK KETOK ABIRTA KEME 4:27

Lapen Elijah ahut Israel adet si-i akeso kelong atum do-o, bonta Siria adet kedo Naman aphan apar ke badu aphanta pangthirthedet-lo.”

LUK KETOK ABIRTA KEME 5:13

Lapen ari chephajengsi lapen abang otsi alangli pulo, “Ne ning hang-lo, ingthirnon.” Lapen hala mamat si-i alangli bang along avedet-lo.

LUK KETOK ABIRTA KEME 7:14

Anke alangli damsi kethitang abang arpum kepon-i araptap paphodamlo, lapen hala kecharchongpon atum chingtonkok-lo. Ansi Jisu pulo, “O riso, ne nangphan nangpulo, nangmek prangnon.”

JON KETOK ABIRTA KEME 11:43

Labangso alam pudet aphi alangli ase kethe pen hangsi pulo, “Lazarus, ingtan nangbarnon!”

JON KETOK ABIRTA KEME 15:24

Nele baduta keklemkle pinlang akam halatum angbong klemkledet asonte halatum apap adai avedetji apot-lo. Bonta nonke halatum ne keklem akam nangthekdun long-lo, lapen halatum nephan lapen ne-Po aphanta langremlo.

JON KETOK ABIRTA KEME 5:21

Po-le kethitang aphan pathursi chethe kepi asonthotsi Sopota amethang aning kehang aling aphansi chethe pi.