MATHIU 5:3 - BAIBEL KANGTHIR (BSI)

³ “Akarjongsi keduk atum rengme, pima sining a-Rat halatum arat lo!

MATHIU 5:3 ပူးပေါင်းရင်းမြစ်များ

2 PHURKIMO 33:12

La sungsi chepabihek-lo, la a-Arnam Hemphu anat chetevarlo, lapen akerap chohang-lo.

2 PHURKIMO 33:19

Recho akardom lapen la aphuthak Arnam kethak, lapen la aning kecheruire aphrang la keklem apap lapen kehung akam-heihei karchotap adim-heihei lapen la keselam arnampi Asherah akumlin-heihei lapen la karcho akumlin-heihei montri atum aphurkimo along tok-et-lo.

2 PHURKIMO 33:23

Bonta apo ason kalisi la chepabibedet-lo, lapen Hemphu anat pangnonedet-lo; la apo an sose pap klemlo.

2 PHURKIMO 34:27

lapen nangning chiruilo, lapen Ne ingno chepabihek-lo, nang pe-ri chingsek-lo, lapen Ne kosonsi Jerusalem lapen la arat aphan aduk kepiji pu kether nang arjulong-lo,

2 PHURKIMO 7:14

jongsi halatum Nephan ardomra chepabihek-lote, anke Ne sining pen halatum aphan arjupo, lapen apap-heihei diyapo, lapen halatum adet pachingthur-thupo.

JOB ALOH 42:6

Lasi ne kepu alam an ne chetherak lo, lapen longle-aduk, thek-lo-heihei pensi nening chiruilo.

LUN ALOHTHUI 1:1

Kehingno atum kepare alam kedengdepin, Papi atum arjan ke-en dundepin; Mate Arnam aphan ale kavepin atum along chelang dundepin, abang rengme.

LUN ALOHTHUI 112:1

Hemphu aphan ronon! Hemphu aphan man kepi abang, Lapen alangli ahukum-heihei along aning cheparong abang rengme.

LUN ALOHTHUI 128:1

Hemphu aphan kekroi atum, lapen alang hukum-heihei pen kedo atum rengme.

LUN ALOHTHUI 146:5

Kerap a-Bang Jakob a-Arnam aphan kelong abang,

LUN ALOHTHUI 2:12

La angno klemhur pen ardomnon, kalite la aning thidap-prangsi nang menmen thinangkokpo. La along kechepachongji aphan kedam atum an rengme.

LUN ALOHTHUI 34:18

Aningkerun atum adungsi Hemphu dolo; kadokave aningkethe kavedet atum aphan la pajok-lo.

LUN ALOHTHUI 41:1

Keduk atum aphan kematha abang rengme; latum kesung ahut Hemphu rapdun.

LUN ALOHTHUI 51:17

Ne athok ke kechepabihelo, O Arnam, kechepabi lapen ning kecherui aning nang dengmome.

LUN ALOHTHUI 84:12

Jakongkethe Hemphu, nangphan kechiki atum ko-an akeme!

SARLAMTHE 16:19

Inut cheparoka lapen kethitang amar kecho endun apar mute chepabihek pen dukvok kedo memu.

SARLAMTHE 29:23

Monit ane laphan pasunpo, bonta badutame asotdut abang aman longji.

SARLAMTHE 8:32

“Non, riso abang, nelam arjutha. Nekepu ateng klemnon, nang rengmepo.

ISAIAH 30:18

La an seta Hemphu ke nangtum aphan kangjinsojisi inghongdinglang. Alangli nangtum aphan aning duk pik pima alangli kopisi kechokpetma, lasi keklem. Hemphu aphan kechiki atum rengme.

ISAIAH 57:15

Ne helo Kangtuinei lapen Kangthir Arnam, kaike kedover abang. Ne Kangtui lapen Kangthir adimsi kedo, bonta ne ke chepabihek lapen ningkecherui arat ajosi kedo, anke ne halatum aningkethi pathithupo.

ISAIAH 61:1

Muluk a-Hemphu alangli karjong nepaplengset lo. Keduk aphan birta keme kevanjisi lapen Ningkangjir kepamejisi, Ban kelo pachethangjisi lapen kebeng amonit aphan kephlokjisi Alangli nephan ingvailo lapen netoilo.

ISAIAH 66:2

Sining pirthe nesi pinchong-lo! Kechepabihek lapen nephan phere pen kekroira ning kecherui abangphan nening dok-o.”

MIKAH 6:8

Kopisi keme, Alangli nangphan paklang-lo, O monit, lapen Hemphu pisi nang pen kehang-lo; bonta ahok akangsai akam, lapen kangjinso aphan inghonnon, lapen nang Arnam pen chepabihek-ra kengkam chejornon.”

MATHIU 11:25

Halabangso ahut Jisu pulo, “Ne nangphan chorolo Po, sining lapen pirthe a-Hemphu, atheke nang lahei hei giani lapen abidi kedo atum angno pen patu tang-lo lapen oso thi-i atum aphan paklang-lo,

MATHIU 11:6

Lapen nephan kekhamkhekhe abang rengme.”

MATHIU 13:16

“Bonta nangtum ke nangkopai keme atumlo! Pima nangtum ke nang-mek pen thek-long-lo, lapen nangtum ano pen arjulong-lo.

MATHIU 19:14

Lasi Jisu pulo, “Osomar atum nedung pavang longnon, latum aphan khangri, pima sining arat ke lapuson thakthak atum arat-lo.”

MATHIU 24:46

Ahemphu kevang ahut jongsi ahemphu labangso abang aphan lapuson keklembom thek long-lote, labangso aban abang ko-an akerengme!

MATHIU 25:34

Anke Recho alangli ar-e anat kedo atum aphan pupo, ‘Vangnon, ne-Po ahirjume kelong atum, pirthe kepinchong ahut pen nangtum aphan nang kesikpi arat chepahemphu non;

MATHIU 3:2

“Nangtum aning chiruinon, pima sining arat tebok-het-lo.”

MATHIU 8:11

Lapen ne nangtum aphan nangpulang, ake-ongpi atum nihang lapen nichi anat pen vangsi, sining aratsi Abraham, Isaak lapen Jakob atum pen chojun rap rapji;

MARK 10:14

Jisu la thek-longsi aning thi-lo, lapen halatum aphan pulo, “Osomar atum aphan nedung pavanglongnon; latum aphan khangri. Pima Arnam a-Rat ke lapuson atum arat-lo.

LUK KETOK ABIRTA KEME 11:28

Bonta Jisu thak-lo, “La putame, tebonta Arnam alam karju lapen kekroi atumsi rengme!”

LUK KETOK ABIRTA KEME 18:14

Jisu puthulo, “Ne nangtum aphan nangpulang, la midu kerung abang aphan helo, lapen Pharisi abang aphan kali, hem kechevoi ahut ke Arnam angno dhoromi pusi lakha det-lo. Pima amethangsi kechepathe abang aphan pabihekji, lapen kechepabihek abangphutin aphan pathedetji.”

LUK KETOK ABIRTA KEME 22:29

lapen ne-Po nephan isi a-Rat ne kepi ason thak-thaksi neta nangtum aphan nangpipo,

LUK KETOK ABIRTA KEME 22:30

atheke, nangtum ne Rat angbong kecholongji lapen kejun longji aphan, lapen Israel kur krehini aphan kangsaijisi nangtum recho anghoi athak ingniji.

LUK KETOK ABIRTA KEME 4:18

“Hemphu a-Karjong ne phuthak do, pima ne keduk kelak atum aphan birta keme kepachethangjisi alangli nephuthak jangthu patip-lo; phatek kebengkoi atum aphan kelophlot-ra keselok atum aphan kepachecharthujisi birta kethanji; bang aduk kanghoi kechechak atum aphan kepajokji;

JON KETOK ABIRTA KEME 20:29

Jisu alangliphan pulo, “Nephan nekethek-long apotsi nang nephan nekekroima? Bonta kethek-longlepin pen kekroi abangsi rengme!”

KETHAN 8:2

Nang Arnam Hemphu kosonsi la ningkan phlikep kejejangtang ajo soding nangkeja loma chemathatha, nangtum aporman ke-en jisi kesung nangtoilo, anke nangtum kopisi keklemji ningkehangma lapen Alangli ahukum-heihei kroithekpoma Alangli chinipo.

JEMS 1:10

lapen keplang-o abang aphan Arnam kepaboi ahut alangli pachehoknang, pima bap angphar asonthak thaksi alangli kedo arni dingdedetji.

JEMS 1:12

Asat pho setta kekroi kechepathirthip abang rengme. Pima asat chechak undet-lote Arnam aphan kanghon atum aphan Arnam piji pu kechaktang achethe avaikang alangli longji.

JEMS 2:5

Kechinghon akorte marli atum, arjutha! Labangso apirthe athak keboidet atum kekroi anat ke keplang-oji lapen Arnam aphan kanghon atum an aphan piji pu Arnam kechaktang a-Rat kechepahemphudun longji aphansi Arnam la keboidet atum aphan ingvailo, kalima?

KEPAKLANG 19:9

Ansi pherangke neliphan pulo, “Toknon: Biresak a-So aphan piso kepangri akecho-kejun amei along kephatang atum rengme!” Lapen pherangke puthulo, “Lahei hei ke Arnam ahok alamlo.”

KEPAKLANG 22:14

Chethe athengpi athe kecho longji lapen anghap pen rongsopi kelut longji aphan amethang methang achoi keding kechechok abang rengme.

KEPAKLANG 3:17

Nangli pulo, ‘Neli plang-o lapen neli kenangji ason an neli long do; neli kedorde ason thangta ave.’ Bonta nangli ko-an akeduk loma, ko-an akangjinsomeme abang-loma, lake nangli chechininelo! Nanglike keboidet, reng-angse lapen mek kave abang-lo.