MATHIU 3:7 - BAIBEL KANGTHIR (BSI)

⁷ Bonta Pharisi lapen Saduki ake-ongpi atum baptisom ke-enji aphan alangli dung kevang thek longsi Jon halatum aphan pulo, “O pherui akhei, kevangji dokdok Arnam aning kethi pen kekatji aphan matsi nangtum aphan nangpareloma?

MATHIU 3:7 ပူးပေါင်းရင်းမြစ်များ

KECHENG 3:15

Nang lapen arloso angbong, nangsomar lapen bangpi asomar angbong hotur pacheplangpo; la nangphu pangje po, lapen nang la akengti pangjepo.”

SARLAMTHE 28:4

Aron ke-o abang kehingno abang-phan rolo, bonta aron kerim abang halahei abe thurverlo.

ISAIAH 59:5

Nangtum kehingno akemang akamheihei ke ruiphe ati ason abi kedo, ati panghang lote pherui si nangbarpo!

JEREMIAH 51:6

Bebilon pen katnon! Chepajokjile katnon! Bebilon apap pen ajok chepathi longri. Non Ne alar huilo, lapen la kepho nangji ateng adukpilo.

JEREMIAH 6:10

Neli thak-lo, “Neli latum aphan than seta, lapen pachere seta komatsi ne lam arjujima? Latum bang alam arjuje lapen Nang lam ta arjumolo; Nang kephar kepaningjetoi alam latum ingnekchoilo.

MATHIU 12:24

Bonta Pharisi atum la arju longsi pulo, “Hi-i atum arecho, Beelzebul pen ajoksi labangso abang hi-i atum aphan phlung-lo.”

MATHIU 12:34

O pherui akhei! Nangtum hingnodak-le kopusi akeme alam ningje thekpoma? Pima nangtum aning arlo kedo tang alamsi nangtum angho pen ningjelo.

MATHIU 15:12

Ansi asangho atum alangli long vangsi alangliphan pulo, “Nang labangso alam kepu apot Pharisi atum aning oihurlo, lake nang chiniloma?”

MATHIU 16:1

Pharisi lapen Saduki atum Jisu along vang-lo. Latum Jisu aphan asat kelangjisi sining pen angthek kepaklangji aphan choningrilo.

MATHIU 16:6

Jisu latum aphan pulo, “Pharisi lapen Saduki atum athap aphan lang pamera cherenon.”

MATHIU 22:15

Ansi Pharisi atum damsi Jisu amethang keningje alam pen apot alangliphan adai kenepji abidi rilo.

MATHIU 22:23

Halabangso arni mamat Saduki atum alanglilong vang-lo, lapen kethitang atum thurthuthe pusi latum pulo. Lapen latum alangliphan arjusi pulo,

MATHIU 22:34

Jisu Saduki atum aphan padoklip-lo pu Pharisi atum arjulongsi latum chingrumpet-lo.

MATHIU 23:33

Pherui atum, lapen pherui asomar atum! Chom arlo nangkepavarji ahukum pen nanglitum kopusonsi jokthekjima?

MATHIU 5:20

Lasi ne nangtum aphan nangpulang, aron thekser lapen Pharisi atum apar nangtum adhoromipet akam lit munak nete nangtum jonghe setta sining arat lutdun longledetji.

MARK 12:13

Jisu aphan adai kenepjisi alang-liphan kopinene alam keparjuji aphan alangli long manene a-Pharisi lapen Herod abe manene atum aphan toilo.

MARK 12:18

Ansi Saduki atum Jisu along vang-lo. Halatum ke kethitang atum thurthe pusi pulo. Halatum alangliphan eson alam arjusi pulo,

MARK 8:15

Jisu halatum aphan pacheretoisi pulo, “Pharisi atum athap lapen Herod athap aphan langpamera cherenon.”

LUK KETOK ABIRTA KEME 16:14

Pharisi atum la arjulongsi Jisu aphan meng-lo, pima halatum ke tangka chinghon-o.

LUK KETOK ABIRTA KEME 18:11

“Pharisi achar arjapthersi ame-thang aphan chardom pilo, ‘O Arnam, neke bang atum ason thakthak, bang amar kethi, kechobei, mate beisa keklem abang kali apotsi ne nangphan nangchorolo. Ne nangphan nang-chorolo atheke, neke labangso amidu kerung abang asonta kali.

LUK KETOK ABIRTA KEME 7:30

Bonta Pharisi atum lapen aron thekser atum ke Arnam kethikpitang, Arnam aning kehang ason dengdedet-lo, lapen Jon arideng pen baptisom ke-enji molo.

JON KETOK ABIRTA KEME 1:24

Ansi hala Pharisi atum nangketoi atum,

JON KETOK ABIRTA KEME 8:44

Nanglitumke nanglitum apo, Hi-i Sarpo asomarlo, lapen nanglitum apo aning kehang akam keklemjisi nanglitum ning hang-lo, kechengsi ahut penta alangli ke pran ke-en abang-lo, lapen ahok penke alangli thangta klemkle, pima alangli ning arlo ahok ave. Alangli kechobei alam keningje ke amethang a-ot binong pensi keningjelo, pima alangli ke kechobei abang-lo. Lapen alangli ke kechobei an apolo.

JON KETOK ABIRTA KEME 9:40

La hei hei alangli kepu alam hadak alangli long kedo manene a-Pharisi atum arjulongsi alangliphan pulo, “Tangte nelitumta amek kave atumloma?”

AKAM 15:5

Bonta Pharisi abe atum angbong pen kekroitang penang atum thursi pulo, “Jihudi kalidet atum aphan reng-rot pivek nangji, lapen halatum Moses Aron kroinangji pura hukum pi nangji.”

AKAM 20:31

Tangte nanglitum cherenon! Nanglitum chemathanon, neli ningkan kethom anta arnivang ajo-anerlota mekri mek-lang pen nanglitum aphan than pacheretoilo.

AKAM 26:5

Neli ke aphrang ahut penta Pharisilo, atheke nelitum adhorom angbong aron kepasonei abe amonit-lo, lapen Pharisi amonit asonthotsi do-thak-lo pu halatum aphrang penta chinilo. Halatum jongsi aning hangte labangso alam ahaki nangcho dun un.

AKAM 5:17

Ansi Kurusar Kethenei ari asangho atum, atheke Saduki abe atum ketoitang atum aphan jasemet lang un-elo;

ROM ASOR ATUM APHAN POL KETOK ALOH 1:18

Monit atum apap lapen ake-hingno akamsi Arnam ahok alamjir akepachinidakji aphan khangthipsi la pachinidak un-edet-lo. Lasi halatum apap lapen akehingno akam apot sining angsong pen Arnam aning kethi halatum aphuthak klolo.

ROM ASOR ATUM APHAN POL KETOK ALOH 5:9

Alangli vi pen ajok Arnam ilitum aphan nonke dhoromi pu elakhalo; la aparta alangli ilitum aphan Arnam aning kethi pen epajokji.

1 THESALONIKA 1:10

lapen Arnam a-Sopo Jisu sining pen kevangthuji aphan inghongphrong-lo pu alamta latum nelitum aphan thanlo. Arnam labangso a-Jisu aphan kethitang atum angbong pen pathurtang-lo, lapen labangso a-Jisu helo ilitum aphan mo kevangji Arnam aning kethi pen ekepajokji abang-lo.

IBRI 11:7

Kekroi pen ajoksi Noahta thek-longle setta mo aphi keplangji alamjir Arnam kepacheretoi alam arjulo, lapen kephere pen Arnam alam kroisi amethang lapen ahem asangho atum aphan kepajokji aphan telongpi ehum kimlo. Labangso pen ajok alangli pirthe aphan ado padolo; lapen akekroi kedo apot Noah aphan dhoromi pusi lakhalo.

IBRI 6:18

Tangte la sonni kelar un-e alam do, lapen Arnam labangso alam ke chobei un-e. Lasi ili, Arnam along kechepachongdam atum ke, alangli ilitum aphan ning ekepathe ason kelongji aphan ning kechetheklongji ajakong long-lo.

1 JON 3:10

Lapusonsi, komat mat atumsi Arnam asomarma, lapen komat mat atumsi Hi-i Sarpo asomarma, ilitum chini un. Akeme akam keklemkle, mate akorte aphan kechinghonhe abang ke Arnam aso kali.