MATHIU 24:3 - BAIBEL KANGTHIR (BSI)

³ Jisu Oliv anglong athak kangni ahut asangho atum alangli long vangjoisi pulo, “Netum aphan nethantha, lahei hei komantu plangjima? Lapen nang kevangthuji lapen labangso akai kejut angthek kopima?”

MATHIU 24:3 ပူးပေါင်းရင်းမြစ်များ

MATHIU 13:36

Jisu armu atum pen chekakdet aphi alangli hem arlo lutdamlo, lapen asangho atum alangli long vangsi pulo, “Rit anonpelar alamlir alam athe netum aphan nethan pametha.”

MATHIU 13:49

Lasonthotsi labangso akai akejut plangji. Sining apherangke atum vangji lapen dhoromi atum angbong pen kehingno atum aphan paprekji,

MATHIU 15:12

Ansi asangho atum alangli long vangsi alangliphan pulo, “Nang labangso alam kepu apot Pharisi atum aning oihurlo, lake nang chiniloma?”

MATHIU 16:27

Pima Monit a-Sopo amethang a-Po adak atur lapen ame-thang apherangke atum pen vangji dokdok-lo, lapen halabangso ahut alangli anut-tin aphan amethang akam atengsi anam piji.

MATHIU 16:28

Chenamsi ne nangtum aphan nangpulang, ladak karjapphrong atum angbong manene atum Monit a-Sopo amethang arat pen kevang thek longle tik ke thithejilang.”

MATHIU 17:19

Ansi asangho atum Jisu along vangjoisi pulo, “Kopi apotsi netum la phlung un-edet-loma?”

MATHIU 21:1

Jisu lapen asangho atum Jerusalem leji dokdok ahut Oliv anglong arei kedo Bethphage arong vang-lo. Ansi Jisu asangho bang hini atum aphan toisi pulo,

MATHIU 24:27

Pima sining kebirlak-le nihang anat klangsi nichi anatta kelengphit asonthot, lason thak-thaksi Monit a-Sopo kevangta plangji.

MATHIU 24:30

Monit a-Sopo angthek sining athak klangji, lapen pirthe athak monit akhei an chiru chernapji, lapen Monit a-Sopo aphan ajakong lapen adak atur pen inghun athak kevang thek-longji.

MATHIU 24:37

Pima Noah arni ahut asonthot, lason thak-thaksi Monit a-Sopo kevang ahut plangji.

MATHIU 24:39

lapen langthepi vangsi halatum do-an aphan kepondet ahut anta halatum kechinine asonthot; lason thak-thaksi Monit a-Sopo kevang ahut ta plangji.

MATHIU 24:43

Bonta kechonghu abang kolobangso apor vangji, lale hem ahemphu chini asonte, alangli inghong-dingsi hem nangpalut longledetji apot-lo, lale chininon.

MATHIU 28:20

lapen Ne nangtum aphan nangkethan alam kedo-an kepakroijile halatum aphan than petnon; lapen chininon, Ne nangtum along labangso apirthe kejut anta nangdo dunverji.”

LUK KETOK ABIRTA KEME 21:7

Halatum alangliphan arjulo, “Thanbang la komantu plangjima? lapen la plangji dokdok ahut pi pi cheplangjima?”

AKAM 1:7

Jisu halatum aphan pulo, “Labangso ahut lapen apor ke ne-Posi pathik-lo, lapen lake nangtum chini longle.

IBRI 9:26

Lapu kali asonte pirthe kepinchong ahut pen alangli abatai batai kesung chechak nangkokji apot-lo. Bonta non la kadokave akai kejutji dok dok ahut alangli amethang mamat athok cheplangsi athok kethok pen ajok pap kepakakjisi eboipetsi kaike aphan nangcheklang-lo.