MATHIU 22:3 - BAIBEL KANGTHIR (BSI)

³ Alangli piso kepangri amei along kephatang atum aphan kepahang damjisi aban atum aphan toilo, bonta latum nangkedunji aning hanghedet-lo.

MATHIU 22:3 ပူးပေါင်းရင်းမြစ်များ

LUN ALOHTHUI 68:11

Hemphu hukum pilo, lapen ongdung birta kepachon atum birta ponlo.

ISAIAH 30:15

Muluk a-Hemphu, Israel a-Arnamsi rat-aso aphan pulo, “Nangchevoira nephan nechikijoi non. Anke nangtum ingtangrak po lapen jokvan po.” Bonta nangtum la keklemji molo!

JEREMIAH 25:4

Nanglitum aphan Hemphu alangli ban montri atum nangtoibang jonghe seta nangli no chedende mate no che-varve.

JEREMIAH 35:15

Nangtum along neban montri atum nangtoilo, lapen latum nangtum aphan kehingno atovar che-onon lapen akechok akamle klemnon pu nangputang-lo. Nangtum akaprek arnam-heihei aphan archori lapen ingduk- ri pu nangpacheretoilo, anke nangphusar atum aphan Ne nangkepi alongle along nangtum dolongpo. Bonta nangtum nelam kroikre mate nephan no chedende.

HOSEA 11:2

Bonta ko-anma Ne la aphan kehang, la-ansi la Ne pen chepahelolo. Nerat atum Baal aphan arklilo, latum kumlin-heihei aphan mephik thorlo.

HOSEA 11:7

Latum Ne pen chepahelover jisi klem, latum aputhak arthang kardik apot hangserji bonta baduta latum aphan la rungdunhurhelo.”

ZEPHANIAH 1:7

Hemphu Arnam angno doklipnon! Pima Hemphu arni tebok-het-lo; Hemphu se karkli athok pathiktang-lo, lapen Alangli alohi pangthirtang-lo.

MATHIU 21:34

Drakha athe kelikji apor nanglesi alangli kelong nangji athe kepa-en damji aphan aban atum aphan ketiki atum along nangtoilo.

MATHIU 23:37

“O Jerusalem, Jerusalem! Nang Arnam amontri aphan kepathi lapen nanglong nang ketoitang atum aphan arlong pen karbu abang! Vopile amethang asomar atum aphan aveng-kong arum kepangrumpet pen kebi ason ne batai ko-ansi nangsomar atum aphan kepangrumchomji ingtung-loma? Bonta nangtum ke la ingtungtedet-lo.

MATHIU 3:2

“Nangtum aning chiruinon, pima sining arat tebok-het-lo.”

MATHIU 9:15

Jisu halatum aphan pulo, “Piso kechepangri apinso abang dotik ke alangli long kedun atum chiru-chernapnelo, kalima? Bonta kechepangri apinso aphan halatum angbong pen pondetji, lason ahut vangji, lapen halatum halabangso ahut an humji.

LUK KETOK ABIRTA KEME 13:34

“O Jerusalem, Jerusalem! Nang montri atum aphan pathilo, Arnam nang ketoitang atum aphanta nangtum arlong pen arbubop-lo! Vopi avengkong arum amethang asomar kechenom asonthotsi ne batai ko-ansi nang somar atum aphan kepangrumbomjisi nening hang-lo, bonta nang ne paklem longle!

LUK KETOK ABIRTA KEME 15:28

“Akleng abang aning thisusi hem kelutji molo. Lasi apo vangsi hem kelutji aphan choningrilo.

LUK KETOK ABIRTA KEME 19:27

Lapen ke neliphan halatum aphuthak recho kepachoji aning kehanghe atum aphan neli long vanpet non, lapen neli ingnole latum aphan pathi-etnon.’”

JON KETOK ABIRTA KEME 5:40

Tebonta nanglitum chethe kelongji aphan neli long kevangji ning hanghe.

AKAM 13:45

Jihudi atum la armu ake-ongpi thek-long si jasemet lang un-elo, lapen pinrem pinremsi Pol keningje alam ke ahok kali pusi pulo.

ROM ASOR ATUM APHAN POL KETOK ALOH 10:21

Bonta Israel atum alamjir alangli lapusonsi pulo, “La kekroikre lapen kechingkinodak arat aphan ne losini neri deng-elo.”

IBRI 12:25

Lasi nanglitum aphan nangkethan atum alam arjumori. Pima pirthe athak Arnam kepacheretoi alam kethan abang alam kekroimo atum ke jok-longledet-lo. Tangte ili jongsi hala sining athak pen ilitum aphan ekepacheretoi alam kethan abang alam arjumolo tangte ilike halatum apar kejok kelong sungmuchotji.

IBRI 9:15

Labangso apotsi Arnam kephatang atum chepahemphu longji pu Arnam kechaktang, kejut un-e akai anta kedover ason hei hei kelongji aphan la kechechak kemi kepathik ahut adak kedodun abang ke Khristo helo. Lapen monit atum aphrang akechechak aron aber kedo ahut keklem apap hei hei kepakakji aphansi alangli thitang-lo apotsi alangli ke lason klem unlo.

KEPAKLANG 22:17

Karjong lapen nonhetsi keche-pangritang a-arloso pulo, “Vangnon, Hemphu Jisu!” Labangso alam karjulong abang “Vangnon!” pule papunang. Lang kang-it abang aling pavang-nang; aning kehang abang aling chethe alang akejoile pajunnang.

1 SAMUEL 9:13

La aphan kepha atum la hadak-le letik ke rat atum kecho cheng-longle, pima athok aputhak la pahirjume paphrangvek nangji. Nanglitum jongsi non amat damlote, la inglong angsong kecho damji aphan arlule aphrang chetongdun unji.”