MATHIU 2:4 - BAIBEL KANGTHIR (BSI)

⁴ Alangli det adang kurusar kethe lapen aron thekser atum aphan pangrumpetsi arjulo, “Khristo pirthe kehacheji adim kodakma?”

MATHIU 2:4 ပူးပေါင်းရင်းမြစ်များ

2 PHURKIMO 34:13

Akaprek a-Levi ke hormu kepon kevan lapen ason ason akam kelang dun, lapen akaprek atum ketok kerim mate ketondun akam chepahemphulo.

2 PHURKIMO 34:15

La Shaphan aphan pulo, “Ladak Kardomhemthepi along ne Aron aloh long-lo.” Loh la Shaphan aphan pilo,

2 PHURKIMO 36:14

La aparta, Judah ajalin atum, akurusar atum, lapen rat atum, latum adung-arei adet-heihei arjansi endunlo, lapen kumlin-heihei archolo, lasi Hemphu amethang kepangthirtang a-Kardomhemthepi latum pasa-urlo.

EZRA 10:5

Lasi Ezra, kurusar atum, Levi atum lapen kedo-an rat ajalin atum aphan Shekaniah kepu ateng klemdunpo pu seme pa-en pen cheng-lo.

EZRA 7:6

Ezra inut loh ketok abang, lapen Israel atum a-Arnam, Moses pen kepi Hemphu aron kethekpame abang-lo. Pima Ezra a-Arnam Hemphu ahirjume alangli phuthak dolo, lasi kehang aling govornor ta alangliphan pilo.

NEHEMIAH 12:7

Sallu, Amok, Hilkiah, lapen Jedaiah. Joshua arni ahut lahei amonit atum halatum arisangho kurusar atum angbong kejalin atum lo.

LUN ALOHTHUI 2:2

Latum arecho atum thurlo, latum pangribang atum chelangpetsi, Hemphu lapen la kangvaitang arecho abe kephangnoji thurlo.

JEREMIAH 8:8

Kosonsi nangtum giani pu chepu unlo, lapen Ne aron-heihei chini pu kechepuma? Langtha, tok-bang atum pen ajok Ne ron-heihei lartang-lo.

MALAKI 2:7

Pima kurusar angho kechinithek donangji, lapen monit atum alangli angho pen akethan ri nangji, pima alangli ke muluk a-Hemphu apherangke lo.

MATHIU 13:52

Lapen alangli halatum aphan pulo, “La apotsi sining arat alamjir kecharlitang, aron kethekser abang ke ehum ahem ahemphu ason thakthak-lo. Alangli amethang akhi apuru angbong pen akemi lapen aban ahormu en.”

MATHIU 2:3

Herod recho labangso alam arjulongsi alangli lapen alanglilong Jerusalem asor anta aning siksakkoilo.

MATHIU 2:5

Latum alangliphan thaksi pulo, “Ha Judia adet, Bethlehem arongsopi along. Pima ha montri ketok tekang lapuson helo;

MATHIU 21:15

Bonta kurusar kethe atum lapen aron thekser atum alangli keklemtang akemanghumeme akam hei hei lapen osomar atum Kardomhemthepi arlo hangjosi, “David a-Sopo anong pathenon!” pu kepu thek-longsi aning oi-lak-lo.

MATHIU 21:23

Jisu kardom ahem thepi arlo lutdamlo, lapen alangli kethanbom ahut kurusar kethe atum lapen akesar atum alangli long vangsi pulo, “Nangli kopuson ajakong kelongsi lahei hei klem bomloma, lapen matsi nangliphan labangso ajakong nanglipi loma?”

MATHIU 26:3

Anke kurusar kethe atum lapen akesar atum ha Kaiaphas pu kurusar akethenei ahem chingrumsi,

MATHIU 26:47

Jisu la keningjebom ahut asangho bang krehini atum angbong pen inut Judas pu abang vang-lo, lapen alangli penpen kurusar kethe atum lapen akesar atum nangketoidun a-armu ake-ongpi atum nokjir lapen kaibong chevansi vang-lo.

MATHIU 27:1

Adapprang kurusar akethe atum lapen akesar atum kedo an Jisu aphan kepathiji abidi chingvailo,

MATHIU 7:29

Alangli ke hala aron thekser atum ason kali, bonta ajakong kedo abang ason thak-thaksi halatum aphan thanlo.

MARK 8:31

Ansi Jisu amethang asangho atum aphan lam kethanji pangcheng-lo, “Monit a-Sopo kesung pho-o nangji; lapen akesar atum lapen kurusar kethe atum, lapen aron thekser atum alangliphan chakchedetji. Alangliphan pathilotji lapen nithom aphi alangli rengthusi thurji.”

LUK KETOK ABIRTA KEME 20:19

Aron thekser atum lapen kurusar atum hadak mamat Jisu aphan kenepji aphan bor-ilo; pima alangli halatum aputhak labangso alamlir thanlo pusi chinilo; bonta halatum rat aphan phereduk-lo.

LUK KETOK ABIRTA KEME 23:10

Kurusar kethe atum lapen aron thekser atum arjap phrongsi Jisu aphan jasemet lam bok-lo.

JON KETOK ABIRTA KEME 18:3

Lasi Roman aron-aso atum, lapen kurusar kethe atum lapen Pharisi atum nangketoidun Kardomhemthepi keton aron-aso atum aphan cheponsi Judas halabangso apaiberi along damlo. Halatum lemtem, thengtom lapen arisim hei hei cheponkreilo.

JON KETOK ABIRTA KEME 3:10

Jisu thakdunsi pulo, “Nanglike Israel angbong inut thekser akurulo setta labangso alam chininema?

JON KETOK ABIRTA KEME 7:32

Armu atum Jisu alamjir lapuson kechethan palamso alam Pharisi atum arjudun long-lo. Lasi halatum lapen kurusar kethe atum alangliphan kepanepjisi Kardomhemthepi along keton aron-aso atum aphan nangtoilo.

JON KETOK ABIRTA KEME 8:3

Bonta aron thekser atum lapen Pharisi atum alangli dung inut abeisapi vansi halatum angno paparjaptherlo. Beisa kechoklem ahutsi labangpi aphan nepdunlongchek-lo.

AKAM 23:9

Kehangjo ase thethumuchot-lo, lapen Pharisi abe atum angbong pen aron thekser penang atum thursi lam kechedan pen pulo, “Labangso amonit aphan nelitum thang adaita thek-longle. Karjong kalite sining apherangkesi alangliphan kethan binong tahailo!”

AKAM 4:5

Puthot arni Jihudi atum angbong keja atum, akesar atum lapen aron thekser atum Jerusalem arongsopi along chingrumlo.

AKAM 6:12

Lasonsi halatum rat atum aphan, akesar atum aphan lapen aron thekser atum aphan chorung-lo. Halatum Stephan aphan nepcheksi Jihudi atum Ameipi angno ponlo.