MATHIU 2:2 - BAIBEL KANGTHIR (BSI)

² “Pirthe kehachemi, Jihudi atum arecho kodaksi doma? Pima nelitum alangli chiklolongso keklangcheng thek-long-lo, lapen alangliphan kangdukjisi nelitum vang-lo.”

MATHIU 2:2 ပူးပေါင်းရင်းမြစ်များ

LUN ALOHTHUI 2:6

“Zaion athak, Ne inglong kangthir,” alangli pulo, “Ne recho akam pek-lo.”

LUN ALOHTHUI 45:11

Nang arjekeme, nangphan recho aning pahangpo; la nang hemphu lo, lasi nang la alam kroi nangji.

ISAIAH 60:3

Nangkethe-ang anat det-heihei vangpet po, Lapen recho-atum nang arni kemi adap anat vangpetpo.

JEREMIAH 23:5

Hemphu pulo, “David aro pen inut dhoromipet arecho kangvaiji apor nangletang-lo. Halabangso arecho reset pen pangri pamepo lapen kopima akechokpet lapen ahokpet akam det adang klempo.

JEREMIAH 30:9

La alar, Ne Hemphu, halatum a-Arnam aphan ingdukpo, la-pen David aso aphan Ne recho batji.

ZEKARIAH 9:9

Jasemet ning arongnon, O Zaion arongsopi! Asepathera hangnon, O Jerusalem arongsopi, Langtha, nang recho nanglong vang-lo, kehai aning karong, lapen Alangli haitang-lo, Chepabihek lapen gadha athak ardonlo, gadha aloso athak ardonlo.

KELAKHA 24:17

Mo kevangji akai aphan neli lang-lo, Lapen Israel akhei aphan neli thek-long-lo. Inut arecho, keklarbong achiklolongso ason laso akhei pen nangklangji. Kedamvoi achiklolongso asonsi Israel pen la vangpo. Moab ajalin atum aphan alangli arbupo Lapen Seth arat kedo-an aphan alangli sappo.

MATHIU 2:3

Herod recho labangso alam arjulongsi alangli lapen alanglilong Jerusalem asor anta aning siksakkoilo.

MATHIU 21:5

“Zaion arongsopi aphan thantha, Langtha, nang recho nanglong vang-lo! Alangli ke asotdut, lapen mar kepon agadha lapen aso athak ardonlo.”

MATHIU 27:11

Govornor angno Jisu arjaptherlo, lapen alangli Jisu aphan arjusi pulo, “Jihudi atum arecho pu nangli heloma?” Jisu thaksi pulo, “Nangli la putang-lo.”

LUK KETOK ABIRTA KEME 19:38

“Hemphu amen pen kevang a-Recho aphan Arnam hirjume papinang! Sining athak ning kangsam padonang, lapen Arnam aphan anong pathe nang!”

LUK KETOK ABIRTA KEME 2:11

pima pini David arongsopi along nanglitum aphan Kepajok a-Bang pirthe hachetang-lo. Hemphu Khristo alangli helo.

LUK KETOK ABIRTA KEME 23:3

Pilat alangliphan arjulo, “Jihudi atum arecho nangli heloma?” Alangli thak-lo, “La si nangli puloke.”

LUK KETOK ABIRTA KEME 23:38

Alangli thak anat lahei hei alamthe tok-lo: “lake Jihudi atum a-Recho.”

JON KETOK ABIRTA KEME 1:49

Nathaniel thakdunsi pulo, “Nang ke Arnam a-Sopolo, Kuru! Nang ke Israel atum arecholo!”

JON KETOK ABIRTA KEME 12:13

Lasi halatum sotele arvo otkreisi alang-liphan kangthumdunjisi nangbarlo lapen hangjo josi pulo, “Arnam anong pathenang! Hemphu amen pen kevang abang hirjume kelong atheng-lo! Israel atum arecho hirjume kelong atheng-lo!”

JON KETOK ABIRTA KEME 18:37

Lasi Pilat alangliphan pulo, “Tangte nanglike rechoma?” Jisu thakdunsi pulo, “Nanglisi la nepulo. Kalang-lo, neli ke recholo. Neli ahok alamjir kethanjisi pirthe athak vangsi mahang nangthek-lo. Ahok abe atum anke neli lam arju.”

JON KETOK ABIRTA KEME 19:19

Pilat kepachini alam toksi thengparpan athak pabonlo. Ketok lapuson helo, “NAJARETH A-JISU, JIHUDI ATUM ARECHO.”

JON KETOK ABIRTA KEME 20:28

Thomas thakdunsi pulo, “O ne Hemphu, lapen ne Arnam!”

JON KETOK ABIRTA KEME 5:23

Sopo aphan aman kepipe abang ke Sopo aphan nangketoi abang aphan, atheke Po aphanta aman pipe.

JON KETOK ABIRTA KEME 9:38

Alangli pulo, “Neli kroilo Hemphu!” Ansi alangli Jisu aphan ardomkhrup-lo.

IBRI 1:6

Bonta Arnam amethang a-Sopo aklengsi aphan pirthe athak nang ketoi ahut alangli pulo, “Sining apherangke atum an alangliphan ingduk ardomvek nangji.”

KEPAKLANG 22:16

“Mondoli atum aphan kepachinijisi nangliphan la hei hei alam nangke-pathanji aphan neli Jisusi neli methang apherangke nangtoilo. Neli ke David asu lapen ahem asangholo; neli helo keturbong Aklirdap achiklolongsolo.”