MATHIU 2:13 - BAIBEL KANGTHIR (BSI)

¹³ Latum chevoidet pen mamat Hemphu apherangke Joseph aphan amang pen cheklangsi pulo, “Thurra oso lapen apei aphan cheponra ha Ijip adet katnon, lapen neli nangliphan pupetik ke hadak-le donon; pima Herod ke kepavirjisi oso aphan riji dokdok-lo.”

MATHIU 2:13 ပူးပေါင်းရင်းမြစ်များ

1 RECHO 11:17

Hadad lapen ajehak apo aban atum Ijip adet katsi jok-lo. (Halaso ahut Hadad ke inut bihek a-osolang.)

1 RECHO 3:5

Halabangso aningve la aphan mang pen Hemphu cheklang-lo lapen la aphan arjulo, “Ne nangphan kopi nangning kehang ason nangpi nangjima?”

JOB ALOH 33:15

Ajo monit atum amek kejang ahut, Arnam mangpen lapen mek-rengjeng akethek-long pen ningje lo.

JOB ALOH 33:17

Latum pap keklem kepangtonji aphan lapen kechepindak pen latum aphan kepajokji aphan Arnam ningjelo.

KEBAR 1:22

Kepadusi, arat aso kedo-an aphan recho isi ahukum pilo, “Ibri aso pinso mahang kethekmi an ponra Nil aroi varchuinon, bonta so arlo an pareng-long-nang.”

MATHIU 1:20

Bonta Joseph la kematha un ahut amang pen Hemphu apherangke nangcheklangsi alangliphan pulo, “David asu, Joseph, nangli piso Meri aphan nangli hem kecheponji phereri. Pima Karjong Kangthir pen ajoksi alangli so inghulo.

MATHIU 10:23

Nangtum aphan elong arongsopi nangkechenek ahut arongsopi kaprek-le katnon; lapen chenamsi ne nangtum aphan nang-pulang, nangtum Israel arongsopi an damtupte ako Monit a-Sopo vangji.

MATHIU 2:12

Lapen Herod along damthuri pu Arnam ahukum amang pen longthusi latum atovar kaprek pen amethang adet chevoijuilo.

MATHIU 2:14

Alangli thursi ajo amat oso lapen apei aphan cheponsi Ijip adet kat-lo,

MATHIU 2:16

Ansi kethek kere atum alangliphan pachereitang-lo pu chinisi Herod jasemet aning thilo, lapen alangli Bethlehem lapen adung arei kedo ningkan hini arta lapen ningkan hini pen kekom arta pinso a-osomar atum aphan kepavirkoiji ahukum pilo lake alangli alangli long kevang-akethek kere atum pen chiklolongso keklang alamjir karjulong ahut ateng pensi klemlo.

MATHIU 2:22

Bonta Arkelaus si apo Herod adular Judia adet recho cholo pu arju longsi alangli hadak kedamji pherelo. Lasi amang pen hukum kelong atengsi Galili adet damthulo.

AKAM 10:22

Halatum thakdunsi pulo, “Kornelias pu inut chedanbang bang pharo ahemphusi netum aphan ladak netoilo. Alangli inut dhoromipet lapen Arnam aphan kephere amonit-lo. Jihudi amonit atum an alangliphan aman pi olo. Nangli kepu nangji alam an alangli karjulongjisi, nangliphan amethang ahem along kephaji aphan pherangke kangthir hukum pilo.”

AKAM 10:7

Halabangso aphi pherangke damjuilo, lapen Kornelias amethang aban banghini, lapen alangli-tor kedo atum angbong pen inut dhoromi aron-aso aphan hang-lo.

AKAM 12:11

Ansi Pitor amethang aphan keplangtang alam chemathasi pulo, “Lake ahok-lo pu nonke ne chinipame lo. Herod arideng pen lapen Jihudi atum keklemjisi kechesik an pen neli-phan kepajokjisi Hemphu amethang apherangke nangtoilo.”

AKAM 12:7

Ansi hadak men men Hemphu apherangke vangsi arjaptherlo, lapen phatek angdeng kethe-ang turdang-lo. Alangli Pitor aphangkor along otsi alangliphan hijuk-lo, lapen alangliphan ingthursi pulo, “Thurseraknon.” Halamamat ingchin ari alangli ri pen kloruilo.

AKAM 16:36

Lasi phatek ahemphu abang Pol aphan pulo, “Kangsai atum nanglitum aphan kelophlotji ahukum pilo. Nonke nanglitum dak pen barra ningkangsam pen damnon.”

AKAM 5:19

Bonta halabangso aningve Hemphu apherangke vangsi phatek anghap ingpudang-lo, lapen ketoitang atum aphan nangpabarsi pulo,

AKAM 7:19

Alangli ilitum aphusar atum aphan bidi kehingno pen klemlo, lapen halatum aphan cheneksi halatum asomar, pinso a-oso atum kereng longledetji aphan ingtan var-et-lo.

JOSHUA 3:13

Pirthe adang ahemphu Hemphu a-Kechejok Aloh Asinduk keparphang akurusar atum akeng lang along kechebi pen amat Jordan alang liledetpo, lapen kevangji alang seta elong adim chepangpen pringpo.”

JOSHUA 3:17

Rat atum kekrengdang alongle ajo kedam un ahut, Hemphu akechejok aloh Asinduk keparphang akurusar atum Jordan Aroi angbong chittim kekrengdang alongle athak rat atum hat tangtetik ke arjapding-lo.

JOSHUA 4:10

Joshua aphan Hemphu hukum kepi ason rat aphan kepaklemtoi an tangtetik-ke kurusar atum Jordan angbong chittimsi arjapverlo. La helo Moses kepitang ahukumlo. Lapen rat atum langroi hat serak-rak-lo.

JOSHUA 4:18

lapen kurusar atum langroi parai kele aphijong amat langroi alang puthot chelithusi la akung anta puthot lang ingbak-lo.

KEPAKLANG 12:14

Bonta labangpi aphan kethikpi adim, ha kejejangtang ajo kangjardamji aphan Vomupi arveng hini labangpi aphan pidet-lo. Hadak Chehangthepi arideng pen pajoksi ningkan kethomra-achitim an alangliphan lanaji.

KEPAKLANG 12:4

Arme pen chiklolongso phanthom angbong pen ephan vungsi pirthe athak nangpaklolo. Lapen amahang kethek pen mamat oso aphan kechojisi halabangso a-Chehangthepi ke oso amahang kepathekji dokdok a-arloso angno tondunding-lo.

KEPAKLANG 12:6

Labangpi arloso kejejangtang ajo katsi Arnam kethikpi adim do damlo. Hadak alangliphan 1,260 arni an lanaji.