MATHIU 18:3 - BAIBEL KANGTHIR (BSI)

³ lapen pulo, “Chenamsi ne nangtum aphan nangpulang, nang-tum chelarlera osomar atum ason thakthak cheplangplete jonghe setta nangtum sining arat lutdun longledetji.

MATHIU 18:3 ပူးပေါင်းရင်းမြစ်များ

LUN ALOHTHUI 131:2

La alar ne ning ingsamlo, lapen do rengmelo. Osole apei arideng amek kejangjoi asonthotsi, Nening arlo seta ingsamjinlo.

ISAIAH 6:10

Anke alangli neliphan pulo, “Lahei amonit atum aning palu non, latum ano pangthong non, lapen latum amek paselok non, anke latum thek longle mate arju longle mate chini un-e det po. Jongsi latum la klemlote, latum ne anat nangchetevarsi medetji meme.”

MATHIU 13:15

Pima halatum aning buikluihak-huk-lo, lapen ano ingthongjong-jang-lo, lapen amek selokjok-jak-lo. Lapu kali asonte, halatum amek pen thek longji apot-lo, ano pen arjulongji apot-lo, halatum aning pen chiniji apot-lo, lapen halatum nenat aning chiruisi ne halatum aphan pameji apot-lo.’

MATHIU 18:2

Ansi Jisu inut a-oso aphan ame-thang adung hangsi latum angbong parjaptherlo,

MATHIU 18:4

Badutame, labangso a-oso ason thakthak kechepabihek abang helo sining arat angbong akethenei abang-lo.

MATHIU 19:14

Lasi Jisu pulo, “Osomar atum nedung pavang longnon, latum aphan khangri, pima sining arat ke lapuson thakthak atum arat-lo.”

MATHIU 19:23

Jisu asangho atum aphan pulo, “Chenamsi ne nangtum aphan nangpulang, keplang-o abang sining arat kelut dunji akesung do.

MATHIU 5:18

Pima ne chenamsi nangtum aphan nangpulang, sining lapen pirthe avedet detik ke lapen aron alam an chekokpet petik ke aron angbong pen amek isi, kalite tokbor amuso isinatta virvedetji.

MATHIU 5:20

Lasi ne nangtum aphan nangpulang, aron thekser lapen Pharisi atum apar nangtum adhoromipet akam lit munak nete nangtum jonghe setta sining arat lutdun longledetji.

MATHIU 6:16

“Lapen nangtum an kehum ahut angthin ke-ik atum ason ke nangtum amahang chepa-ikkuiri. Pima latum an humlo pu monit atum aphan kepachiniji aphan latum amahang chepa-ikkuilo. Chenamsi ne nangtum aphan nangpulang, halatum kelong nangji anong-e an longtang-lo.

MATHIU 6:2

“Tangte nangtum keduk kelak atum aphan dan kepi ahut monit atum pen anong kelongji aphan, hala angthin ke-ik atum ason kardom ahemheihei along, lapen tovar along along nang methang aphrang pong-ut chebut-ri. Chenamsi ne nangtum aphan nangpulang, halatum kelong nangji anong-e an longtang-lo.

MATHIU 6:5

“Lapen nangtum kardom ahut hala angthin ke-ik atum ason cheplangri; pima monit atum kepathek dunlongjisi latum kardom ahem-heihei along, lapen tovar samepi kechekok adim karjap-ra kardomjisi aning dokpik-lo. Chenamsi ne nangtum aphan nangpulang, halatum kelong nangji anong-e an longtang-lo.

MARK 4:12

Lasi, ‘Latum langbom langbom setta thek-longle, latum arjubom setta chinine. Lapu kali asonte, latum aning chiruisi, Arnam pen diya longji apot-lo.’ ”

LUK KETOK ABIRTA KEME 13:24

“Nanglitum anghap angho bihek anat kelut damjile jasemet chepaduknon; pima penang atum kelut damjisi bor-iji bonta un-edetji.

LUK KETOK ABIRTA KEME 22:32

Bonta Simon, nangtum akekroi ke-ik edetji aphan ne nangphan Arnam nang ardom pilo. Lapen mo nang nangning chiruidet lote nang korte atum ajakong pathevek nangji.”

JON KETOK ABIRTA KEME 1:51

Ansi alangli halatum aphan pulo, “Neli ahok alamsi nangthanpo, sining kangpudang lapen Monit a-Sopo athak Arnam apherangke atum karlu lapen nangkehir nangtum thek-longji.”

JON KETOK ABIRTA KEME 3:3

Jisu alangliphan thakdunsi pulo, “Neli nangliphan ahokpetsi nangpulang, mahang thekmimete baduta Arnam a-Rat thek-longle.”

JON KETOK ABIRTA KEME 3:5

Jisu thakdunsi pulo, “Neli ahokpetsi nangpulang, lang lapen Karjong pen amahang thekthete baduta Arnam a-Rat lutdun longle.

AKAM 14:22

Alanglitum kekroitang atum aning pathirbomlo, lapen halatum kekroi angkang kedobomji aphan aning pathelo. Alanglitum thansi pulo, “Arnam a-Rat angbong kelutdunji aphan ilitum jasemet kesung pho nangji.”

AKAM 28:27

Pima labangso amonit atum aning buikluihak-huk-lo, lapen halatum anota chetokthip tang-lo, lapen halatum amekta selokthiptang-lo. Lapu kali asonte, halatum amek pen thek-longji apot-lo, halatum ano pen arjulongji apot-lo, halatum aning pen chinithekji apot-lo, lapen halatum nelong nangchiruisi ne halatum aphan pameji apot-lo pusi Arnam pulo.’”

AKAM 3:19

Tangte Arnam nanglitum apap hei hei kediyaji aphan nanglitum aning chiruira Arnam adung vangnon. Nanglitum lapuson klemlote,

1 KORINTH 14:20

Korte marli atum, nanglitum aning kematha osomar atum ason cheplangri. Kehingno akam anat ke nanglitum osomar atum asonle cheplangnon, bonta ning kematha anat ke nanglitum arta kedo pame atum asonle cheplangnon.

1 PITOR 2:2

Oso thi-i atum moklang kar-i asonthak thak-le nanglitum aju kavepin karjong amok-lang aphan ar-inon. Anke nanglitum la kejun pen ajok the-dingsi kejok longpo.

2 PITOR 1:11

Lapusonsi nanglitum ilitum aphan e-Kepajok abang, e-Hemphu Jisu Khristo kejut un-e arat angbong dodun longpo.