MATHIU 15:4 - BAIBEL KANGTHIR (BSI)

⁴ Pima Arnam hukum pisi pulo, ‘Nangpi lapen nangpo aphan anong pathenon,’ lapen ‘Api apo aphan kehingno kepu abang aling aphan pathi vek nangji.’

MATHIU 15:4 ပူးပေါင်းရင်းမြစ်များ

KEBAR 20:12

Nangpo, nangpei aphan aman pinon, anke Ne nangtum aphan nangkepi adet along nangtum achethe dinglenpo.

KEBAR 21:17

“Apo mate apei aphan ahirjuno kehang aling abangphan pathilot nangji.

SARLAMTHE 20:20

Nang jongsi nangpei-nangpo aphan ington lote kangting ajo kemep amelur asonsi nangchethe jutkokji.

SARLAMTHE 23:22

Nangpo alam arjutha; alang pen pete nang mahang thek un-e. Nangpei sarpi lote nang pinremri.

SARLAMTHE 30:17

Apo aphan kepinrem amek lapen kepakroijira apei aphan kelangrem amek arlok avo-ak atum horjokji lapen takun atum chodetpo.

ISAIAH 8:20

Halatum aphan nangtum thak dun nangpo, “Hemphu nangtum aphan kopisi nangkethan jima lale arjudun non! Kepaludep atum alam arjuri latum nangkethan alam thang akeme ave.”

LEVI 19:3

Nangtum abangphutinta nangpei lapen nangpo aphan aman pitu, lapen Kesang arni rimtu, Ne hukum nangkepitang ateng. Nesi nang Arnam Hemphu-lo.”

LEVI 20:9

Lahei aron Hemphu pilo. Badutame apo mate apei aphan ahirjuno kepi abangphan pathilotpo; la amethangsi amethang kethi apot adai dolo.

MATHIU 15:3

Bonta alangli thaksi halatum aphan pulo, “Nanglitumke tangte kopi apotsi nanglitum a-ove ove pen kevang aron pen apot Arnam ahukum kroikredet-loma?

MATHIU 15:5

Bonta ‘Badutame, alangli pen kelong nangji ale alangli Arnam aphan pitang-lo pule api lapen apo aphan thanlote, alangli api, apo anong pathe nangnelo.’ pusi nanglitum pulo.

MATHIU 19:19

nangpi nangpo anong pathenon, lapen nangmethang aphan asonthot-le tebok abang aphan chinghonnon.”

MATHIU 4:10

Ansi Jisu alangliphan pulo, “Damnon, Soitan! Pima la hastro along toktang-lo, ‘Hemphu, atheke nang Arnam aphan helo nang kangduk-kardom nangji, lapen alangliphansi ingdukchot nangji!’”

ROM ASOR ATUM APHAN POL KETOK ALOH 3:31

Tangte labangso akekroi pen ajok ilitum Aron ale pavedet-loma? Lapu kali; bonta ilitum Aron pathirlo.

EPHESAS 6:1

Osomar atum, Hemphu pen chelang pet-ra nangpi nangpo alam chekroinon. Pima lason keklem ke kechokpame akamlo.

KETHAN 27:16

Apo mate apei aphan aman kepipe abangphan Arnam ahirjuno padonang. Anke kadokave arat atum thakdunpo, “Amen!”

KETHAN 5:16

Nangpo nangpei aphan aman pitu, la Ne Hemphu nangtum Arnam hukum nangkepi ateng-lo, anke kadokaveta mesenpo, lapen Ne nangtum aphan nangkepiji pu alongle along nangchethe dinglenpo.