MATHIU 11:3 - BAIBEL KANGTHIR (BSI)

³ “Kevangji abang nang heloma? Mate anut kaprek aphan inghong nangjilangma?”

MATHIU 11:3 ပူးပေါင်းရင်းမြစ်များ

KECHENG 12:3

Nangphan kepahirjume aling abangphan Ne pahirjume ji, Bonta nangphan kepahirjuno aling abang aphan Ne pahirjunoji. Lapen nang pen ajok Ne kadokave akhei aphan pahirmepo.”

KECHENG 3:15

Nang lapen arloso angbong, nangsomar lapen bangpi asomar angbong hotur pacheplangpo; la nangphu pangje po, lapen nang la akengti pangjepo.”

KECHENG 49:10

Judah ke recho achin ot-longpo, Lapen la aso-asu si kaiketa pangriverpo. Det atum alanglilong dan vanprelo.

LUN ALOHTHUI 118:26

Hemphu amen pen kevang a-Bangphu aphan, Arnam pahirjumenang! Hemphu a-Kardomhemthepi pen netum, Nang pahirjumelo.

ISAIAH 7:14

Mesen lo, Hemphu amethangsi nangphan isi angthek nangpipo: Inut kangthir-et animsopi oso chopathepo lapen amen ‘Immanuel’ pu hangpo.

HOSEA 3:5

Aphithu ke Israel atum chevoisi halatum a-Arnam Hemphu aphan lapen arecho David aphan ripo; lapen kejut arni halatum kephere pen Hemphu along lapen Alangli keme along vangpo.

OBADIAH 1:21

Jerusalem kehaithor arat atum Edom tengkhengsi la aputhak pangripo. Lapen Hemphu amethangsi Recho plangpo.

MIKAH 5:2

Bonta nang, O Bethlehem Ephrathah, Judah aro angbong akebinei abang, nang pensi Israel atum inut kepangri a-Bang nephan vangpo la atiri ke phusar arni ahut pen.

HAGGAI 2:7

lapen khei kedo-an Ne hijukpo; anke khei kedo-an akhi vangpo, lapen labangso ahem ahir-asang pen Ne paplengsetpo, pusi muluk a-Hemphu pulo.

ZEKARIAH 9:9

Jasemet ning arongnon, O Zaion arongsopi! Asepathera hangnon, O Jerusalem arongsopi, Langtha, nang recho nanglong vang-lo, kehai aning karong, lapen Alangli haitang-lo, Chepabihek lapen gadha athak ardonlo, gadha aloso athak ardonlo.

MALAKI 3:1

Chininon, Nephrang tovar kesikji aphan Ne, Nepherangke toilo, lapen nangtum keribom a-Hemphu tongsekotsi Alangli Kardomhemthepi along vangpo; lapen nangtum nangning kedok kechejok aloh apherangke ta chininon, Alangli vangbomlo pusi muluk a-Hemphu pulo.

MALAKI 4:2

Bonta Nemen aphan kephere la nangtum aphan athikpet arni avengkong pen keso-kepamejisi vangpo. Chainong asole aroi pen kebar pakedakphro asonsi nangtum damlongpo.

KELAKHA 24:17

Mo kevangji akai aphan neli lang-lo, Lapen Israel akhei aphan neli thek-long-lo. Inut arecho, keklarbong achiklolongso ason laso akhei pen nangklangji. Kedamvoi achiklolongso asonsi Israel pen la vangpo. Moab ajalin atum aphan alangli arbupo Lapen Seth arat kedo-an aphan alangli sappo.

MATHIU 11:10

Hastro along ketok alamjir ke alangli lamjirlo, atheke, ketok do, ‘Chini iktha, nesi ne pherangke nang-phrang toipo, alangli nangphrang tovar nang sikpiji.

MATHIU 11:4

Jisu thaksi halatum aphan pulo, “Nangtum damra karjulong ponbom lapen kethekdun longbom alamle Jon aphan chethan damnon.

MATHIU 21:5

“Zaion arongsopi aphan thantha, Langtha, nang recho nanglong vang-lo! Alangli ke asotdut, lapen mar kepon agadha lapen aso athak ardonlo.”

MATHIU 21:9

Lapen alangli phrang kedam lapen alangli phi kedun atum hangjosi pulo, “Hosana! David a-Sopo! Hemphu amen pen kevang abang ahirjume atheng! Hosana! Kangtuinei a-Bang!”

MARK 11:9

Jisu aphrang lapen aphi kedun atum hangjo josi pulo, “Hosana! Hemphu amen pen kevang abang ke ahirjume atheng-lo.

LUK KETOK ABIRTA KEME 19:38

“Hemphu amen pen kevang a-Recho aphan Arnam hirjume papinang! Sining athak ning kangsam padonang, lapen Arnam aphan anong pathe nang!”

JON KETOK ABIRTA KEME 11:27

Labangpi thakdunsi pulo, “Kroilo Hemphu! Pirthe athak kevangji abang, Arnam a-Sopo, Khristo ke nangli helo, neli la kroilo.”

JON KETOK ABIRTA KEME 12:13

Lasi halatum sotele arvo otkreisi alang-liphan kangthumdunjisi nangbarlo lapen hangjo josi pulo, “Arnam anong pathenang! Hemphu amen pen kevang abang hirjume kelong atheng-lo! Israel atum arecho hirjume kelong atheng-lo!”

JON KETOK ABIRTA KEME 16:14

Alangli ke ne nong patheji, pima ne kepu alam pensi alangli nangtum aphan thanji.

JON KETOK ABIRTA KEME 4:21

Jisu alangliphan pulo, “Neli lam kroitha, pei! Monit atum Po aphan labangso anglong athak lapen Jerusalem arongsopi alongta ingduk-ardomdedetji, lason ahut vangji.

JON KETOK ABIRTA KEME 6:14

Ansi halabangso amonit atum la alangli keklemtang akemanghumeme akam thek-longsi pulo, “Ahok-lo, pirthe athak kevang nangji abang, Arnam amontri alangli helo.”

JON KETOK ABIRTA KEME 7:31

Bonta armu angbong pen ake-ongpi atum alangliphan kroilo, lapen pulo, “Mo Khristo vang-lote alangli ke labangso amonit keklem akemanghumeme akam hei hei apar keklem ongmujima?”

IBRI 10:37

Pima hastro pulo, “Pima non malomso aphi lote kevangji abang nanglepo, alangli paderde.