MATHIU 10:2 - BAIBEL KANGTHIR (BSI)

² Ketoitang bang krehini atum amen lahelo: aphrangsi ke Pitor pu abang, Simon lapen akorte Andriu; Jebedi asopo Jems lapen akorte Jon;

MATHIU 10:2 ပူးပေါင်းရင်းမြစ်များ

MATHIU 17:1

Nithrok aphi Jisu Pitor, Jems lapen akorte Jon aphan ha monit kavedet adim, kangtuiving Anglong athak japonlo.

MATHIU 20:20

Ansi Jebedi apiso amethang asopo bang hini atum pen Jisu along vangsi, ardomkhrupsi akerap chohang-lo.

MATHIU 26:37

Alangli Pitor lapen Jebedi asopo bang hini aphan ari cheponlo, lapen alangli aning keduk lapen kematha kesung pangcheng-lo.

MATHIU 4:18

Jisu Galili atalo akung kung kedam un ahut korte banghini aphan, atheke Pitor pu abang a-Simon, lapen alangli korte Andriu aphan thek-long-lo. Latum alanvar talo along varlo, pima latum ke ok kebeng atumlo.

MATHIU 4:21

Alangli asap damthusi akaprek banghini akorte atum aphan thekdamlo; latum ke Jebedi asopo Jems, lapen akorte Jon lo. Latum apo Jebedi pen pen telong arlo lan bu bomsi dolo. Jisu halatum aphan hang-lo,

MARK 1:29

Jisu sinagog pen nangkebar pen mamat Jems lapen Jon atum pen pen Simon lapen Andriu atum ahem damphit-lo.

MARK 13:3

Kardomhemthepi athengno kedo, Oliv anglong athak Jisu ingnilunsi kedo ahut alangli long baduta avedetsi Pitor, Jems, Jon lapen Andriu vangsi Jisu aphan arjujoilo,

MARK 6:30

Ansi ketoitang atum nangchevoisi Jisu along chingrumpet-lo, lapen halatum keklemtang akam an lapen kethantang alam an alangliphan thanlo.

LUK KETOK ABIRTA KEME 11:49

Lasi Arnam agian pulo, ‘Ne halatum angbong Montri lapen Pherangke nangtoiji. Halatum manene atum aphan pathiji, lapen manene atum aphan chenekji.’

LUK KETOK ABIRTA KEME 22:14

Ahut nang choksi, Jisu ketoitang atum pen an kechojisi ingnilo.

LUK KETOK ABIRTA KEME 22:8

Pitor lapen Jon aphan Jisu toisi pulo, “Damra etum Kejok Amei a-an kechoji aphan sik damnon.”

LUK KETOK ABIRTA KEME 5:10

Lapen ke Zebedi asopomar, Jems lapen Jonta lapu thakthak-lo. Halatum ke Simon pen kam keklem rap rap atumlo. Lapen Jisu Simon aphan pulo, “Phere nangne, non pen apara nang monit kenep abang cheplangji.”

LUK KETOK ABIRTA KEME 9:10

Ketoitang atum nangchevoithulo, lapen halatum kopi pisi klemtang-lo, lake Jisu aphan chethanlo. Lapen alangli halatum aphan ponsi, chepapreksi Bethsaida pu arongsopi damjuilo.

JON KETOK ABIRTA KEME 12:22

Philip labangso alam Andriu aphan thandamlo, lapen latum banghini damthusi Jisu aphan labangso alam thandamlo.

JON KETOK ABIRTA KEME 13:23

Sangho atum angbong pen Jisu kechinghon abang ke Jisu adungsi ingnilo.

JON KETOK ABIRTA KEME 20:2

Alangli katponsi Simon Pitor lapen Jisu kechinghon anut kaprek asangho along damlo. Alangli halatum aphan pulo, “Halatum alangliphan tipit pen pontang-lo, lapen alangliphan konattong kebidamlone, nelitum chinine!”

JON KETOK ABIRTA KEME 21:2

Simon Pitor, Thomas (Kecherop pu abang), Nathaniel (Galili adet, Kana arong asor), Jebedi asopo atum lapen anut kaprek asangho banghini atum elong-petsi chingrumlo.

JON KETOK ABIRTA KEME 21:20

Pitor anung anat chetevarsi Jisu kechinghon, sangho kaprek abang aphan thek-long-lo. Labangso asangho ke hala an kecho ahut Jisu aphan pet-lapsi, “Komat abangsi nangphan hotur arideng hodaipoma, Hemphu?” pu karju abang-lo.

JON KETOK ABIRTA KEME 21:24

Lahei hei alam kethan lapen ketok abang labangso asangho helo, lapen alangli kepu alam ke ahokpet alam pu ilitum chini.

JON KETOK ABIRTA KEME 6:67

Lasi alangli asangho bangkrehini atum aphan arjulo, “Nangtumta nephan ne-orupjima?”

JON KETOK ABIRTA KEME 6:70

Jisu thakdunsi pulo, “Nesi nang-tum bangkrehini aphan nang-ingvailo, kalima? Bonta nangtum angbong inut abang ke hi-ilo.”

JON KETOK ABIRTA KEME 6:71

Alangli Simon Iskariot asopo, Judas aphansi labangso alam pudamlo. Pima Judasta sangho bangkrehini angbong inut-lo setta alangli Jisu aphan hotur arideng hodaiji dokdok-lo.

JON KETOK ABIRTA KEME 6:8

Jisu asangho atum angbong pen Andriu pu Simon akorte abang alangliphan thakdunlo.

AKAM 1:13

Halatum rongsopi nanglesi hala-tum kedo adim, angsong angdeng along arludamlo. Hadak Pitor, Jon, Jems, Andriu, Philip lapen Thomas, Bartholomeu lapen Mathiu, Alpheus asopo Jems, det kechinghon a-Simon lapen Jems asopo Judas atum dolo.

AKAM 1:26

Ansi halatum hala banghini angbong inut aphan kangvaiji aphan khadot pathulo, lapen Mathiu amen klang-lo, lapen alangliphan hala ketoitang bang kre isi atum along lakhaponlo.

AKAM 12:2

Alangli Jon akorte, Jems aphan nokjir pen pathilot-lo.

AKAM 3:1

Arni isi arni kangsam baji kethom apor ahut, atheke kardom apor ahut Pitor lapen Jon Kardomhemthepi along damlo.

1 KORINTH 15:7

Labangso aphi alangli Jems aphan cheklang-lo lapen labangso aphi alangli ketoitang atum an aphan cheklang-lo.

EPHESAS 4:11

Alanglisi monit atum aphan kenangsot adan hei hei pilo. Komanene atum ke ketoitang atum, komanene atum aphan ke Arnam amontri atum, komanene atum aphan ke Birta Keme kepachethang atum, komanene atum aphan ke mondoli keja mate pastor atum lapen komanene atum aphan ke kethan atum kecheplangji aphan Alangli kenangsot adan hei hei pilo.

IBRI 3:1

Arnam kephatang kangthir akorte atum! Ilitum kechekobirdam akekroi a-Kurusar Kethenei kepaplang-jisi Arnam nangketoi a-Jisu alam nanglitum mathapamenon.

1 PITOR 1:1

Kaprek adet pen vangsi Pontas, Galasia, Kappadosia, Asia lapen Bithinia alongri adang an kedo kechehijikjam, Arnam kangvaitang amonit atum aphan Jisu Khristo aketoitang abang, neli Pitorsi labangso aloh tok-lo.

2 PITOR 1:1

Jisu Khristo aban lapen ketoitang abang, neli Simon Pitorsi labangso aloh nanglitum aphan, atheke e-Arnam lapen ekepajok abang, Jisu Khristo dhoromipet akam pen ajok nelitum ason akekroi kelong atum aphansi tok-lo.

2 JON 1:1

Neli mondoli akesarsi nangliphan, atheke neli kechinghon binong arloso lapen nanglisomar atum aphansi labangso aloh tok-lo. Nangliphan nang kanghon abang ke neli inutnat, lapu kali. Ahok alam kechini atum anke nangliphan nang inghonlo.

3 JON 1:1

Neli mondoli akesarsi nangliphan, atheke neli kechinghon binong a-Gaias aphansi labangso aloh nangtok-lo.

KEPAKLANG 1:1

Labangso aloh along Jisu Khristo Kepaklang alam hei hei ketok do. Arnam aban atum aphan Jisu Khristo kepaklangji aphansi Arnam alangli phan la keplangji dokdok alam hei hei pachinilo, lapen Jisu Khristo amethang apherangke aphan alangli ban, Jon adung toisi labangso alam hei hei pathanlo.

KEPAKLANG 1:9

Neli nanglitum akorte Jon ta Jisu aphan kekroi ajok nanglitum pen pen keduk kesung kepho rap-rap, alangli rat aso keplanglong rap-rap, lapen ning keding pen kechechak rap rap abang-lo. Neli Arnam alam lapen Jisu kepaklang ahok alam kethan apot neliphan Patmos pu alanglom along nebilo.

KEPAKLANG 18:20

Labangpi kevir apot ning arong-non, Oh sining, Arnam amonit atum, ketoitang atum lapen amontri atum! Pima labangpi nanglitum aphan keklem apot Arnam labangpi aphan ingsaisi alar huitang-lo.

KEPAKLANG 22:8

Neli Jongsi lahei hei alam arjulong-lo lapen thek-long-lo. Lapen lahei hei alam arjulongdet lapen thek-longdet aphi neliphan lahei hei nekepaklang apherangke aphan kangduk-kardomjisi neli alangli kengri domkhrup-lo.