MATHIU 10:1 - BAIBEL KANGTHIR (BSI)

¹ Jisu amethang asangho bang krehini atum aphan amethang adung chehangsi kangthirthe ahi-i atum aphan kephlungji, ason ason akeso lapen ajakong kekomdet akeso hei hei kepameji ajakong pilo.

MATHIU 10:1 ပူးပေါင်းရင်းမြစ်များ

MATHIU 19:28

Jisu latum aphan pulo, “Chenamsi ne nangtum aphan nangpulang, mo kai kemi ahut, Monit a-Sopo amethang adak atur anghoi athak kangni ahut nangtum, atheke ne phi phi nang kedun atumta hala inghoi krehini athak ingniji, lapen Israel kur kre hini atum aphan kangsai atum plangji.

MATHIU 26:20

Arni ingsamsi alangli asangho atum pen pen an kechojisi ingnilo.

MATHIU 26:47

Jisu la keningjebom ahut asangho bang krehini atum angbong pen inut Judas pu abang vang-lo, lapen alangli penpen kurusar kethe atum lapen akesar atum nangketoidun a-armu ake-ongpi atum nokjir lapen kaibong chevansi vang-lo.

MATHIU 4:23

Jisu Sinagog hei hei arlo lam thanponbomsi Sining a-Rat alamjir abirta keme pachethang-ponbomsi, lapen rat atum angbong akaprek kaprek akeso lapen aphu keso an pamesi Galili adet adang an damtup-lo.

MATHIU 6:13

Lapen asat kelangjile netum aphan neponrinon, bonta kehingno ajakong pen netum aphan nepajoktha.’ ‘pima nangrat lapen jakong lapen anong, akai apar akai anta padonang.’

MATHIU 9:35

Jisu kadokave arongsopi lapen arong an damtupsi Sinagog hei hei along lam thanlo, lapen sining a-Rat abirta keme pachethang-bomlo; lapen kadokave akeso lapen ajakong kekom-det atum aphan pamelo.

MATHIU 9:38

Tangte alangli kam keklem atum aphan sok keparotjisi nangketoiji aphan sok kerot a-Hemphu aphanle cho-ardomhurnon.”

LUK KETOK ABIRTA KEME 10:19

Arjutha! Pherui lapen chehe langbong apivo athak kedongji lapen hotur an aphan kehaiji ajakong ne nangtum aphan nangpitang-lo, lapen thangta nangtum aphan phangno un-e.

LUK KETOK ABIRTA KEME 21:15

Pima nangtum keningje alam nangtum ahotur atum baduta khang un-e, lapen nangchethakdun thekthe, lason alamthe lapen agian ne nangtum aphan nangpiji.

LUK KETOK ABIRTA KEME 24:49

Lapen ne-Po kechaktang asonthotsi nemethang amatsi la nangtum aphuthak nangtoipo. Bonta angsong pen nangtum aphuthak jakong vangve tik ke rongsopi angbongle dobomtha.”

LUK KETOK ABIRTA KEME 6:13

Adap the-angsi alangli amethang adung asangho atum aphan chehangkoilo, lapen halatum angbong pen alangli bang krehini ingvailo, lapen ketoitang atum pusi amen irlo.

JON KETOK ABIRTA KEME 17:2

Pima Sopo arideng nang kepitang atum an aphan alangli kejut un-e achethe kepithekji aphan nang alangliphan kadokave amonit aphuthak ajakong pitang-lo.

JON KETOK ABIRTA KEME 3:27

Jon thakdunsi pulo, “Arnamle pipete baduta thangta long un-e.

JON KETOK ABIRTA KEME 3:35

Po Arnam ke amethang a-Sopo aphan chinghon, lapen kadokave amarta alangli ridengsi pitang-lo.

JON KETOK ABIRTA KEME 6:70

Jisu thakdunsi pulo, “Nesi nang-tum bangkrehini aphan nang-ingvailo, kalima? Bonta nangtum angbong inut abang ke hi-ilo.”

AKAM 1:8

Bonta mo Karjong Kangthir nangtum aphuthak kevang ahutsi nangtum jakong longji, lapen Jerusalem, Judia lapen Samaria adet adang an, lapen pirthe kejut adim hei hei anta nangtum nehaki plangji.”

AKAM 19:15

Bonta hala karjong langno halatum aphan pulo, “Ne Jisu aphan chini, lapen ne Pol aphanta chini; bonta nangtum ke komat-lo?”

KEPAKLANG 12:1

Ansi sining athak isi kethedung lapen kelang kemanghumeme angthek nangklang-lo: Hadak arloso inut arni che-umsi, chiklo athak akengpak arumsi chiklo do, lapen aphu athak chiklolongso krehini avaikang chekup-lo.