LEVI 7:2 - BAIBEL KANGTHIR (BSI)

² Labangso adan aphan kepi api ke kephrin athok pi kepathi adim dovan anirep anat si pathi nangji, lapen la avi dovan konaphli anat dung nangji.

LEVI 7:2 ပူးပေါင်းရင်းမြစ်များ

ISAIAH 52:15

Bonta alangliphan non ongdung adet atum manghuphrongpo, lapen mong-loisi recho atum an alamthe jutkokpo. Latum kechininepin ason ajehak latum thek-longpo, lapen chinipo.”

EZEKIEL 36:25

Nangtum aphuthak lang kangthir Ne nang arsiji lapen nangtum kedo-an akumlin-heihei pen lapen nangtum aphan nangkepasa-ur asontin pen nangpangthirpo.

EZEKIEL 40:39

Laso kelutcheng angdeng arlo tebul phli, chepang-nophrong angdeng arlo do. Lahei atebul alongsi athok kepiji api-heihei pathi lo, arpum kangthim kephrinji aphan seta, mate pap-heihei aphan athok setame, mate kechetu athok aphan setame.

LEVI 1:11

Alangli la dovan anirep anat pathubub lonang, lapen kurusar abang dovan atok-ano-phli anat la avi parsilonang.

LEVI 1:3

Jongsi alangli achainong angbong ejon kephrin athok pilote, alangli mesen achainong alo pavannang. La alangli Hemphu kedo a-Pehem kelutdam anghap along pavannang, anke alangliphan Hemphu dengpo.

LEVI 1:5

Alangli hadak chainong alo thatpo, lapen Aaron aro akurusar atum Hemphu aphan vi pipo lapen Pehem kelut amangho along kedo adovan atok-phli anat la arsipo.

LEVI 14:13

Biresak aphan alangli ha kangthir adim pap lapen kephrin athok aphan pi kethat adimsi pathidampo. Alangli la klemvek nangji athema pap athok ason-thak-thaksi preng kechetu athokta kurusar apharman lapen ingthirpik chenam.

LEVI 3:2

Bangpo abang pi aphu athak ari batpo lapen Hemphu kedo a-Pehem ajakan along alangli la pathipo. Aaron aro akurusar atum la avi dovan ahintin anat arsi po,

LEVI 3:8

alangli la aphu athak ari bat si Pehem athengno pathi nangji. Kurusar atum la avi dovan ahintin anat arsi po la pen

LEVI 4:24

La aphu athak alangliri batpo, lapen kephrin athok api kepathi adim dovan anirep anat pathipo. La ke pap kepakak-i athok-lo.

LEVI 4:29

La aphu athak alangliri batpo lapen kephrin athok api kepathiji adim dovan anirep anat ponsi pathipo.

LEVI 4:33

La aphu athak halabangso abang ari bat nangji, lapen kephrin athok kepathi adim dovan anirep anat pathi nangji.

LEVI 5:16

Alangli kechetu nangji apreng chetuvek nangji lapen abat phankep pen phanni batdun nangji. La alangli kurusar aphan pinangji, lapen kurusar abang halabangso amonit apap athok pajirpo, lapen alangliphan diyadetpo.

LEVI 5:7

Mane abang jongsi biresak mate bi pi un-e pulote, Hemphu aphan alar vothung jonni lapen thungpharlo jonni alangli van-nangpo, ejon ke pap athok-lo, lapen ajon keprek ke kephrin athok-lo.

LEVI 5:9

lapen la ajehak avi dovan akung arsipo, lapen ahin avi ke dovan akeng-ri along dung-etpo. Lake pap kepakak-i athok-lo.

LEVI 6:25

Moses aphan Hemphu hukum pilo. Kephrin athok aphan pi kepathi adim, dovan anirep anat si pap athok pi pathi nangji. La ke kangthirpik athok-lo.

LEVI 6:7

Kurusar abang halabangso amonit apap athok pajirpo, lapen bangso aphan diyadetpo.

KELAKHA 6:12

lapen alangli por Hemphu aphan chehodai-thumisi chepanong nangpo. Aphrang apor an ke lakhakhe detpo, pima la kechehodai achu chepangthirthe-tang-lo. Adaiketu athok aphan alangli ningkan isi arta abiresak van-nangpo.

IBRI 11:28

Kekroi pen ajoksi alangli kejok kechemathadamthu achojun amei bilo, lapen kepathi apherangke Israel atum asopo aklengsi atum aphan kepathi longledetji aphansi alangli inghap athak vi karsiji ahukum pilo.

IBRI 12:24

kechechak kemi kepathik adak kedodun a-Jisu adung, lapen Abel avi kechak ason hei hei apar akememu ason hei hei kechak avi, atheke karsitang avi alongsi nanglitum vangtang-lo.

1 PITOR 1:2

Nanglitum Jisu Khristo ahukum kekroiji lapen alangli vi pen ajok kangthir-etjisi Po Arnam aphrang pen aning kehang asonthotsi nanglitum aphan nang ingvailo lapen amethang a-Karjong pen nanglitum aphan kangthir amonit nang paplang-lo. Nanglitum along kanghon lapen ning kangsam pa-onglethotnang.