LEVI 2:9 - BAIBEL KANGTHIR (BSI)

⁹ Hemphu aphan kepanong angthek ephar kurusar abang ensi alangli la dovan athak phrinpo. Hemphu aphan laso akecho athok angnim aning pangsamlo.

LEVI 2:9 ပူးပေါင်းရင်းမြစ်များ

KEBAR 29:18

Biresak kangthim dovan athak phrinnon, la isi kecho adanlo. La kedokjin angnim nephan ning pangsamlo.

ISAIAH 53:10

Hemphu pulo, “Kesung kephonangji lake neningkehang lo; kethi ke diya kevanji aphan isi athok lo. La apotsi la aso-asu chethek longpo; la achethe ding-o ji, lapen alangli pen ajok ne kemang akam pachunpo.

LEVI 1:9

Bangpo abang aphek-angthin-heihei an cham-et nangji, lapen aphi akeng-heihei ta cham nangji, lapen adeng kedo akurusar abang dovan athak athok kangthim phrin nangji. Labangso kecho athok angnim Hemphu aphan aning pangsamlo.

LEVI 2:16

Laso akecho amar kurusar abang jangthu lapen hijung kedo-an penpen ajehak me phrinpo, la Hemphu aphan isi kecho amar athok asonpo.

LEVI 2:2

lapen la Aaron aro akurusar atum along van nangji. Adeng kedo akurusar abang chikip isi ahim aduk lapen jangthu ensi lapen hijung kedo-an Hemphu aphan kepanong athok pusi la dovan athak thorpo. Laso kecho athok angnim Hemphu aphan aning pangsamlo.

LEVI 2:8

La Hemphu aphan isi athok ason vannon lapen la kurusar aphan pinon, alanglisi la dovan along ponpo.

LEVI 24:7

Arentin aju-kavepin amehi kelok ahijung binon, him adim Hemphu aphan kecho athok angthek-lo.

LEVI 4:31

Anke alangli la athu an lirpo, kejalang athok ahut athu kelir asonthotsi lirpo, anke la alangli dovan athak phrinpo, ansi laso angnim Hemphu aphan aning pangsampo. Lasonsi monit apap athok kurusar abang pajirpo, lapen alangliphan diyadetpo.

LEVI 5:12

La alangli kurusar along van nang po, la Hemphu aphan kepilo pu angthek alangli chekip isi enpo, lapen isi kecho athok panongsi dovan athak phrinpo. Lake pap kepakak-i athok-lo.

LEVI 6:15

Anke alangli him aduk richikip isi lapen jangthu, lapen la athak hijung ensi la Hemphu aphan kepanong-tang an dovan athak phrindutpo. Labangso athok angnim Hemphu aphan aningpadok-lo.

ZEKARIAH 13:7

Thurnon, O nokjir, Ne biresak kevi atum abe thurnon, Ne dung karjap abang abe thurnon, pu muluk a-Hemphu-si kepulo. “Biresak kevi abangphan areng pasonon, anke biresak atum pratjampo; Ne bihek-hak atum abethurpo.

ZEKARIAH 13:9

Lapen la phanthom pen ephan Ne me angkang along phrinsi langpo, lapen halatum aphan rup kepangthir ason pangthirpo, lapen ser asat kelang asonsi halatum aphan langpo. Halatum Ne men aphan hangpo, lapen Ne halatum aphan thakpo.’ ” Ne pupo, “Halatum Nerat asolo,” lapen halatum pupo, “Hemphu ne-Arnamlo.”

KELAKHA 5:26

lapen sok-sang adan chekip isi enchomsi kechematha amar paplangpo, lapen la dovan athak phrinpo, la aphi arloso aphan lang pajunthupo.

ROM ASOR ATUM APHAN POL KETOK ALOH 12:1

Tangte lahelo, kortemarli atum, Arnam ilitum aphan ekangjinso apot neli nanglitum aphan choningrilo: kereng-et a-Arnam akam aphan kepanongtang lapen Arnam aningkedok athok asonthak thak-le nanglitum Arnam aphan chehodainon. Nanglitum ahokpet kangduk akardom ke lahelo.

ROM ASOR ATUM APHAN POL KETOK ALOH 15:16

Jihudi kalidet atum Arnam aning kedok athok, atheke Karjong Kangthir pen ajok Arnam aphan kepanongtang athok keplangthekji aphansi neli Arnam pen kevang a-Birta Keme kepachethang akurusar ason klembomlo.

EPHESAS 5:2

Khristo ilitum aphan e-inghonlo, lapen kenemprujin lapen Arnam aning kedok athok ason cheplangsi ilitum apharman amethang apran chepidet-lo. Lasonthot-le nanglitumta klem aling setta kanghon penle kengkam chejorra klemnon.

PHILIPI 2:17

Nanglitum akekroi pen ajok nanglitum kepi athok athak lapen akardom-kangduk along, neli chethe avi dungnangdetji setta neli ning arong do, lapen nanglitum kadokave pen pen neli chehok rap rappo.

PHILIPI 4:18

Neli longpet-lo, lapen lake kenangji pen aparlo. Nanglitum Epaphrodaitas along nangkelodun akerap ason neli kelong pen neli dorphlup-lo. Halabangso akerap ason ke Arnam aphan kethok kenemprujin, Arnam kedengmeme lapen aning kedok athok asonthakthak-lo.