LEVI 2:2 - BAIBEL KANGTHIR (BSI)

² lapen la Aaron aro akurusar atum along van nangji. Adeng kedo akurusar abang chikip isi ahim aduk lapen jangthu ensi lapen hijung kedo-an Hemphu aphan kepanong athok pusi la dovan athak thorpo. Laso kecho athok angnim Hemphu aphan aning pangsamlo.

LEVI 2:2 ပူးပေါင်းရင်းမြစ်များ

NEHEMIAH 13:14

Mathatha, Ne Arnam, lahei kedo-an asonta nang Kardomhem lapen la karchoji aphansi ne klempet-lo.

NEHEMIAH 13:22

Ne Levi atum aphan amethang chepangthirji ahukum pilo lapen damsi Kesang-arni kangthir-et pen kerimthekji aphan anghap-heihei paton damtoilo. Nemathatha, O Arnam, lata nang kanghon kethe lapen nepajoktha.

KEBAR 30:16

Laso atangka Israel arat penle rungnon, lapen laso atangka Ne kedo a-pehem akenang aphanle khorotnon. Laso amidu ke halatum achethe anamlo, lapen Ne latum aphan keraijisi chemathapo.”

ISAIAH 66:3

Rat-atum halatum aninghang alingsi klemlo. Latum athok ajir aphan chainong alole thu seta mate monit-le thu seta isinat lo; latum biresak alo thu seta mate methan angphun ing-lokbub seta; Sok-sang athok latum pi seta mate phak-avi athok pi seta; hijung adan latum pi seta mate kumlin aphan ardom seta isinat lo. Latum kehijimmeme akarchosi aning cheparong lo.

LEVI 1:13

Bangso abang aphek angthin an pacham-etnangji lapen aphi akeng anta pachamnang. Lapen kurusar abang Hemphu aphan athok pajirlonang lapen la kedo-an dovan athak paphrin-et-lonang. Bangso kecho athok angnim Hemphu aphan aning pangsamlo.

LEVI 1:17

Anke alangli la avengkong otsi abang ingsekpo, bonta avengkong ke ingsekse detpo, anke dovan athak akangthim amat phrindutpo. La kecho akephrin athok angnim Hemphu aphan aning pangsam lo.

LEVI 1:9

Bangpo abang aphek-angthin-heihei an cham-et nangji, lapen aphi akeng-heihei ta cham nangji, lapen adeng kedo akurusar abang dovan athak athok kangthim phrin nangji. Labangso kecho athok angnim Hemphu aphan aning pangsamlo.

LEVI 2:16

Laso akecho amar kurusar abang jangthu lapen hijung kedo-an penpen ajehak me phrinpo, la Hemphu aphan isi kecho amar athok asonpo.

LEVI 2:9

Hemphu aphan kepanong angthek ephar kurusar abang ensi alangli la dovan athak phrinpo. Hemphu aphan laso akecho athok angnim aning pangsamlo.

LEVI 24:7

Arentin aju-kavepin amehi kelok ahijung binon, him adim Hemphu aphan kecho athok angthek-lo.

LEVI 4:31

Anke alangli la athu an lirpo, kejalang athok ahut athu kelir asonthotsi lirpo, anke la alangli dovan athak phrinpo, ansi laso angnim Hemphu aphan aning pangsampo. Lasonsi monit apap athok kurusar abang pajirpo, lapen alangliphan diyadetpo.

LEVI 5:11

Mane jongsi vothung jonni lapen thungpharlo jonni pi un-e pulote, pap athok aphan alangli him aduk elin pavannang. Alangli jit ajangthu mate hijung la aputhak bat dun nangnelo, pima la ke pap athok, sok-sang athok kali.

LEVI 5:12

La alangli kurusar along van nang po, la Hemphu aphan kepilo pu angthek alangli chekip isi enpo, lapen isi kecho athok panongsi dovan athak phrinpo. Lake pap kepakak-i athok-lo.

LEVI 6:15

Anke alangli him aduk richikip isi lapen jangthu, lapen la athak hijung ensi la Hemphu aphan kepanong-tang an dovan athak phrindutpo. Labangso athok angnim Hemphu aphan aningpadok-lo.

KELAKHA 5:18

Anke alangli bangpi achu pajirkrapsi arideng him aduk adan pipo. Alangli ari along kurusar ke ahirjuno kevan-i lang keho aharlung otdongpo.

KELAKHA 5:26

lapen sok-sang adan chekip isi enchomsi kechematha amar paplangpo, lapen la dovan athak phrinpo, la aphi arloso aphan lang pajunthupo.

AKAM 10:4

Alangli kephere pen pherangke aphan langdingsi pulo “Kopima, Hemphu?” Arnam apherangke alangliphan thakdunsi pulo, “Nangli kardom an lapen nangli kepi adan an Arnam aningdok-lo, lapen alangli lahei hei alam mathalo.